ეზეკიელი

15 კვლავ მეუწყა იეჰოვას სიტყვა: 2 «კაცის ძეო, განა შეედრება მოჭრილი ვაზი მოჭრილ ხეს ან ტყეში გაზრდილ ხის ტოტს?! 3 განა გაკეთდება მისგან კეტი და გამოიყენებენ მას?! ან გააკეთებენ მისგან კაუჭს რაიმეს ჩამოსაკიდებლად?! 4 მას მხოლოდ ცეცხლს თუ შეუკეთებენ; ცეცხლი შთანთქავს მის ორივე ბოლოს და შუაგულსაც დაანახშირებს. განა გამოდგება ის რამეში?! 5 თუ დაწვამდე არ ვარგოდა, დაწვისა და დანახშირების მერე როგორღა ივარგებს?!“

6 ამიტომ აი, რას ამბობს უზენაესი უფალი იეჰოვა: „ცეცხლს ხომ შევუკეთე მოჭრილი ვაზი, რომელიც ტყის ხეებს ვერ შეედრება! ასევე მოვექცევი იერუსალიმის მკვიდრებს!+ 7 მტრად ვექეცი მათ. ცეცხლს კი გაექცნენ, მაგრამ მაინც ცეცხლი შთანთქავთ. დავსჯი მათ და მაშინ მიხვდებით, რომ მე ვარ იეჰოვა.+

8 გავაპარტახებ იმ მიწას,+ რადგან მიორგულეს“,+ — ამბობს უზენაესი უფალი იეჰოვა».