ეზეკიელი
27 კვლავ მეუწყა იეჰოვას სიტყვა: 2 «კაცის ძეო, სამგლოვიარო სიმღერა იმღერე ტვიროსზე+ 3 და უთხარი ტვიროსს,
ზღვის კარიბჭეებთან მცხოვრებო,
მრავალი კუნძულის მკვიდრებთან მოვაჭრევ,
აი, რას ამბობს-თქო უზენაესი უფალი იეჰოვა:
„ტვიროსო, შენ თქვი, სრულყოფილად ლამაზი ვარო.+
4 შუაგულ ზღვაში სამფლობელოები გაქვს.
შენი სილამაზე შენმა მშენებლებმა სრულყვეს;
6 ნიჩბები ბაშანის მუხისგან გააკეთეს,
ცხვირი კი ქითიმის+ კუნძულებიდან ჩამოტანილი კვიპაროსისგან დაამზადეს და სპილოს ძვლით მოაპირკეთეს.
7 შენი იალქნები ეგვიპტური ფერადი სელისა იყო;
გემბანის გადასაფარებელი ელიშას+ კუნძულებიდან ჩამოტანილი ლურჯი ძაფისა და იისფერი შალისგან იყო დამზადებული.
8 შენი მენიჩბენი სიდონისა და არვადის+ მკვიდრნი იყვნენ.
შენი ოსტატები, ტვიროსო, შენი მეზღვაურები იყვნენ.+
9 შენს ღარებს გებალის+ გამოცდილი ოსტატები გმანავდნენ.+
გემები და მეზღვაურები სავაჭროდ შენთან მოდიოდნენ.
10 შენს ჯარში მეომრებად სპარსელები, ლუდელები და ფუტელები+ იყვნენ;
მათ ფარები და მუზარადები ჩამოგკიდეს და დიდება მოგიტანეს.
11 გალავნის ირგვლივ არვადელი მეომრები გეყენა,
შენს კოშკებს მამაცი ვაჟკაცები დარაჯობდნენ.
შენს გალავანზე ირგვლივ თავიანთი მრგვალი ფარები ჩამოკიდეს
და სრულყვეს შენი სილამაზე.
12 შენი აურაცხელი სიმდიდრის გამო თარშიში+ შენთან ვაჭრობდა;+ ვერცხლს, რკინას, კალასა და ტყვიას საქონელში გიცვლიდნენ.+ 13 შენთან იავანი, თუბალი+ და მეშექიც+ ვაჭრობდნენ. მონებსა+ და სპილენძის ნივთებს საქონელში გიცვლიდნენ. 14 თოგარმის+ შთამომავლები თავიანთ ცხენებს, ბედაურებსა და ჯორებს საქონელში გიცვლიდნენ. 15 დედანელებიც+ შენთან ვაჭრობდნენ. მრავალი კუნძულის მკვიდრნი შენთვის ვაჭრობდნენ; მათ ძღვნად შენთვის სპილოს ეშვები+ და აბანოზის ხე მოჰქონდათ. 16 შენთან ვაჭრობდა ედომიც, რადგან უხვად გქონდა საქონელი; ფირუზს, იისფერ შალს, ნაირფერად ნაქარგ ქსოვილებს, ძვირფას ქსოვილებს, მარჯანსა და ლალს საქონელში გიცვლიდნენ.
17 იუდა და ისრაელიც შენთან ვაჭრობდნენ; ნუგბარს, მინითის+ ხორბალს, თაფლს,+ ზეთსა და ბალზამს+ საქონელში გიცვლიდნენ.+
18 დამასკოც+ შენთან ვაჭრობდა, რადგან აურაცხელი სიმდიდრე და დიდძალი საქონელი გქონდა, რაშიც ხელბონის ღვინოსა და მოწითალო-მონაცრისფრო შალს გიცვლიდა. 19 ვედანი და უზალის იავანი ნაჭედ რკინას, კასიასა და ლერწამს საქონელში გიცვლიდნენ. 20 დედანი+ ასალებით* გამარაგებდა. 21 შენთვის ვაჭრობდნენ არაბები და კედარის+ თავკაცები, ბატკნებით, ვერძებითა და ვაცებით მოვაჭრენი.+ 22 შენთან ვაჭრობდნენ შებისა და რაამის+ ვაჭრები და საუკეთესო სუნამოებს, ძვირფას ქვებსა და ოქროს გიცვლიდნენ საქონელში.+ 23 ხარანი,+ ქანე, ედემი,+ შების+ ვაჭრები, აშური+ და ქილმადი შენთან ვაჭრობდნენ. 24 შენს ბაზარში ვაჭრობდნენ ლამაზ-ლამაზი სამოსით, ლურჯი და ნაირფერად ნაქარგი ქსოვილებისგან დამზადებული მოსასხამებითა და ფერად-ფერადი ხალიჩებით, რომლებიც ფუთებად იყო შეკრული თოკებით.
25 შენი საქონელი თარშიშის ხომალდების+ ქარავნებს გადაჰქონდა;
ამიტომაც აივსე დიდძალი ქონებით და გამდიდრდი* შუაგულ ზღვაში.
26 აბობოქრებულ ზღვაში გაგიყვანეს შენმა ნიჩბოსნებმა
და აღმოსავლეთის ქარმა დაგამსხვრია შუაგულ ზღვაში.
27 შენი დოვლათი, საქონელი, მეზღვაურები,
ღარების დამგმანავები, საქონლის გამსაღებლები,+
მეომრები,+ მთელი ხალხი,
შუაგულ ზღვაში ჩაიძირებიან შენი დაცემის დღეს.+
28 შენი მეზღვაურების ყვირილზე სანაპიროები შეიძვრებიან.
29 ნიჩბოსნები და მეზღვაურები
თავ-თავიანთი ხომალდებიდან ხმელეთზე გადმოვლენ.
31 თავს გადაიპარსავენ და ჯვალოს სამოსს ჩაიცვამენ;
სულგამწარებულნი გიგლოვებენ.
32 გოდებას მოჰყვებიან და სამგლოვიარო სიმღერას გიმღერებენ:
„ტვიროსივით ვინ დადუმებულა შუაგულ ზღვაში?!+
33 ზღვის შუაგულიდან მოტანილი საქონლით აძღებდი ხალხებს;+
აურაცხელი დოვლათითა და საქონლით გაამდიდრე დედამიწის მეფეები.+
35 კუნძულთა მკვიდრნი გაოგნებულნი დაგიწყებენ ყურებას.+
მათი მეფეები შიშისაგან აკანკალდებიან+ და სახეები შეეცვლებათ.
36 ვაჭრები სხვადასხვა ერიდან სტვენას დაგიწყებენ.
უეცრად დაგიდგება საშინელი აღსასრული
და სამარადისოდ გაქრები“».+