ფსალმუნები

83 ნუ დადუმდები, ღმერთო!+

ნუ გაჩუმდები და ნუ გაჩერდები, ზეციერო!

 2 აი, ყაყანებენ შენი მტრები,+

ქედმაღლობენ შენი მოძულეები.

 3 ფარულად აწყობენ გეგმებს შენი ხალხის წინააღმდეგ,

შეთქმულებას უწყობენ შენთვის ძვირფას ხალხს.

 4 ამბობენ, მოდით და აღვგავოთ ეს ერი,+

რომ მოისპოსო ისრაელის სახსენებელი.

 5 საერთო ჩანაფიქრი აქვთ;

შენ წინააღმდეგ შეუკრავთ პირი:+

 6 ედომელებსა და ისმაელელებს*, მოაბელებსა+ და აგრელებს,+

 7 გებალელებს, ამონელებსა+ და ამალეკელებს,

ფილისტიმელებსა+ და ტვიროსელებს.+

 8 ასურეთიც+ მათ მიემხრო,

მხარს უჭერენ ლოტის შთამომავლებს.+ (სელა)

 9 იგივე დამართე მათ, რაც მიდიანს,+

სისერასა და იაბინს კიშონის ხევთან.+

10 განადგურდნენ ისინი ენ-დორში;+

ნაკელად იქცნენ მიწისათვის.

11 იგივე უყავი მათ დიდებულებს, რაც ორებსა და ზეებს,+

იგივე დამართე მათ მთავრებს, რაც ზებახსა და ცალმუნას,+

12 რადგან ამბობდნენ, დავეუფლოთო ღვთის სამკვიდროს.

13 ჩემო ღმერთო, დაამსგავსე ისინი ქარისგან ატაცებულ ნარს+

და ქარისგან გახვეტილ ბზეს.

14 როგორც ცეცხლი წვავს ტყეს

და ალი ბუგავს მთებს,+

15 ისე დაედევნე მათ შენი ქარიშხლით+

და შეაძრწუნე შენი ქარტეხილით.+

16 შეარცხვინე ისინი,

რათა ეძებონ შენი სახელი, იეჰოვა.

17 შერცხვნენ და შეძრწუნდნენ სამარადისოდ,

დამცირდნენ და განადგურდნენ,

18 რათა იცოდეს ხალხმა, რომ შენი სახელია იეჰოვა+

და მხოლოდ შენ ხარ უზენაესი მთელ დედამიწაზე!+