იგავები

 2 აი, რას გეტყვი, ჩემო შვილო,

ჩემო მუცლის ნაყოფო,

ჩემო აღთქმის ძეო:+

 3 ნუ შეალევ ძალ-ღონეს ქალებს+

და ნურც იმ გზით ივლი, მეფეებს რომ ღუპავს.+

 4 არ შეჰფერით მეფეებს, ლემუელ,

არ შეჰფერით მეფეებს ღვინის სმა;

არც მმართველებს შეჰფერით იმის თქმა, სად არის მათრობელი სასმელიო.+

 5 თორემ დალევენ და დაივიწყებენ იმას, რაც დადგენილია,

და გაჭირვებულებს სამართალს არ გაუჩენენ.

 6 დაალევინეთ მათრობელი სასმელი მომაკვდავთ+

და ღვინო — სულგამწარებულთ.+

 7 დალიონ და დაივიწყონ თავიანთი სიღარიბე,

ნუღარ ემახსოვრებათ თავიანთი გასაჭირი.

 8 გამოექომაგე, ვისაც თავის დაცვა არ შეუძლია;

გამოესარჩლე, ვინც სიკვდილის პირასაა.+

 9 გახსენი ბაგე და სამართლიანად განსაჯე;

დაიცავი ღარიბები და საწყლები.+

11 ქმარი მთელი გულით ენდობა მას;

ქმარს არაფერი აკლია.

12 იგი მთელი ცხოვრება ყოველივე კარგით აჯილდოებს ქმარს,

ცუდს არაფერს უკეთებს.

13 იძენს შალსა და სელს;

გარჯა სიამოვნებას ჰგვრის.+

14 სავაჭრო ხომალდივით+

შორიდან მოაქვს საკვები.

15 ჯერ კიდევ ღამიანად დგება,

ოჯახისთვის საჭმელს ამზადებს

და მოახლეებს თავ-თავიანთ ულუფას აძლევს.+

16 ათვალიერებს მინდორს და ყიდულობს;

ვენახს იმით აშენებს, რაც თავისი ხელით მოუპოვებია.

17 მზად არის მძიმე შრომისთვის+

და მკლავებს იმაგრებს.

18 ვაჭრობით სარგებელს ნახულობს;

ღამით მისი ლამპარი არ ქრება.

19 სართავი ჯარასკენ იწვდის ხელს

და თითისტარს იღებს.+

20 ხელს უწვდის დაჩაგრულს

და ღარიბს ხელს უმართავს.+

21 თოვლი არ აშინებს,

რადგან მთელი სახლეულობა თბილი ტანსაცმლით ჰყავს შემოსილი.

23 მის ქმარს კარგად იცნობენ ქალაქის კარიბჭეებთან,+

სადაც ის სხვა უხუცესებთან ერთად ზის.

24 ის სელის ტანსაცმელს ამზადებს და ყიდის;

ქამრებით ამარაგებს ვაჭრებს.

25 ძალა და სიდიადე მოსავს

და მომავლის არ ეშინია.

26 მის ბაგეზე სიბრძნეა+

და მის ენაზე — სიკეთის* კანონი.

27 თვალყურს ადევნებს თავისი ოჯახის საქმიანობას

და სიზარმაცის პურს არ ჭამს.+

28 ფეხზე დგებიან მისი ვაჟები და ეუბნებიან, ბედნიერი ხარო,

დგება მისი ქმარი და აქებს მას:

29 „მრავალმა ქალმა გამოიჩინა სიმარჯვე,

მაგრამ შენ ყველას გადააჭარბე“.

30 მომხიბვლელობა მაცდურია, სილამაზე — წარმავალი,+

იეჰოვას მოშიში ქალი კი ქებას დაიმსახურებს.+

31 დაუფასეთ მას შრომა;+

მისმა საქმეებმა შეასხან მას ხოტბა ქალაქის კარიბჭეებთან.+