ᲡᲣᲤᲘ

[შესაძლოა ნიშნავს ლერწმებს]

ერთ-ერთი გეოგრაფიული ადგილი, რომელიც მოხსენიებულია იმის განსასაზღვრავად, თუ საიდან დაელაპარაკა მოსე ისრაელებს უდაბნოში ხეტიალის მე-40 წელს (კნ. 1:1). სუფის ნაცვლად ბერძნულ სეპტუაგინტასა (ბაგსტერი) და ლათინურ ვულგატაში წერია „წითელი ზღვა“. მიზეზი შესაძლოა ის იყოს, რომ მთარგმნელების აზრით, დედნისეულ ტექსტში თავდაპირველად ეწერა ჲამ-სუფ (წითელი ზღვა), ხოლო მოგვიანებით სიტყვა ჲამ ტექსტიდან ამოვარდა და დარჩა მხოლოდ სუფ, რომელიც ჲამ-სუფის შემოკლებულ ფორმას წარმოადგენდა. თუ ეს მოსაზრება სწორი იქნებოდა, სუფი უნდა ყოფილიყო ზღვის ის ნაწილი, რომელიც აკაბის ყურის სახელითაა ცნობილი. მაგრამ, თუ ებრაულ მასორეტულ ტექსტს სიტყვასიტყვით მივყვებით, დავინახავთ, რომ მოსე ელაპარაკა ისრაელს „სუფის წინ გადაჭიმულ უკაცრიელ ველზე“. ხოლო მე-5 მუხლი გვეუბნება, რომ ეს მოხდა „იორდანის მხარეში, მოაბის მიწაზე“. აქედან გამომდინარე, მართალია, სუფის ზუსტი ადგილმდებარეობა დღეს უცნობია, მაგრამ, როგორც ჩანს, ეს იყო ადგილი იორდანის აღმოსავლეთით. ზოგიერთი მოსაზრების თანახმად, სუფის გაიგივება შეიძლება ხირბეთ-სუფასთან, რომელიც მადაბის სამხრ.-სამხრ.-აღმ.-ით დაახლ. 6 კმ-ში მდებარეობს.