ჰამი

ზუზიმების ქალაქი იორდანეს აღმოსავლეთით (დბ. 14:5). ქალაქი დაამარცხა ელამის მეფემ სხვა სამ მეფესთან ერთად, როცა მკვდარი ზღვის რეგიონში მდებარე ქალაქებში ამბოხება ჩაახშო (დბ. 14:1—12). დაბადების 14:5, 6-ში ქალაქების თანამიმდევრობიდან ჩანს, რომ ქალაქი ჰამი, შესაძლოა, მდებარეობდა აშთეროთ-კარნაიმის სამხრეთით და შავე-კირიათაიმის ჩრდილოეთით. ქალაქის სახელი შემორჩა თანამედროვე სოფელ ჰამს, რომელიც აჯლუნის ქალაქ ირბიდის სამხრ. სამხრ.-დას.-ით დაახლოებით 6 კმ-ში მდებარეობს უადი-ერ-რეჯაილეში (აგრეთვე ეწოდება უადი-ჰამი) და გალილეის ზღვის უკიდურესი სამხრეთიდან სამხრ.-აღმ.-ით დაახლოებით 30 კმ-ით არის დაშორებული. ეს უძველესი ქალაქი, როგორც ჩანს, ახლომდებარე ბორცვის (თელ-ჰამი) ადგილას იყო.