მეტი ძმებია საჭირო პიონერულ მსახურებაში

¹ პავლემ მოგვიწოდა, რომ ‘მუდამ ვიუხვოთ უფლის საქმეში’ (1 კორ. 15:58). მრავალი პიროვნებისთვის ეს ნიშნავს პიონერული მსახურების დაწყებას.

² დღესდღეობით პიონერთა უმრავლესობას დები წარმოადგენენ (ფსალმ. 67:12 „სინოდისეული თარგმანი“, [Синодальный перевод]). რა დიდი სიხარული იქნება კრებისთვის, თუ უფრო მეტი ძმა შეუერთდება სრული დროით მსახურთა რიგებს! (ფსალმ. 109:3). გასაგებია, რომ მრავალმა ძმამ უნდა იზრუნოს ქვეყნიური სამსახურისა თუ ოჯახის მნიშვნელოვან ვალდებულებებზე. სხვები ზრუნავენ კრების სულიერ მოთხოვნილებებზე, რაც დიდ შრომას მოითხოვს. ჩვენ ვაფასებთ იმ მამაკაცებს, რომლებიც სამეფოსთვის ძალ-ღონეს არ ზოგავენ (1 ტიმ. 4:10).

³ მიუხედავად ამისა, შეგიძლიათ თუ არა, უფრო მეტმა ძმებმა დაიწყოთ პიონერული მსახურება? თუ შენი მეუღლე პიონერია, არ შეგიძლია, შეუერთდე მას? თუ პენსიონერი ხარ, ნუთუ თანახმა არა ხარ, რომ დროის დამაკმაყოფილებლად დახარჯვის საშუალება სრული დროით მსახურებაა? თუ ახლა დაამთავრე სკოლა, სერიოზულად და ლოცვით აწონ-დაწონე თუ არა, რომ დაიწყო პიონერული მსახურება, როგორც საფეხური მსახურებაში დამატებითი უპირატესობებისკენ? (ეფეს. 5:15–17).

⁴ ერთმა ძმამ გაყიდა თავისი სარფიანი საქმე და იშოვა ნახევარგანაკვეთიანი სამუშაო, რათა პიონერობა დაეწყო. მისი მშვენიერი ინიციატივის შედეგად მისი ოთხი შვილიდან სამმა სკოლის დამთავრებისთანავე დაიწყო პიონერობა. მეოთხეც სიხარულით ელოდა მათთან შეერთებას. ეს ძმა და მისი ოჯახი უხვად არის კურთხეული.

⁵ ღიაა ფართო კარი: პიონერულ მსახურებას შეუძლია გააღოს ‘ფართო კარი მსახურებისთვის’ (1 კორ. 16:9, აქ). პიონერი ძმების კრებაში გამოყენება მრავალ სფეროში შეიძლება. სამქადაგებლო მსახურებაში გულმოდგინება მათ სულიერ ფასს აძლევს და მათ თეოკრატიულ წინსვლას იწვევს. პიონერობას შეუძლია მსახურებაში დამატებითი უპირატესობებისკენ გახსნას გზა. პიონერობის პირველი წლის შემდეგ კურთხევაა პიონერული სამსახურის სკოლის კურსის გავლა. დაუქორწინებელმა სამსახურებრივმა თანაშემწეებმა და უხუცესებმა შეიძლება მიაღწიონ სამსახურებრივი დახელოვნების სკოლის კურსის გავლას. დაქორწინებულ წყვილებს, რომლებიც შეესაბამებიან მოთხოვნებს, შეუძლიათ შეავსონ განცხადება გალაადის სკოლის კურსის გასავლელად. თანდათანობით, ძმები შეიძლება კვალიფიციურნი გახდნენ მიმომსვლელი სამსახურისთვის. დიახ, პიონერული მსახურება აღებს კარს იეჰოვას ორგანიზაციაში მსახურების ამ დიდებული უპირატესობებისკენ.

⁶ ძმები, რომლებიც შეძლებენ, რომ ორგანიზება გაუწიონ თავიანთ საქმეებს, რათა იმსახურონ რეგულარულ პიონერებად, უდიდეს ბედნიერებას პოვებენ, რასაც იწვევს უხვად გაცემა (საქ. 20:35).