გუნდის ხელმძღვანელს: სიმებიანი საკრავების თანხლებით. დავითის ფსალმუნი.
61 მისმინე, ღმერთო, შველას შეგთხოვ,
ყურად იღე ჩემი ლოცვა.+
2 შენ შემოგღაღადებ დედამიწის კიდიდან
სასოწარკვეთილი.+
წამიძეხი მაღალი კლდისკენ.+
3 შენა ხარ ჩემი თავშესაფარი,
მტკიცე კოშკი, მტრისგან რომ მიცავს.+
4 სტუმრად ვიქნები შენს კარავში მარადიულად;+
ფრთებქვეშ შეგაფარებ თავს.+ (სელა)
5 შენ მოისმინე ჩემი აღთქმები, ღმერთო,
და მიბოძე მემკვიდრეობა, შენი სახელის მოშიშთათვის განკუთვნილი.+
6 დღეგრძელობას უბოძებ მეფეს,+
მისი წლები თაობიდან თაობამდე გასტანს.
7 იგი მარადიულად იჯდება ტახტზე ღვთის წინაშე;+
შენი ურყევი სიყვარულითა და ერთგულებით დაიცავი იგი.+
8 მარადიულად ვუგალობებ შენს სახელს+
და ყოველდღიურად შევასრულებ ჩემს აღთქმებს.+