მატიანე — წიგნი პირველი
20 წლის დასაწყისში*, როცა მეფეები საბრძოლველად გადიოდნენ, იოაბი+ ჯარს წაუძღვა, დავითი კი იერუსალიმში დარჩა.+ ააოხრა იოაბმა ამონელთა ქვეყანა, ალყაში მოაქცია რაბა,+ შეუტია მას და დაამხო.+ 2 მოხსნა დავითმა მალქამს ძვირფასი ქვებით შემკული ოქროს გვირგვინი, რომელიც 1 ტალანტს* იწონიდა; დაადგეს ის დავითს თავზე. მან დიდძალი ნადავლი წამოიღო იმ ქალაქიდან.+ 3 წამოასხა მან იქ მცხოვრები ხალხი; აჭრევინებდა მათ ქვებს და რკინის ბასრი იარაღებითა და ცულებით ამუშავებდა.+ ასე მოექცა დავითი ამონელთა ყველა ქალაქს. ბოლოს იგი მთელ თავის ჯართან ერთად იერუსალიმში დაბრუნდა.
4 ამის შემდეგ ბრძოლა გაჩაღდა ისრაელებსა და ფილისტიმელებს შორის გეზერში. მაშინ ხუშელმა სიბექაიმ+ მოკლა სიფაი, ერთ-ერთი რეფაიმი;+ ასე დაიმორჩილეს ისრაელებმა ფილისტიმელები.
5 კვლავ გაჩაღდა ომი ფილისტიმელებსა და ისრაელებს შორის; მაშინ იაირის ვაჟმა ელხანანმა მოკლა ლახმი, გათელი გოლიათის+ ძმა, რომლის შუბის ტარი ლილვის* სისხო იყო.+
6 კვლავ გაიმართა ომი გათში.+ იქ იყო ერთი ბუმბერაზი,+ რომელსაც ხელ-ფეხზე ექვს-ექვსი თითი ჰქონდა — სულ 24. ისიც რეფაიმი იყო.+ 7 დასცინოდა+ ის ისრაელს, ამიტომ იონათანმა, დავითის ძმის, შიმეის,+ ვაჟმა, მოკლა იგი.
8 ესენი იყვნენ გათში+ მცხოვრები რეფაიმები,+ რომლებიც დავითმა და მისმა მსახურებმა დახოცეს.