„გულს გაუფრთხილდი!“

იეჰოვას მოწმეების საოლქო კონგრესი

პარასკევის თემა

„იეჰოვა გულს ხედავს“ (1 სამუელი 16:7)

შაბათის თემა

„პირი გულში მოჭარბებულს ლაპარაკობს“ (მათე 12:34)

კვირის თემა

„მთელი გულით ემსახურე იეჰოვას“ (1 მატიანე 28:9)

ბიბლიაში გული დაახლოებით ათასჯერ არის მოხსენიებული. ღვთის სიტყვაში ბევრგან პირდაპირი გაგებით გულზე კი არ არის ლაპარაკი, არამედ სიმბოლურ გულზე. რა იგულისხმება სიმბოლურ გულში? ის შეიძლება მიუთითებდეს ადამიანის შინაგან სამყაროზე — ფიქრებზე, გრძნობებსა და სურვილებზე.

რატომ უნდა გავუფრთხილდეთ ჩვენს სიმბოლურ გულს? ღმერთმა მეფე სოლომონი აღძრა შემდეგი სიტყვების დასაწერად: „ყველაზე მეტად გულს გაუფრთხილდი, რადგან მასშია სიცოცხლის წყარო“ (იგავები 4:23). ის, თუ რამდენად ბედნიერები ვიქნებით დღეს და მომავალში, ბევრად არის დამოკიდებული ჩვენი სიმბოლური გულის მდგომარეობაზე. ღმერთი ხედავს ჩვენს გულს (1 სამუელი 16:7). ამიტომ, გვექნება თუ არა ღვთის კეთილგანწყობა, იმაზეა დამოკიდებული, თუ როგორი ადამიანები ვართ შინაგანად (1 პეტრე 3:4).

როგორ უნდა გავუფრთხილდეთ ჩვენს გულს? ამ კითხვაზე ამომწურავ პასუხს მივიღებთ იეჰოვას მოწმეთა საოლქო კონგრესებზე, რომელიც ამ თვიდან მოყოლებული მთელი მსოფლიოს მასშტაბით გაიმართება. გულითადად გიწვევთ, დაესწროთ კონგრესის სამივე დღეს.a მოსმენილი თემები დაგეხმარებათ, იეჰოვა ღმერთის მოსაწონად მოიქცეთ (იგავები 27:11).

[სქოლიო]

[სურათის საავტორო უფლება 32 გვერდზე]

Photo on right: Aus dem Fundus der MÜNCHNER OLYMPIAPARK GMBH, München