დავეხმაროთ ადამიანებს იეჰოვასთვის მთელი გულით მსახურებაში
1 იეჰოვა სამართლიანად მოითხოვს თითოეული ჩვენგანისგან მთელი გულით მსახურებას (მარ. 12:30; კოლ. 3:23). თუმცა ყველას განსხვავებული უნარი გვაქვს, თითოეულს გვინდა, რომ მაქსიმალურად ვემსახუროთ მას (მათ. 13:23).
2 შეგვიძლია თუ არა ამ მხრივ ჩვენს შვილებს მეტი დახმარება გავუწიოთ? არის რაიმე საშუალებები, რის დახმარებითაც უფრო მეტად გავამხნევებთ იმ ადამიანებს, ვისთანაც ბიბლიის შესწავლებს ვატარებთ? არის კრებაში ისეთი ვინმე, ვისაც, თუ რაიმე პრაქტიკულ დახმარებას აღმოვუჩენდით, გააუმჯობესებდა მსახურების ხარისხს ან უფრო მეტს იმსახურებდა?
3 როგორ დავეხმაროთ. მრავალი ადამიანი რეგულარულად ესწრება კრების ყველა შეხვედრას. ზოგი უკვე სამქადაგებლო მსახურებაში მონაწილეობისთვისაც არის მზად. ეს საქებარია. მაგრამ ყველას არ აქვს მიღებული გადაწყვეტილება, თავი მიუძღვნას ღმერთს და მოინათლოს. შეგვიძლია თუ არა მათთვის ამ საკითხში დახმარების აღმოჩენა? გვილაპარაკია მათთან პირადად მთელი გულით? შეიძლება დამხმარე აღმოჩნდეს გულწრფელად და კეთილგანწყობით შემდეგი სტატიების ერთად განხილვა: „უნდა მოინათლო თუ არა?“ (w 01.04.93, გვერდები 4—7 [რუს.]), „უნდა მოვინათლო თუ არა?“ (w 01.10.92, გვერდები 20—23 [რუს.]) ან „რა გიშლით ხელს მონათვლაში?“ (w 15.06.89, გვერდები 10—15 [რუს.]).
4 არიან ისეთი ადამიანებიც, რომლებიც მოინათლნენ, მაგრამ თავიანთი უნარისა და მდგომარეობის შესაბამისად არ ისწრაფიან ამა თუ იმ პასუხისმგებლობის საკუთარ თავზე ასაღებად. ზოგი შეიძლება რეგულარულად ქადაგებს და დროდადრო დამხმარე პიონერადაც მსახურობს. იქნებ მათ შეუძლიათ საქმეების ისე მოგვარება, რომ რეგულარულად იმსახურონ დამხმარე პიონერად? აქვს ზოგ რეგულარულად დამხმარე პიონერად მომსახურე მოწმეს პიონერად მსახურების შესაძლებლობა? ზოგჯერ მშობლების, უხუცესების ან უკვე პიონერად მომსახურე ქრისტიანის მიერ ამისკენ მოწოდებამ და თან გარკვეული პრაქტიკული რჩევების დართვამ შეიძლება ეს ადამიანი თავისი შესაძლებლობისა და მდგომარეობის შესაბამისად უფრო სრულად მსახურებისკენ აღძრას (2 ტიმ. 4:2).
5 გაამხნევეთ. სათანადო გამხნევების შემდეგ ისეთი ადამიანი, ვისაც გარკვეული პასუხისმგებლობების საკუთარ თავზე აღება „სურს“, შეიძლება ისე დაიხვეწოს, რომ სამსახურებრივ თანაშემწედ ან უხუცესად მსახურების მოთხოვნებს შეესაბამებოდეს (1 ტიმ. 3:1). თეოკრატიული სამსახურის სკოლაში პრაქტიკული რჩევების გამოყენების შედეგად ზოგი დახელოვნებული მომხსენებელი გახდა. ზოგმა დაუქორწინებელმა უხუცესმა და სამსახურებრივმა თანაშემწემ დახმარების შედეგად სათანადო ცვლილებები მოახდინეს თავიანთ ცხოვრებაში, რათა სამსახურებრივი დახელოვნების სკოლაში წასვლა შესძლებოდათ. გიფიქრიათ თუ არა სხვა პასუხისმგებლობებზე, რომლებსაც თქვენი ოჯახის ან კრების წევრები შეიძლება შეესაბამებოდნენ, თუ გარკვეულ დახმარებას გაუწევდნენ? როგორ შეგეძლოთ მათთვის დახმარების აღმოჩენა?
6 იეჰოვას საუკეთესოდ უნდა ვემსახუროთ და ამას მაქსიმალური ძალისხმევა მოვახმაროთ (გამოცხ. 4:11). ჩვენი სურვილია, მთელი გულით შევასრულოთ მისი ნება და სხვებსაც დავეხმაროთ ამის კეთებაში (ეფეს. 6:6). მათ, რომლებიც იეჰოვასადმი მთელი გულით მსახურებისთვის დახმარებასა და გამხნევებას დადებითად ეხმაურებიან, შეუძლიათ დარწმუნებული იყვნენ, რომ იეჰოვა „საკადრის ჯილდოს“ მისცემთ (კოლ. 3:24).