მიქა

5 „ახლა თავს ისერავ,

ალყაში მოქცეულო ასულო,

მტერი გარს შემოგვერტყა.+

 2 ეფრათის ბეთლემო,+

ძალიან პატარა ხარ საიმისოდ, რომ იუდას ათასთა შორის იყო,

მაგრამ შენგან გამომივა მმართველი ისრაელში;+

მისი დასაბამი ძველი, უხსოვარი დროიდანაა.

 3 მას მიტოვებული ეყოლება ისინი,

სანამ არ შობს ის, ვინც უნდა შობოს.

 4 ადგება ის და დამწყემსავს იეჰოვას ძალით,+

თავისი ღვთის, იეჰოვას, სახელის სიდიადით.

უსაფრთხოდ იცხოვრებენ,+

რადგან მისი დიდება დედამიწის კიდეებს მისწვდება.+

როცა ჩვენს მიწაზე ასურელი შემოიჭრება და გამაგრებულ კოშკებს გათელავს,+

მის წინააღმდეგ შვიდ მწყემსს გამოვიყვანთ, რვა მთავარს ადამიანთა მოდგმიდან.

 6 მახვილით დამწყემსავენ ისინი ასურეთის მიწას+

და ნიმროდის+ მიწის შესასვლელებს;

ის გვიხსნის ასურელისგან,+

როცა შემოიჭრება ჩვენს მიწაზე და გათელავს ჩვენს სამფლობელოს.

 7 იაკობის დარჩენილი ნაწილი მრავალ ხალხს შორის იქნება,

როგორც ნამი იეჰოვასგან,

როგორც შხაპუნა წვიმა მცენარეთათვის,

კაცზე რომ არ არის დაიმედებული,

ადამიანებს რომ არ ელოდება.

 8 იაკობის დარჩენილი ნაწილი ერებს შორის,

მრავალ ხალხს შორის იქნება,

როგორც ლომი ტყის მხეცებს შორის,

როგორც ლომი ცხვრის ფარაში,

ჩავლისას რომ ეცემა და გლეჯს,

მხსნელი კი არავინაა.

 9 შენი ხელი შენს მოწინააღმდეგეებზე აღიმართება

და მოისპობიან შენი მტრები“.

10 „იმ დღეს, — ამბობს იეჰოვა, —

დაგიხოცავ ცხენებს და გაგინადგურებ ეტლებს,

11 მიწასთან გავასწორებ შენი ქვეყნის ქალაქებს

და დავანგრევ შენს ციხესიმაგრეებს,

12 ბოლოს მოვუღებ შენს ჯადოქრობას

და აღარ გეყოლება ჯადოქრები,+

13 გავანადგურებ შენს ქანდაკებებსა და სვეტებს

და აღარ დაემხობი შენი ნახელავის წინაშე,+

14 ამოვძირკვავ შენს სათაყვანო ბოძებს+

და გავაცამტვერებ შენს ქალაქებს.

15 რისხვითა და მრისხანებით ვიძიებ შურს

დაუმორჩილებელ ერებზე“.