თქვენ გულითადად გიწვევენ

უფლის სერობა, ანუ უფლის ვახშამი, რომელიც იესომ დაახლოებით 2000 წლის წინათ დააწესა, მხოლოდ ისტორიული მოვლენა როდია. მისი დაფუძნებიდან დღემდე ის დიდ გავლენას ახდენდა და ახდენს ადამიანებზე. იმ ღამეს მომხდარის შესახებ სახარებებში წაკითხულმა ინფორმაციამ მრავალი აღძრა, რომ უფლის სერობა აღენიშნათ. ისინი ამას სხვადასხვაგვარად აკეთებდნენ.

ადამიანთა ინტერესი ამ საღამოს მიმართ სავსებით გასაგებია, რადგანაც თავად იესო ქრისტემ უთხრა თავის მიმდევრებს, რომ რეგულარულად აღენიშნათ ეს ღონისძიება. მან ნათლად და კონკრეტულად თქვა: „ეს გააკეთეთ ჩემს მოსაგონებლად“ (ლუკა 22:19; 1 კორინთელთა 11:23—25).

ცხადია, საღამოს აღნიშვნამ იქ დამსწრეებს სარგებლობა რომ მოუტანოს, მათ ზუსტად უნდა ესმოდეთ ამ მოვლენის მნიშვნელობა, რის გაგებაც ღვთის სიტყვის, ბიბლიის, დახმარებით არის შესაძლებელი. გარდა ამისა, მნიშვნელოვანია ვიცოდეთ, რას გვეუბნება ბიბლია იმის შესახებ, თუ როდის და როგორ უნდა აღინიშნოს ეს ღონისძიება.

იეჰოვას მოწმეები მთელ მსოფლიოში იესოს სიკვდილის გახსენების საღამოს 2003 წლის 16 აპრილს, ოთხშაბათს აღნიშნავენ, რითაც იესოს მითითებას შეასრულებენ. ამ დროს ისინი საღვთო წერილს გამოიკვლევენ და განიახლებენ რწმენასა და სიყვარულს იესო ქრისტესადმი, რომელმაც თქვა: „ისე შეიყვარა ღმერთმა წუთისოფელი, რომ მისცა თავისი მხოლოდშობილი ძე, რათა ყოველი მისი მორწმუნე არ დაიღუპოს, არამედ ჰქონდეს საუკუნო სიცოცხლე“ (იოანე 3:16). იეჰოვას მოწმეები გულითადად გიწვევენ, მათთან ერთად დაესწროთ ამ საღამოს, რათა თქვენც განგიმტკიცდეთ რწმენა და გაგიღრმავდეთ სიყვარული იესო ქრისტესა და ზეციერი მამის, იეჰოვა ღმერთის მიმართ.