ისინი ხედავენ, რომ განვსხვავდებით

¹ გასულ წელს 300 000-ზე მეტი პიროვნება მოინათლა. რას ხედავენ ეს ადამიანები იეჰოვას მოწმეებში ისეთს, რაც აღძრავს მათ, რომ ღვთის ორგანიზაციის წევრები გახდნენ? რატომ განვსხვავდებით ყველა სხვა რელიგიისგან? აქ არის მოცემული ზოგი ფაქტორი:

ჩვენ ბიბლიას ვეყრდნობით და არა პირად თვალსაზრისს. ჩვენ, როგორც იესო ქრისტემ თქვა, იეჰოვა ღმერთს თაყვანს ვცემთ „სულითა და ჭეშმარიტებით“. ეს ნიშნავს, რომ უგულებელვყოფთ რელიგიურ სიცრუეს და ვემორჩილებით დაწერილ ღვთის სიტყვას (იოან. 4:23, 24; 2 ტიმ. 3:15–17).

ჩვენ ადამიანებთან მივდივართ, იმის მაგივრად, რომ დაველოდოთ მათ, სანამ ჩვენთან მოვლენ. ჩვენ მივიღეთ ქრისტეს დავალება, რომ ვიქადაგოთ და ვასწავლოთ ხალხს, და, როდესაც გულწრფელ ადამიანებს ვეძებთ, ამით მის მაგალითს ვბაძავთ. მათ ვეძებთ სახლებში, ქუჩაში ან სადაც კი შეიძლება იყვნენ (მათ. 9:35; 10:11; 28:19, 20; საქ. 10:42).

ჩვენ ყველას უფასოდ ვასწავლით ბიბლიას. ჩვენ უფასოდ ვხარჯავთ შესაძლებლობებსა და ენერგიას და მილიარდზე მეტ საათს ვუთმობთ ყოველწლიურად ღვთის მსახურებას. ბიბლიას მიუკერძოებლად ვასწავლით ყველა წარმოშობის ადამიანს (მათ. 10:8; საქ. 10:34, 35; გამოცხ. 22:17).

ჩვენ განსწავლული ვართ სხვების სულიერად დასახმარებლად. ბიბლიის პირადი შესწავლა და რჩევები, რომლებსაც კრების შეხვედრებსა და კონგრესებზე ვღებულობთ, გვაძლევს შეუფასებელ თეოკრატიულ განათლებას, რაც შესაძლებლობას გვაძლევს, რომ სხვები გავანათლოთ სულიერად (ეს. 54:13; 2 ტიმ. 2:15; 1 პეტ. 3:15).

ჩვენ ჭეშმარიტებას სერიოზულად ვიღებთ და ყოველდღიურ ცხოვრებაში ვიყენებთ. ღვთისადმი სიყვარულის გამო ცვლილებებს ვახდენთ პირად ცხოვრებაში და მისი ნების თანხმობაში მოგვყავს ის. ქრისტეს მსგავსი ჩვენი ახალი პიროვნება იზიდავს სხვებს ჭეშმარიტებისკენ (კოლ. 3:9, 10; იაკ. 1:22, 25; 1 იოან. 5:3).

ჩვენ ვცდილობთ მშვიდობით ვიცხოვროთ და ვითანამშრომლოთ სხვებთან. ღვთისმოსაწონი თვისებების გამომუშავება გვეხმარება, კონტროლი გავუწიოთ საკუთარ მოქმედებებსა და საუბარს. ყველასთან ‘ვეძებთ მშვიდობას და მისკენ ვისწრაფვით’ (1 პეტ. 3:10, 11; ეფეს. 4:1–3).

² ის ფაქტი, რომ მრავალი ქრისტიანული ცხოვრების მაგალითებს ხედავს იეჰოვას ორგანიზაციაში, ეხმარება ჭეშმარიტების მიღებაში. დაე ჩვენს პირად მაგალითს ჰქონდეს ასეთივე გავლენა მათზე, ვინც გვიცნობს და გვაკვირდება.