გაბედულად ქადაგებ?
1 მოწინააღმდეგეთა მიერ დაპატიმრებისა და მუქარის მიუხედავად, პეტრე და იოანე გაბედულად განაგრძობდნენ სამეფოს შესახებ ცნობის გაცხადებას (საქ. 4:17, 21, 31). რას ნიშნავს ჩვენთვის დღესდღეობით გაბედულად ქადაგება?
2 გაბედულად დამოწმება. „გაბედულის“ სინონიმია „მამაცი“, რაც ნიშნავს იყო „უშიშარი, მედგარი და ამტანი“. ჭეშმარიტი ქრისტიანებისთვის გაბედულად ქადაგებაში უშიშრად საუბარი იგულისხმება, როდესაც კეთილი ცნობის გაზიარების სათანადო შესაძლებლობა ეძლევათ (საქ. 4:20; 1 პეტ. 3:15). ეს იმას ნიშნავს, რომ არ გვრცხვენია კეთილი ცნობის გაზიარება (ფსალმ. 118:46; რომ. 1:16; 2 ტიმ. 1:8). ამგვარად, გაბედულება არის თვისება, რომელიც გვესაჭიროება ამ ბოლო ჟამს ჩვენი დავალების შესასრულებლად — სამეფოს შესახებ კეთილი ცნობის საქადაგებლად. ის აღგვძრავს, კეთილი ცნობა გავუზიაროთ ადამიანებს, სადაც უნდა შეგვხვდნენ ისინი (საქ. 4:29; 1 კორ. 9:23).
3 გაბედულება სკოლაში. გაუბედაობის ან სიმორცხვის გამო ხომ არ გიძნელდება თანაკლასელებთან ქადაგება? ზოგჯერ ეს ადვილი არ არის; სინამდვილეში, შეიძლება მართლაც ძნელი იყოს. მიუხედავად ამისა, იეჰოვა გაგაძლიერებს, თუ მას ლოცვით სთხოვ ქადაგებისას გამბედაობას (ფსალმ. 137:3). გამბედაობა დაგეხმარება დაცინვის ატანასა და იმის თქმაში, რომ იეჰოვას მოწმე ხარ. შედეგად, სკოლაში ქადაგებით შეიძლება შენი მსმენელები გადაარჩინო (1 ტიმ. 4:16).
4 გაბედულება სამსახურში. იციან სამსახურში, რომ იეჰოვას მოწმე ხარ? ერთადერთი საშუალება, რომლითაც შეიძლება კეთილი ცნობა ემცნოს შენს თანამშრომლებს, შესაძლოა, შენი ქადაგება იყოს. გაბედულება დაგეხმარება, დაეთხოვო ქრისტიანულ შეხვედრებსა და კონგრესებზე დასასწრებად.
5 გაბედულება განსაცდელის დროს. გაბედულების გამოვლენას გადამწყვეტი მნიშვნელობა აქვს, როცა წინააღმდეგობას ვაწყდებით (1 თეს. 2:1, 2). ეს გვეხმარება, მტკიცედ ვიდგეთ რწმენაში, როდესაც გვემუქრებიან, დაგვცინიან ან აშკარად გვდევნიან (ფილ. 1:27, 28). გაბედულება გვეხმარება, მტკიცენი ვიყოთ, როცა სხვები ზეგავლენას ახდენენ ჩვენზე იმისათვის, რომ კომპრომისზე წავიდეთ ჩვენი ღმერთის, იეჰოვას, ნორმების დაცვასთან დაკავშირებით. ის გვაძლიერებს, რომ მშვიდობა შევინარჩუნოთ, როცა სხვები საკამათოდ გვიწვევენ (რომ. 12:18).
6 როგორ სირთულეებსაც უნდა ვაწყდებოდეთ პირადად, დაე გაბედულად გავაგრძელოთ კეთილი ცნობის ქადაგება (ეფეს. 6:18—20).