ჩვენი სურვილია, დავეხმაროთ სხვებს

ეს ბროშურა გამოცემულია იმისათვის, რომ უკეთესად გაგაცნოთ იეჰოვას მოწმეთა საქმიანობა და საშუალებები, რომლებითაც დაგეხმარებიან ბიბლიური შემეცნების გაღრმავებაში. თქვენთან, შესაძლოა, უკვე იყვნენ იეჰოვას მოწმეები ან, ელაპარაკეთ მათ ქუჩაში, ან სადმე სხვაგან. შეიძლება ახლა იეჰოვას ერთ-ერთ მოწმესთან სწავლობთ.

იცოდით თუ არა, რომ ისინი ცნობას ღვთის სამეფოს შესახებ მსოფლიო მასშტაბით ქადაგებენ? რატომ? ღვთის, ჩვენი შემოქმედის, სურვილია, რომ ყოველი ერის ადამიანები მის თაყვანისცემაში გაერთიანდნენ. ღმერთმა ჩვენი დროის შესახებ იწინასწარმეტყველა: „უკანასკნელ დღეებში იქნება, რომ უფლის სახლის მთა მთათა სათავეში დადგინდება, აღიმართება მწვერვალებზე მაღლა და ყოველი ერი მისკენ დაიწყებს დენას. დაიძრება უთვალავი ხალხი და იტყვის: მოდი, ავიდეთ უფლის მთაზე, იაკობის სახლში; გვასწავლოს თავისი გზები და მისი ბილიკებით ვიაროთ“ (ესაია 2:2, 3).

იეჰოვას მოწმეთა საქმიანობა, რომელიც ღვთის განზრახვების შესახებ თქვენს გათვითცნობიერებაში შესდგება, სწორედ ამ წინასწარმეტყველების შესრულებაა. მომდევნო გვერდებიდან გაიგებთ, თუ რატომ არის ახლა მათი საქმიანობა მნიშვნელოვანი და როგორ შეგიძლიათ სარგებლობის მიღება მათი საქმიანობიდან.

თუ არ არის მითითება, ებრაული წერილებიდან ციტირებული ტექსტი აღებულია ბიბლიიდან „საქართველოს საპატრიარქოს გამოცემა, 1989“ — სსგ. ციტატები ქრისტიანულ-ბერძნული წერილებიდან კი აღებულია წიგნიდან „ახალი აღთქმა და ფსალმუნები“, კიკნაძისა და სონღულაშვილის თარგმანი — კს. თუ ციტატას მოჰყვება შემოკლება აქ, ეს მიუთითებს, რომ ციტატა გადმოთარგმნილია ინგლისურ ენაზე გამოცემული ბიბლიიდან „საღვთო წერილის ახალი ქვეყნიერების თარგმანი — სქოლიოებით“.