აგაბე

ქრისტიანი წინასწარმეტყველი, რომელიც სხვა წინასწარმეტყველებთან ერთად იერუსალიმიდან სირიის ანტიოქიაში ჩავიდა იმ დროს, როცა პავლე იქ იმყოფებოდა.

სულით აღძრულმა აგაბემ იწინასწარმეტყველა, „რომ დიდი შიმშილობა ჩამოვარდებოდა მთელ ქვეყნიერებაზე“ (სქ. 11:27, 28). საქმეების 11:28-დან ჩანს, რომ ეს წინასწარმეტყველება იმპერატორ კლავდიუსის მმართველობის (ახ. წ. 41—54) დროს შესრულდა. „დიდ შიმშილობას“ ებრაელი ისტორიკოსი, იოსებ ფლავიუსიც მოიხსენიებს („იუდეველთა სიძველენი“, XX, 51 [ii, 5]; XX, 101 [v, 2], ინგლ.).

აგაბე პავლეს მისი ბოლო მისიონერული მოგზაურობის დასასრულს (დაახლ. ახ. წ. 56) კესარეაში შეხვდა. მან პავლეს სარტყლით ხელ-ფეხი შეიბოჭა და ამგვარად აჩვენა, რომ მომავალში მოციქულს დააპატიმრებდნენ (სქ. 21:8—11).