ფსალმუნები

79 ხალხები შეიჭრნენ შენს სამკვიდროში, ღმერთო,+

წაბილწეს შენი წმინდა ტაძარი,+

ნანგრევებად აქციეს იერუსალიმი.+

 2 შენი მსახურების გვამები ცის ფრინველებს მიუგდეს საჯიჯგნად,

შენს ერთგულთა ხორცი — მიწის მხეცებს.+

 3 წყალივით დაღვარეს მათი სისხლი მთელ იერუსალიმში;

კაცი არ დარჩა მათი დამმარხავი.+

 4 ჩვენი თავი შეაძულე მეზობლებს,+

დაგვცინიან და მასხრად გვიგდებენ ირგვლივ მყოფნი.

 6 გადმოღვარე შენი რისხვა ხალხებზე, რომლებიც არ გიცნობენ,

და სამეფოებზე, რომლებიც შენს სახელს არ უხმობენ.+

 7 მათ შთანთქეს იაკობი და გააპარტახეს მისი სამკვიდრო.+

 8 ნუ მოგვკითხავ ჩვენი წინაპრების ცოდვებს.+

დროულად გვიყავი წყალობა,+

რადგან უკიდურესად დავძაბუნდით.

 9 დაგვეხმარე, ღმერთო, ჩვენო მხსნელო,+

შენი დიდებული სახელის გამო;

გვიხსენი და გვაპატიე ცოდვები შენი სახელის გულისთვის.+

ჩვენი თვალით დაგვანახვე, როგორ გაიგებენ ხალხები,

რომ შურს იძიებ შენი მსახურების დაღვრილი სისხლის გამო.+

12 შვიდმაგად მიუზღე ჩვენს მეზობლებს,+

ჩვენს დამცინავთ, იეჰოვა!+

13 ჩვენ კი, შენი ხალხი და შენი ფარის ცხვრები,+

მადლობას მოგიძღვნით მარადიულად

და ხოტბას შეგასხამთ თაობიდან თაობაში!+