იობი
23 იობმა მიუგო:
3 ნეტავ ვიცოდე, სად არის ღმერთი!+
მის სამყოფელთან მივიდოდი,+
4 ჩემს საქმეს წარვუდგენდი
და მრავალ მტკიცებულებას მოვუყვანდი.
5 გავიგებდი, რას მიპასუხებდა,
და დავუფიქრდებოდი მის ნათქვამს.
6 დამიპირისპირდებოდა თავისი უსაზღვრო ძალით?
არა, მომისმენდა.+
7 მართალი მოაგვარებდა მასთან საქმეს;
ერთხელ და სამუდამოდ გამამართლებდა ჩემი მოსამართლე.
8 მაგრამ აღმოსავლეთით რომ მივდივარ, ის იქ არ არის.
უკან რომ ვბრუნდები, ვერც მაშინ ვპოულობ მას.
9 ვერც მარცხნივ ვხედავ, სადაც ის მოქმედებს,
და ვერც — მარჯვნივ, საითაც ტრიალდება.
10 იცის მან, რა გზასაც ვადგავარ;+
თუ გამომცდის, ხალასი ოქროსავით გავხდები.+
12 არ გადავდივარ მისი ბაგიდან გამოსულ მცნებას.
ვიცავ მის ნათქვამს;+ იმაზე მეტსაც ვაკეთებ, ვიდრე მომეთხოვება.
13 როცა რაიმეს გადაწყვეტს, წინ ვინ აღუდგება?!+
როცა რაიმეს მოისურვებს, გააკეთებს კიდეც.+
14 რაც გადამიწყვიტა, შეასრულებს;
კიდევ ბევრი რამ აქვს ჩემ წინააღმდეგ.
15 ამიტომაც ვშფოთავ;
მასზე რომ ვფიქრობ, შიში უფრო და უფრო მიპყრობს.
16 გული შემიკრთო ღმერთმა,
შემაძრწუნა ყოვლისშემძლემ;
17 მაგრამ მაინც ვერ გამაჩუმა სიბნელემ,
ვერც წყვდიადმა, რამაც სახე დამიფარა“.