ეზეკიელი
24 მე-9 წელს, მე-10 თვის მე-10 დღეს კვლავ მეუწყა იეჰოვას სიტყვა: 2 «კაცის ძეო, ჩაინიშნე ეს თარიღი, ეს დღე; სწორედ ამ დღეს მიიტანა იერიში ბაბილონის მეფემ იერუსალიმზე.+ 3 მოჰყევი იგავს ამ ურჩ ხალხზე და თქვი,
აი, რას ამბობს-თქო უზენაესი უფალი იეჰოვა:
„შემოდგი ქვაბი, ცეცხლზე შემოდგი და წყალი ჩაასხი.+
5 წაიყვანე საუკეთესო ცხვარი.+ ქვაბს გარშემო კუნძები შემოუწყვე
და მოხარშე მისი ნაჭრები და ძვლები“.
6 აი, რას ამბობს უზენაესი უფალი იეჰოვა:
„ვაი სისხლისმღვრელ ქალაქს,+ ჟანგიან ქვაბს, რომელსაც ჟანგი არ სცილდება!
სათითაოდ ამოიღე ნაჭრები, დააცარიელე ქვაბი;+ წილი არ ყარო ნაჭრებზე.
7 სისხლია მასში;+ მან სისხლი პიტალო კლდეზე დაღვარა.
მიწაზე არ დაუღვრია, რომ მტვრით დაფარულიყო.+
9 ამიტომ აი, რას ამბობს უზენაესი უფალი იეჰოვა:
„ვაი სისხლისმღვრელ ქალაქს!+
დავახვავებ შეშას.
10 კუნძები დაახვავე და ცეცხლი გააჩაღე,
ხორცი კარგად მოხარშე და ნახარში გადაღვარე, ძვლები კი დაანახშირე.
11 ცარიელი ქვაბი ნაკვერჩხლებზე შემოდგი და ისე გაახურე,
რომ სპილენძი გავარვარდეს,
რათა მისი უწმინდურება დადნეს+ და ჟანგი გაქრეს!
ცეცხლში ჩააგდე ეს ჟანგიანი ქვაბი!
13 შენმა თავაშვებულობამ გაგაუწმინდურა.+ შენს განწმენდას შევეცადე, მაგრამ ვერ განიწმინდე. ვერც განიწმინდები, ვიდრე ჩემი რისხვა არ დაცხრება.+ 14 მე, იეჰოვა, ვამბობ ამას. ეს აუცილებლად მოხდება. ვიმოქმედებ, არ გადავიფიქრებ, არ შეგიბრალებ და არც დამენანები.+ შენი გზებისა და საქმეებისამებრ გაგასამართლებენ“, — ამბობს უზენაესი უფალი იეჰოვა».
15 კვლავ მეუწყა იეჰოვას სიტყვა: 16 „კაცის ძეო, დავკრავ და წაგართმევ მას, ვინც შენთვის ძვირფასია;+ ნუ იგლოვებ, ნუ იტირებ, ცრემლს ნუ დაღვრი, 17 ნუ გამოხატავ მწუხარებას და ნუ დაიცავ სამგლოვიარო წესებს.+ თავსაბურავი წაიკარი,+ სანდლები ჩაიცვი,+ არ აიკრა პირი+ და არ ჭამო სხვების მოტანილი პური“.+
18 დილას ხალხს ველაპარაკე და საღამოს ცოლი მომიკვდა. მეორე დილას ყველაფერი ისე გავაკეთე, როგორც ნაბრძანები მქონდა. 19 ხალხი მეკითხებოდა, გვითხარი, რისი მომასწავებელია ის, რასაც შენ აკეთებო. 20 ვუთხარი, აი, იეჰოვასგან რა მეუწყა-მეთქი: 21 «ისრაელებს უთხარი, აი, რას ამბობს-თქო უზენაესი უფალი იეჰოვა: „შევბღალავ ჩემს წმინდა ადგილს,+ რითაც ამაყობთ, რაც სანუკვარი და ძვირფასია თქვენთვის. თქვენი ვაჟები და ასულები, რომლებიც იქ დარჩნენ, მახვილით შეიმუსრებიან.+ 22 თქვენც ჩემსავით უნდა მოიქცეთ, პირი არ უნდა დაიფაროთ, სხვების მოტანილი პური არ უნდა ჭამოთ,+ 23 თავსაბურავები უნდა დაიფაროთ, სანდლები უნდა ჩაიცვათ, არ უნდა იგლოვოთ და არ უნდა იტიროთ. თქვენი დანაშაულის გამო დალპებით+ და ოხვრას მოჰყვებით ერთმანეთთან. 24 ეზეკიელი ნიშნად იქცა თქვენთვის.+ რაც მან გააკეთა, თქვენც იმავეს გააკეთებთ. როცა ეს მოხდება, გაიგებთ, რომ მე ვარ უზენაესი უფალი იეჰოვა“».
25 „კაცის ძეო, იმ დღეს, როცა წავართმევ მათ მშვენიერ, საამაყო ციხესიმაგრეს, მათთვის ძვირფასსა და სანუკვარს, და წავიყვან მათ ვაჟებსა და ასულებს,+ 26 ვინც გადარჩება, გაუწყებს ამას.+ 27 იმ დღეს გახსნი ბაგეს და დაელაპარაკები მას, ვინც გადარჩება, აღარ იქნები დადუმებული.+ ნიშნად იქცევი მათთვის, და გაიგებენ, რომ მე ვარ იეჰოვა“.