მსაჯულები
3 აი, ხალხები, რომლებიც იეჰოვამ დატოვა* იმ ისრაელთა გამოსაცდელად, რომლებსაც არ უომიათ ქანაანელებთან+ 2 (რათა ისრაელის მომავალ თაობებს, რომელთაც არ უომიათ, გამოეცადათ ომი): 3 ფილისტიმელთა ხუთი მთავარი,+ ყველა ქანაანელი, აგრეთვე სიდონელები+ და ხიველები,+ რომლებიც ლიბანის+ მთაზე ცხოვრობენ, ბაალ-ხერმონის მთიდან ლებო-ხამათამდე.+ 4 ისინი ისრაელის გამოსაცდელად იყვნენ, რათა ცხადი გამხდარიყო, დაემორჩილებოდნენ თუ არა იეჰოვას მცნებებს, რომლებიც მან მათ მამა-პაპას გადასცა მოსეს პირით.+ 5 ცხოვრობდნენ ისრაელები ქანაანელებს,+ ხეთელებს, ამორეველებს, ფერიზელებს, ხიველებსა და იებუსელებს შორის. 6 ირთავდნენ მათ ასულებს, თავიანთ ასულებს მათ ვაჟებზე ათხოვებდნენ და მათ ღმერთებს სცემდნენ თაყვანს.+
7 ბოროტებას სჩადიოდნენ ისრაელები იეჰოვას თვალში, დაივიწყეს იეჰოვა, თავიანთი ღმერთი, და ბაალის კერპებსა+ და სათაყვანო ბოძებს+ სცემდნენ თაყვანს. 8 განრისხდა იეჰოვა ისრაელზე და ხელში ჩაუგდო ისინი ქუშან-რიშათაიმს, შუამდინარეთის მეფეს; რვა წელი ემსახურებოდნენ ისრაელები ქუშან-რიშათაიმს. 9 როცა შველა სთხოვეს ისრაელებმა იეჰოვას,+ მოუვლინა იეჰოვამ მათ მხსნელად+ ოთნიელი,+ ქალებ იეფუნეს ძის უმცროსი ძმის, კენაზის, ვაჟი. 10 გადმოვიდა მასზე იეჰოვას სული+ და გახდა ის ისრაელის მსაჯული. როცა საბრძოლველად გავიდა ოთნიელი, იეჰოვამ ხელში ჩაუგდო შუამდინარეთის მეფე ქუშან-რიშათაიმი და სძლია მან ქუშან-რიშათაიმს. 11 მშვიდობა იყო 40 წელი იმ მიწაზე. შემდეგ მოკვდა კენაზის ვაჟი ოთნიელი.
12 კვლავ დაიწყეს ბოროტების ჩადენა ისრაელებმა იეჰოვას თვალში.+ გააძლიერა იეჰოვამ ეგლონი, მოაბის მეფე+ და ხელში ჩაუგდო ისრაელი, რადგან ბოროტებას სჩადიოდნენ ისინი იეჰოვას თვალში; 13 ამონელები+ და ამალეკელებიც+ აუმხედრა მათ. შეუტიეს ისრაელს და ხელში ჩაიგდეს პალმების ქალაქი*.+ 14 ისრაელები მოაბის მეფე ეგლონს 18 წელი ემსახურებოდნენ.+ 15 შველა სთხოვეს ისრაელებმა იეჰოვას+ და იეჰოვამაც მხსნელად მოუვლინა+ მათ ეჰუდი,+ გერას ვაჟი, ბენიამინის+ ტომიდან, რომელიც ცაცია+ იყო. მისი ხელით ისრაელებმა ხარკი გაუგზავნეს ეგლონს, მოაბის მეფეს. 16 გააკეთა ეჰუდმა ორლესული მახვილი, სიგრძით 1 წყრთა* და ტანსაცმლის ქვეშ, მარჯვენა თეძოსთან შეიბა; 17 მიართვა ხარკი ეგლონს, მოაბის მეფეს. ძალიან მსუქანი კაცი იყო ეგლონი.
18 მიართვა ხარკი ეჰუდმა ეგლონს და ხარკის მომტანებთან ერთად გაბრუნდა. 19 გილგალთან+ ქვის ქანდაკებებს* რომ მიაღწია, გამობრუნდა და მეფეს უთხრა: „საიდუმლოდ მაქვს შენთვის რაღაც სათქმელი, მეფეო“. მეფემ ბრძანა: „დაგვტოვეთ*!“ ყველა მსახური გარეთ გავიდა. 20 შევიდა ეჰუდი მის საგრილობელ ზედა ოთახში, სადაც ის მარტო იჯდა, და უთხრა მას: „ცნობა მაქვს შენთვის ღვთისგან!“ მაშინ წამოდგა ის ტახტიდან. 21 ეჰუდმა მარცხენა ხელი მარჯვენა თეძოზე იტაცა, მახვილი იშიშვლა და მუცელში გაუყარა. 22 ვადიანად შევიდა მახვილი და ქონმა დაფარა ის; მან მუცელში ჩაუტოვა მახვილი და განავალი გარეთ გამოუვიდა. 23 ეჰუდი წინკარში* გავიდა, ზედა ოთახის კარები გაიხურა და ჩაკეტა. 24 როცა წავიდა, დაბრუნდნენ მისი მსახურები და კარები ჩაკეტილი დახვდათ. თქვეს, საგრილობელ ოთახში მოსასაქმებლად ჩაიკეტებოდაო. 25 დიდხანს იცადეს და ბოლოს შეშფოთდნენ. როცა დაინახეს, რომ მან არა და არ გააღო ზედა ოთახის კარი, აიღეს გასაღები, გააღეს და ნახეს, რომ მკვდარი ეგდო ძირს მათი ბატონი.
26 ამასობაში ეჰუდმა თავს უშველა, გასცდა ქვის ქანდაკებებს*+ და სეირას შეაფარა თავი. 27 მივიდა ეფრემის მთიან მხარეში+ და ჩაჰბერა საყვირს;+ ჩავიდნენ მასთან ისრაელები მთიდან და ის სათავეში ჩაუდგა მათ, 28 უთხრა: „მომყევით, ხელში ჩაგიგდოთ იეჰოვამ თქვენი მტრები, მოაბელები!“ ისინიც გაჰყვნენ მას, დაასწრეს მოაბელებს იორდანის ფონების დაკავება და აღარავის უშვებდნენ. 29 გაჟლიტეს 10 000 მოაბელი,+ რომელთაგან ყველა ძლიერი და მამაცი იყო; არავინ გადარჩენილა.+ 30 იმ დღეს მოაბი ისრაელის ხელქვეითი გახდა და 80 წელი მშვიდობა იყო იმ მიწაზე.+
31 მის შემდეგ მსაჯული გახდა შამგარი,+ ანათის ვაჟი. მან სახრით+ 600 ფილისტიმელი მოკლა;+ ისიც მხსნელად მოევლინა ისრაელს.