„თქვენ დიდ სამსახურს უწევთ ადამიანებს“

გოაში (ინდოეთი) იეჰოვას ორმა მოწმემ ერთ მამაკაცს ჟურნალის „გამოიღვიძეთ!“ ორი ეგზემპლარი მიუტანა სახლში. ჟურნალების წაკითხვის შემდეგ მან შემდეგი შინაარსის წერილი მისწერა გამომცემლებს:

«მადლობა მინდა მოვუხადო ორ მანდილოსანს, რომლებმაც ამას წინათ სახლში მომაკითხეს და ჟურნალის „გამოიღვიძეთ!“ ორი ეგზემპლარი დამიტოვეს. რადგანაც პროპაგანდად მივიჩნევდი, რამდენიმე ხანს ყურადღება არ მივაქციე ჟურნალებს. მაგრამ ერთ დღეს გადავათვალიერე ერთ-ერთი ჟურნალი სათაურით „ამაზონის ტროპიკული ტყე“ (1997 წლის 22 მარტი). დავიწყე კითხვა და თვალი ვერ მოვწყვიტე, სანამ ბოლომდე გულდასმით არ წავიკითხე.

ვფიქრობ, ჟურნალი „გამოიღვიძეთ!“ ძალიან საინტერესო და ინფორმაციით მდიდარია. აგრეთვე მომხიბლა თემათა მრავალფეროვნებამ. მაგრამ ყველაზე მეტად დავაფასე ის, თუ რა გონივრულად და გაწონასწორებულადაა გადმოცემული სტატიები».

ამ მამაკაცმა, რომელმაც პირველად წაიკითხა ჟურნალი „გამოიღვიძეთ!“ დაამატა: „თქვენ დიდ სამსახურს უწევთ ადამიანებს ასეთი ძვირფასი ინფორმაციის პირდაპირ სახლში მიტანით“.

ჟურნალმა „გამოიღვიძეთ!“ შეიძლება თქვენც მოგიტანოთ სარგებლობა. თუ გსურთ შემდეგი ნომერი გამოგიგზავნონ ან გეწვიონ სახლში ბიბლიის განსახილველად, მოგვწერეთ მე-5 გვერდზე მოცემულ თქვენთვის უახლოეს მისამართზე.