განცხადებები

◼ გასავრცელებელი ლიტერატურა თებერვალში: „არსებობს მზრუნველი შემოქმედი?“ ან კრების მარაგში არსებული ნებისმიერი 192-გვერდიანი წიგნი. მარტში: „მარადიულ სიცოცხლემდე მიმყვანი შემეცნება“. განსაკუთრებით უნდა ვეცადოთ ბიბლიის საშინაო შესწავლების დაწყებას. აპრილსა და მაისში: ჟურნალები „საგუშაგო კოშკი“ და „გამოიღვიძეთ!“. იქ, სადაც განმეორებითი მონახულებისას ინტერესი იყო გამოვლენილი, შესთავაზე წიგნი „შემეცნება“ ან ბროშურა „რას მოითხოვს“ და ეცადე, დაიწყო ბიბლიის საშინაო შესწავლა.

◼ თავმჯდომარე ზედამხედველმა ან მის მიერ დანიშნულმა ძმამ უნდა შეამოწმოს კრების საფინანსო ანგარიშები 1 მარტს ან ამ თარიღიდან რაც შეიძლება მალე. მორიგი საფინანსო ანგარიშის წაკითხვის შემდეგ კრებაში განცხადება უნდა გაკეთდეს ჩატარებული შემოწმების შესახებ.

◼ მდივანმა და სამსახურებრივმა ზედამხედველმა უნდა გადახედონ პიონერთა საქმიანობის შედეგებს. თუ რომელიმეს უჭირს საათების ნორმის შესრულება, უხუცესებმა უნდა იზრუნონ დახმარებაზე. რჩევებისთვის შეგიძლიათ იხილოთ საზოგადოების 1 ოქტომბრით დათარიღებული ყოველწლიური წერილები (S-201). იხილეთ აგრეთვე 1993 წლის ივნისის „ჩვენი სამეფო მსახურების“ დანართი, აბზ. 7—15 (რუს.).

◼ მდივანმა უნდა იზრუნოს, რომ რეგიონალურმა სამშენებლო კომიტეტმა იცოდეს ყველა იმ მონათლული მაუწყებლის მდგომარეობა, რომლებმაც შეავსეს „სამეფო დარბაზების მშენებლობაზე დროებითი ნებაყოფლობითი მომუშავეების ანკეტა“ (S-82). როდესაც მოხალისის მდგომარეობა იცვლება, მაგალითად, როცა იცვლის საცხოვრებელ ადგილს, ინიშნება სამსახურებრივ თანაშემწედ ან უხუცესად, მაშინვე უნდა შეივსოს ახალი ბლანკი განსახილველად. თუ მოხალისის მისამართი ან ტელეფონი შეიცვალა ან, თუ ის აღარ არის სამაგალითო მაუწყებელი, უხუცესებმა დაუყოვნებლივ წერილობით უნდა შეატყობინონ ამის შესახებ რეგიონალურ კომიტეტს.

◼ 2001 წლის 28 აპრილს, შაბათს, სანკტ-პეტერბურგში, სოლნეჩნოეში არსებული საზოგადოების ფილიალის შენობები დაიკეტება საგაზაფხულო დალაგებისთვის. ამ დღეს ექსკურსიები არ ჩატარდება.

◼ გაუნაწილებელ ტერიტორიაზე ქადაგებისას მაუწყებლებს შეუძლიათ გაავრცელონ წიგნი „შემეცნება“ ან ბროშურა „რას მოითხოვს“. თუ მობინადრეს უკვე აქვს ეს პუბლიკაციები, შეუძლიათ სხვა შესთავაზონ. ყველამ უნდა ატაროს სხვადასხვანაირი ტრაქტატები მათთვის, ვინც სახლში არ ხვდებათ, ან ვინც არ იღებს ლიტერატურას. ინტერესის გაღვივებას მთელი ძალ-ღონე უნდა მოხმარდეს, განსაკუთრებით იმ უბნებში, რომლებიც გაუნაწილებელია და რომლებსაც სპეციალური პიონერები ან ახლომდებარე კრებები ამუშავებენ.

◼ გახსენების საღამო 2002 წელს ჩატარდება ხუთშაბათს, 28 მარტს, მზის ჩასვლის შემდეგ. ეს წინასწარი შეტყობინება იმისთვის კეთდება, რომ, როდესაც რამდენიმე კრება ერთსა და იმავე დარბაზს იყენებს და სხვა შენობების მოძებნაა საჭირო, აუცილებლობის შემთხვევაში ძმებმა შეძლონ ადგილების დაჯავშნა ან მოლაპარაკება დარბაზებთან დაკავშირებით. უხუცესები უნდა შეუთანხმდნენ შენობის ადმინისტრაციას, რომ შენობაში მიმდინარე სხვადასხვა საქმიანობამ ხელი არ შეუშალოს გახსენების საღამოს მშვიდად და ორგანიზებულად ჩატარებას. რადგანაც ეს მნიშვნელოვანი მოვლენაა, უხუცესთა საბჭომ გახსენების საღამოზე მომხსენებლად უნდა დანიშნოს შედარებით გამოცდილი ძმა, ნაცვლად იმისა, რომ, უბრალოდ, რიგრიგობით წაიკითხონ მოხსენება ან ყოველწლიურად ერთი და იგივე ძმა გამოიყვანონ. გამონაკლისი მხოლოდ იმ შემთხვევაში დაიშვება, თუ არის უნარიანი ცხებული უხუცესი, რომელსაც შეუძლია მოხსენებით გამოსვლა.

◼ ახალი პუბლიკაციები:

„ახალგაზრდების შეკითხვები“ (yp) — თურქული

„ბიბლიის ცნობარი“ (1-ლი ტომი, აღნიშვნა it-1) — ფინური

„ვინ არიან იეჰოვას მოწმეები?“ — ინგლისური, ფრანგული

„ვინ არის იესო ქრისტე?“ (T-24) — ალტაური

„იეჰოვას მოწმეები გაერთიანებულად ასრულებენ ღვთის ნებას მთელ მსოფლიოში“ (je) — თათრული

„იეჰოვას მოწმეები და განათლება“ (ed) — თათრული

„მარადიულად იხარე სიცოცხლით დედამიწაზე!“ (le) — ადიღეური

„მშვიდობიანი ახალი ქვეყნიერება — იქნება თუ არა ოდესმე?“ (T-17) — ბაშკირული

„რა არის სიცოცხლის აზრი? როგორ შეგიძლია მისი პოვნა?“ (pr) — აზერბაიჯანული

„რა სწამთ იეჰოვას მოწმეებს?“ (T-14) — ალტაური

„როგორ ვიპოვოთ სამოთხისკენ მიმავალი გზა“ (rp) — ინგუშური

„შენ შეგიძლია იყო ღვთის მეგობარი!“ (gf) — არაბული

„ჩემი წიგნი ბიბლიური მოთხრობებით“ (Smy) — ლატვიური