ᲐᲑᲓᲘ

[აბდიელის შემოკლებული ფორმა].

1. ლევიანი მერარის საგვარეულოდან; ის იყო კიშის მამა და, სავარაუდოდ, საულის თანამედროვე. საული ძვ. წ. 1117—1078 წლებში მეფობდა (1მტ. 6:31, 33, 39, 44).

2. კიდევ ერთი ლევიანი მერარის საგვარეულოდან; ის იყო კიშის მამა (2მტ. 29:12). ვინაიდან აბდი №2-ისა და აბდი №1-ის ვაჟების სახელები ერთმანეთს ემთხვევა, ზოგიერთ ბიბლიურ ლექსიკონში ისინი გაიგივებულია. მაგრამ, თუ გავითვალისწინებთ, რომ აბდი №2-ის ვაჟი კიში დავითის მეფობიდან დაახლოებით 250 წლის შემდეგ ხიზკიას მეფობის დროს ცხოვრობდა, მათი გაიგივება არალოგიკურია. აბდი №2 შესაძლოა არის მეფეების — იოთამისა და ახაზის თანამედროვე, რომლებიც ძვ. წ. 777-დან დაახლოებით ძვ. წ. 746 წლამდე მეფობდნენ.

3. ბაბილონის ტყვეობიდან დაბრუნების შემდგომ პერიოდში მცხოვრები მამაკაცი ელამის საგვარეულოდან (ეზრ. 10:26); ის იყო მათ შორის, ვისაც უცხოელი ცოლი ჰყავდა, მაგრამ ეზრას მოწოდების შემდეგ გაუშვა. ეზრა არტაქსერქსეს (მხარგრძელი) მეფობის მეშვიდე წელს (ძვ. წ. 468) ჩავიდა იერუსალიმში (ეზრ. 7:8; 10:1—4, 10—12, 26, 44).