შეკითხვების ყუთი

◼ როგორი სიფრთხილეა საჭირო, როცა ურთიერთობა გვაქვს საპირისპირო სქესის წარმომადგენელთან ჩვენს მსახურებაში?

საფუძვლიანად მოველით, რომ ჩვენს და-ძმებს განზრახული აქვთ უმაღლესი ზნეობრივი ნორმების შენარჩუნება პირად ქცევებში. მიუხედავად ამისა, ჩვენ ვცხოვრობთ უწმინდურ და აღვირახსნილ ქვეყნიერებაში, რომელსაც მცირე ზნეობრივი საზღვრები აქვს. რადგან საუკეთესო განზრახვები გვამოძრავებს, მუდამ უნდა ვიფხიზლოთ, რომ თავი ავარიდოთ სასაყვედუროს ან რამე არასწორში არ ჩავებათ. ამაში შედის ფრთხილად ყოფნა მსახურებაში.

სამქადაგებლო მსახურებაში ხშირად ვხვდებით საპირისპირო სქესის წარმომადგენლებს, რომლებიც თითქოს გულწრფელ ინტერესს ავლენენ ჭეშმარიტებისადმი. თუ მარტო ვართ, როცა ვქადაგებთ და სახლში მეტი არავინაა, ჩვეულებრივ, უკეთესი იქნება, კართან დავამოწმოთ, ვიდრე სახლში შევიდეთ. თუ ინტერესი გამოავლინა, ორგანიზება უნდა გავუწიოთ, განმეორებით სხვა მაუწყებელთან ერთად მივიდეთ, ან მაშინ მივიდეთ, როცა ოჯახის სხვა წევრებიც იქნებიან სახლში. თუ ეს შეუძლებელია, უკეთესი იქნებოდა, იმავე სქესის მაუწყებელს ევლო მასთან. ეს აგრეთვე ეხება ბიბლიის შესწავლების ჩატარებას სხვა სქესის წარმომადგენელთან (მათ. 10:16).

ფრთხილად უნდა ვიყოთ, როცა ვირჩევთ ვინმეს, ვისთანაც ერთად ვიმსახურებთ. საპირისპირო სქესის მაუწყებლებს სხვადასხვა მიზეზების გამო შეუძლიათ დროდადრო ერთად მსახურება, მაგრამ ეს რეგულარულად არ უნდა ხდებოდეს ერთსა და იმავე პიროვნებასთან, თუ ის არ წარმოადგენს მეუღლეს ან ახლო ნათესავს. ჩვეულებრივ, არ იქნებოდა ბრძნული, მსახურებაშიც კი სხვების თანდასწრების გარეშე გარკვეული ხანი ვყოფილიყავით სხვა სქესის პიროვნებასთან, რომელიც არ წარმოადგენს ჩვენს მეუღლეს. მაშასადამე, სამქადაგებლო მსახურების შეხვედრის ჩამტარებელმა ან სამქადაგებლო მსახურების ჯგუფის ხელმძღვანელმა ძმამ გამჭრიახობა უნდა გამოავლინოს მაუწყებლების წყვილებად განაწილებაში, მოზარდების ჩათვლით, ერთად მსახურებისთვის.

თუ ყოველთვის გამოვიყენებთ გამჭრიახობას, არ ‘მივცემთ დაბრკოლების საბაბს’ არც საკუთარ თავს და არც სხვებს (2 კორ. 6:3).