ზევსის ვაჟები

ბერძნულ-რომაული მითოლოგიის მიხედვით კასტორი და პოლუქსი, ლედასა და ზევსის (იუპიტერი) ტყუპი ვაჟები. მათ აგრეთვე ეწოდებოდათ დიოსკურები ანუ „ზევსის ვაჟები“. ისინი ხიფათში ჩაცვენილ მეზღვაურთა თუ სხვათა მფარველებად ითვლებოდნენ. ხალხის რწმენით ეს ღვთაებები ქარიშხლის დროს წმ. ელმოს ცეცხლის სახით ევლინებოდნენ ადამიანებს. ალექსანდრიულ ხომალდს, რომელსაც რომში მიმავალი პატიმარი პავლე მალტიდან პუტეოლემდე გაჰყვა, ქიმზე „ზევსის ვაჟების“ გამოსახულება ჰქონდა. შესაძლოა ქიმის ერთ მხარეს კასტორის გამოსახულება (ან სიმბოლო) იყო თავისი სახელით, ხოლო მეორე მხარეს — პოლუქსისა (სქ. 28:11).