ადრამელექი

1. ასურეთის მეფის, სინახერიბის ვაჟი. ადრამელექმა და მისმა ძმამ, შარეცერმა მოკლეს თავიანთი მამა, როცა იგი თავისი ღვთის, ნისროქის სახლში თაყვანსაცემად ემხობოდა. ამის შემდეგ ისინი არარატის ქვეყანაში გაიქცნენ, რომელიც, როგორც ჩანს, ძველი სომხეთის ტერიტორიაზე, დღევანდელი კასპიის ზღვის დას.-ით, მთიან მხარეში მდებარეობდა (2მფ. 19:35—37; ეს. 37:36—38). სინახერიბის კიდევ ერთი ვაჟის, ასარხადონის წარწერიდან ვიგებთ, რომ მამის ტახტზე ასვლის შემდეგ ის მამამისის მკვლელთა ჯარებთან შესაბრძოლებლად გავიდა და ზემოთ ხსენებულ მხარეში მდებარე ხანიგალბათში დაამარცხა ისინი.

2. ღმერთი, რომელსაც თაყვანს სცემდნენ სეფარველები — ასურეთის მიერ დაპყრობილი ხალხი, რომლებიც ასურეთის მეფემ ისრაელის ათტომიანი სამეფოს მოსახლეობის გადასახლების შემდეგ სამარიის ტერიტორიაზე ჩამოასახლა. სეფარველები ადრამელექისა და ანამელექისთვის შესაწირავად თავიანთ ვაჟებს ცეცხლში წვავდნენ (2მფ. 17:22—24, 31, 33).