ზებედე

[სავარაუდოდ ებრ. ფუძიდან, რაც ნიშნავს დაჯილდოებას]

იესოს მოციქულების — იაკობისა და იოანეს — მამა (მთ. 4:21, 22; 10:2; 26:37; მრ. 3:17; 10:35; ლკ. 5:10; ინ. 21:2). არსებული ცნობებით სალომე იყო ზებედეს ცოლი და იესოს დედის, მარიამის და. თუ ეს მართლა ასეა, ზებედე ბიძად ეკუთვნოდა იესოს, იაკობი და იოანე კი იესოს დეიდაშვილები იყვნენ (მთ. 27:56; მრ. 15:40; ინ. 19:25; იხ. სალომე №1).

ზებედეს შემოსავლის წყარო თევზჭერა იყო, რომელსაც ის გალილეის ზღვაში ეწეოდა. მას საქმე, როგორც ჩანს, კარგად მისდიოდა, რადგან მოჯამაგირეები ჰყავდა (მრ. 1:16, 19, 20). მისი ცოლი, სალომე, იესოს მატერიალურად უჭერდა მხარს (მრ. 15:40, 41). უცნობია, იყო თუ არა ზებედე ქრისტეს მიმდევარი, თუმცა მისი ოჯახის წევრები იესოს აქტიური მიმდევრები იყვნენ (მთ. 20:20).