„როგორც იქნა, დავადგინე, რით ვარ დაავადებული!“

ე ს სიტყვები ერთმა ტოკიოელმა მამაკაცმა წარმოთქვა 2000 წლის 1 დეკემბრის „საგუშაგო კოშკში“ გამოქვეყნებული ბიოგრაფიის წაკითხვის შემდეგ. ამ სტატიის სათაური იყო, „არ იცით, რა გელით ხვალ“; მასში მოთხრობილია ყოფილი მისიონერის ისტორია, რომელიც დაავადებულია მანიაკურ-დეპრესიული ფსიქოზით.

ამ მამაკაცმა ჟურნალის გამომცემლებს წერილი გაუგზავნა: «ზუსტად ის სიმპტომები მქონდა, რომლებიც სტატიაში იყო აღწერილი; ამიტომ ფსიქიატრიულ საავადმყოფოს მივაკითხე და შევიტყე, რომ მანიაკურ-დეპრესიული ფსიქოზი მჭირდა. ექიმი, რომელმაც გამსინჯა, განცვიფრებული დარჩა. მან მითხრა: „ადამიანები, რომლებსაც ეს დაავადება სჭირთ, იშვიათად თუ ხვდებიან, რომ ავად არიან“. მე დამეხმარნენ დიაგნოზის დასმაში, სანამ დაავადება სერიოზულ ხასიათს მიიღებდა».

მთელ მსოფლიოში მილიონობით ადამიანი სხვადასხვაგვარად იღებს სარგებლობას „საგუშაგო კოშკისა“ და მისი თანდართული ჟურნალის, „გამოიღვიძეთ!“-ის, თითოეული ნომრიდან. ისინი ამ ჟურნალებში შინაარსიან და სასიამოვნო წასაკითხ სტატიებს პოულობენ. ამჟამად „საგუშაგო კოშკი“ 141 ენაზე იბეჭდება“, ხოლო „გამოიღვიძეთ!“ — 86 ენაზე. თქვენც შეგიძლიათ რეგულარულად იკითხოთ ჟურნალები — „საგუშაგო კოშკი“ და „გამოიღვიძეთ!“.