მოუსმენთ გაფრთხილებას?

ჩიტაგონგის ოლქს (ბანგლადეში) 1997 წლის 19 მაისს ციკლონმა გადაუარა. ქალაქ კოქს-ბაზარში დაფიქსირდა ქარიშხალი, რომლის სიჩქარეც საათში თითქმის 250 კილომეტრს აღწევდა. სოფლებში ჩალით გადახურული ქოხების ადგილზე პატარა ოთხკუთხედი ტალახიანი ნაშთებიღა დარჩა. ხეები და სატელეგრაფო ბოძები ან ამოიძირკვა, ან ასანთის ღერებივით გადატყდა შუაზე. გაზეთი იტყობინებოდა, რომ ციკლონმა 105 კაცი იმსხვერპლა.

მეტეოროლოგიურმა სამსახურმა 36 საათით ადრე გადასცა ქარიშხლის დაახლოებითი მიმართულება. ამიტომ მრავალი ადამიანი გადარჩა, რადგან ასიათასობით კაცმა თავი შეაფარა ციკლონსაწინააღმდეგო ბეტონის თავშესაფრებს.

ას წელზე მეტია, რაც იეჰოვას მოწმეები აუწყებენ ცნობას მოახლოებულ კატაკლიზმზე, რომელიც ნებისმიერ ციკლონზე უფრო გამანადგურებელი იქნება. ბიბლია უწოდებს მას ‘იეჰოვას დღეს, დიდსა და საშინელს’ (იოველი 3:4, აქ). თუ მოვუსმენთ ბიბლიაში ჩაწერილ გამაფრთხილებელ წინასწარმეტყველურ ცნობებს, შეიძლება გადავურჩეთ იმ მძვინვარე დღეს (სოფონია 2:2, 3).

იეჰოვას მოწმეები უბედურების წინასწარმეტყველები არ არიან. ცნობა, რომელსაც ისინი ქადაგებენ, იმედიანია. მათი სურვილია, დაეხმარონ ადამიანებს, მოისმინონ ღვთის სამეფოს შესახებ, რომელიც მალე გაწმენდს დედამიწას ბიწიერებისგან. ღვთის სიტყვა, ბიბლია, გვეუბნება: „კიდევ ცოტა და აღარ იქნება ბოროტი, დაუკვირდები მის ადგილს და აღარ იქნება იგი. ხოლო თავმდაბალნი დაიმკვიდრებენ ქვეყნიერებას და დაამდებიან დიდი მშვიდობით“ (ფსალმუნი 36:10, 11).

[საავტორო უფლება 32 გვერდზე]

WHO/League of Red Cross