ეზეკიელი
30 კვლავ მეუწყა იეჰოვას სიტყვა: 2 «კაცის ძეო, იწინასწარმეტყველე, აი, რას ამბობს-თქო უზენაესი უფალი იეჰოვა:
„იტირეთ, ვაი ჩვენს თავს, ის დღე მოდისო.
3 ახლოსაა ის დღე, ახლოსაა იეჰოვას დღე.+
ეს იქნება ღრუბლების დღე,+ ხალხების გასამართლების დღე.+
4 მახვილი აღიმართება ეგვიპტის წინააღმდეგ; ეთიოპიას თავზარი დაეცემა, როცა ეგვიპტე დახოცილებით აივსება.
დაიტაცებენ მის სიმდიდრეს და საძირკვლებს გამოაცლიან.+
მათთან ერთად შეიმუსრებიან მახვილით“.
6 აი, რას ამბობს იეჰოვა:
„დაეცემიან ეგვიპტის მომხრეებიც
და გაქრება მისი საამაყო ძლევამოსილება.+
მიგდოლიდან+ სიენემდე+ მახვილით შეიმუსრებიან, — ამბობს უზენაესი უფალი იეჰოვა. — 7 ეგვიპტე ყველაზე მეტად გაპარტახდება; მისი ქალაქები გაუდაბურდება.+ 8 როცა ცეცხლს გავაჩაღებ ეგვიპტეში და ყველა მისი მოკავშირე შეიმუსრება, გაიგებენ, რომ მე ვარ იეჰოვა. 9 იმ დღეს ხომალდებით მოვავლენ ჩემს მაცნეებს, რათა შიშისგან აკანკალდეს თავდაჯერებული ეთიოპია. თავზარი დაეცემათ მათ ეგვიპტის უბედურების დღეს, რადგან ის უსათუოდ დადგება“.
10 აი, რას ამბობს უზენაესი უფალი იეჰოვა: „მოვსპობ მრავალრიცხოვან ეგვიპტეს ბაბილონის მეფე ნაბუქოდონოსორის ხელით.+ 11 ის და მისი ჯარისკაცები, უსასტიკესნი ხალხთა შორის,+ იმ ქვეყნის გასანადგურებლად გაილაშქრებენ. მახვილს იშიშვლებენ და დახოცილებით აავსებენ მიწას.+ 12 დავაშრობ ნილოსის არხებს+ და ბოროტებს ჩავუგდებ ხელში იმ მიწას, უცხოთა ხელით გავაპარტახებ მას და ყველაფერს, რაც იქაა.+ მე, იეჰოვა, ვამბობ ამას“.
13 აი, რას ამბობს უზენაესი უფალი იეჰოვა: „გავანადგურებ საზიზღარ კერპებს* და ბოლოს მოვუღებ ნოფის* უსარგებლო ღმერთებს;+ აღარ ეყოლება ეგვიპტეს თავკაცი; შიშის ზარს დავცემ ეგვიპტის მიწას.+ 14 გავაპარტახებ ფათროსს,+ ცეცხლს გავაჩაღებ ცოანში და განაჩენს აღვასრულებ ნოზე*.+ 15 გადმოვღვრი ჩემს რისხვას სინზე, ეგვიპტის ციხე-ქალაქზე, და მოვსპობ ნოს მკვიდრთ. 16 ცეცხლს გავაჩაღებ ეგვიპტეში, შიშის ზარი დაეცემა სინს, შეიჭრებიან ნოში, ხოლო ნოფს დღისით დაესხმებიან თავს! 17 ონისა და ფი-ბესეთის ჭაბუკები მახვილით განიგმირებიან, ამ ქალაქების მკვიდრთ კი ტყვედ წაასხამენ. 18 როცა ეგვიპტის უღელს დავამტვრევ,+ დღე დაბნელდება თეხაფნეხესში. გაქრება მისი საამაყო ძლევამოსილება,+ თავად მას კი ღრუბლები დაფარავს და მისი ქალაქების მკვიდრთ ტყვედ წაასხამენ.+ 19 განაჩენს აღვასრულებ ეგვიპტეზე და მაშინ გაიგებენ, რომ მე ვარ იეჰოვა“».
20 მე-11 წელს, პირველი თვის მე-7 დღეს კვლავ მეუწყა იეჰოვას სიტყვა: 21 «„კაცის ძეო, მე მოვტეხე მკლავი ფარაონს, ეგვიპტის მეფეს; არავინ შეუხვევს მკლავს, რომ მოურჩეს, და არავინ დაადებს სახვევს, რომ ძალა მიეცეს მახვილის დასაჭერად“.
22 აი, რას ამბობს უზენაესი უფალი იეჰოვა: „გამოვალ ფარაონის, ეგვიპტის მეფის წინააღმდეგ+ და ორივე მკლავს მოვტეხ, ძლიერსაც და მოტეხილსაც,+ და ხელიდან მახვილს გავაგდებინებ.+ 23 მიმოვფანტავ ეგვიპტელებს ხალხებში, გავფანტავ სხვადასხვა მიწაზე.+ 24 გავუმაგრებ მკლავებს ბაბილონის მეფეს+ და ჩემს მახვილს დავაჭერინებ;+ ფარაონს ორივე მკლავს მოვტეხ და სასიკვდილოდ დაჭრილივით მწარედ აკვნესდება მის წინაშე. 25 გავუმაგრებ მკლავებს ბაბილონის მეფეს, ფარაონს კი მკლავები დაუუძლურდება. როცა ჩემს მახვილს დავაჭერინებ ბაბილონის მეფეს და აღმართავს მას ეგვიპტეზე, გაიგებენ, რომ მე ვარ იეჰოვა.+ 26 მიმოვფანტავ ეგვიპტელებს ხალხებში, გავფანტავ სხვადასხვა მიწაზე+ და მაშინ გაიგებენ, რომ მე ვარ იეჰოვა“».