ფსალმუნები

136 მადლობა შესწირეთ იეჰოვას, რადგან კარგია* იგი;+

მარადიული და ურყევია მისი სიყვარული*.+

 2 მადლობა შესწირეთ უზენაეს ღმერთს,+

რადგან მარადიული და ურყევია მისი სიყვარული.

 3 მადლობა შესწირეთ უზენაეს უფალს,

რადგან მარადიული და ურყევია მისი სიყვარული.

 4 მხოლოდ ის იქმს დიდებულ სასწაულებს,+

რადგან მარადიული და ურყევია მისი სიყვარული.+

 5 მან გონიერებით შექმნა ზეცა,+

რადგან მარადიული და ურყევია მისი სიყვარული.

 6 მან წყალზე გადაჭიმა დედამიწა,+

რადგან მარადიული და ურყევია მისი სიყვარული.

 7 მან შექმნა დიდი მნათობები,+

რადგან მარადიული და ურყევია მისი სიყვარული;

 8 მზე დღის განმგებლად შექმნა,+

რადგან მარადიული და ურყევია მისი სიყვარული;

 9 მთვარე და ვარსკვლავები ღამის განმგებლებად დააყენა,+

რადგან მარადიული და ურყევია მისი სიყვარული.

10 მან დახოცა ეგვიპტის პირმშოები,+

რადგან მარადიული და ურყევია მისი სიყვარული.

11 მან გამოიყვანა ისრაელი ეგვიპტიდან,+

რადგან მარადიული და ურყევია მისი სიყვარული;

12 ძლიერი ხელითა+ და გაწვდილი მკლავით გამოიყვანა ისინი,

რადგან მარადიული და ურყევია მისი სიყვარული.

13 მან გაყო წითელი ზღვა,+

რადგან მარადიული და ურყევია მისი სიყვარული.

14 მის შუაგულში გაატარა ისრაელი,+

რადგან მარადიული და ურყევია მისი სიყვარული.

15 წითელ ზღვაში დანთქა ფარაონი და მისი ჯარი,+

რადგან მარადიული და ურყევია მისი სიყვარული.

16 უდაბნოში წაუძღვა თავის ხალხს,+

რადგან მარადიული და ურყევია მისი სიყვარული.

17 დაამარცხა დიდი მეფეები,+

რადგან მარადიული და ურყევია მისი სიყვარული.

18 დახოცა ძლევამოსილი მეფეები,

რადგან მარადიული და ურყევია მისი სიყვარული;

19 სიცოცხლეს გამოასალმა ამორეველთა მეფე სიხონი,+

რადგან მარადიული და ურყევია მისი სიყვარული,

20 და ბაშანის მეფე ოგი,+

რადგან მარადიული და ურყევია მისი სიყვარული.

21 მათი მიწა სამკვიდროდ მისცა თავის ხალხს,+

რადგან მარადიული და ურყევია მისი სიყვარული;

22 სამკვიდროდ მისცა ისრაელს, თავის მსახურს,

რადგან მარადიული და ურყევია მისი სიყვარული.

23 არ დაგვივიწყა, როცა გულგატეხილნი ვიყავით,+

რადგან მარადიული და ურყევია მისი სიყვარული.+

24 კვლავ და კვლავ გვიხსნიდა მოწინააღმდეგეთა ხელიდან,+

რადგან მარადიული და ურყევია მისი სიყვარული.

25 ის საზრდოს აძლევს ყოველ ხორციელს,+

რადგან მარადიული და ურყევია მისი სიყვარული.

26 მადლობა შესწირეთ ზეციერ ღმერთს,

რადგან მარადიული და ურყევია მისი სიყვარული.