ადონი-ცედეკი

[(ჩემი) უფალი სიმართლეა]

იერუსალიმის მეფე ისრაელის მიერ აღთქმული მიწის დაპყრობის პერიოდში; ადონი-ცედეკი იორდანეს დასავლეთით მდებარე პატარა სამეფოების მეფეებს შეუერთდა, რათა საერთო ძალებით შეეჩერებინათ იესო ნავეს ძის დამპყრობი ჯარები (იეს. 9:1—3). მაგრამ გაბაონის ხიველმა მოსახლეობამ ზავი დადო იესო ნავეს ძესთან. შურის საძიებლად და სხვების დასაშინებლად, რომ მტერთან არ შეეკრათ ზავი, ადონი-ცედეკმა და ამორეველთა კიდევ ოთხმა მეფემ ალყა შემოარტყეს გაბაონს და შეუტიეს. იესო ნავეს ძის მიერ გაბაონელთა შთამბეჭდავი დახსნისა და გაერთიანებული ჯარების დამარცხების შემდეგ ხუთივე მეფე მაკედაში გაიქცა, სადაც მახეში აღმოჩნდნენ გამოქვაბულში. იესო ნავეს ძემ თავისი მეომრების წინაშე დახოცა ადონი-ცედეკი და სხვა ოთხი მეფე და ძელებზე ჩამოკიდა. ბოლოს მათი გვამები გამოქვაბულში შეყარეს და ის მათი სამარხი გახდა (იეს. 10:1—27).