განცხადებები
◼ გასავრცელებელი ლიტერატურა იანვარში: წიგნები „ყველაზე დიდებული ადამიანი“ ან „ჩემი წიგნი ბიბლიური მოთხრობებით“. თებერვალში: წიგნი „დაუახლოვდი იეჰოვას“. თუ კრების მარაგში ეს წიგნი არა გაქვთ, შეგიძლიათ გაავრცელოთ წიგნი „გამოცხადება“ ან სხვა წიგნები. მარტში: „რას გვასწავლის ბიბლია?“ განსაკუთრებით ეცადეთ ბიბლიის შესწავლების დაწყებას. აპრილში: ჟურნალები „საგუშაგო კოშკი“ და „გამოიღვიძეთ!“, როდესაც განმეორებით მოინახულებთ ისეთ ადამიანებს, რომლებიც ესწრებოდნენ გახსენების საღამოს ან სხვა თეოკრატიულ ღონისძიებას, მაგრამ რეგულარული კავშირი არა აქვთ კრებასთან, შესთავაზეთ წიგნი „რას გვასწავლის ბიბლია სინამდვილეში?“ შეეცადეთ, ამ წიგნით დაიწყოთ შესწავლა.
◼ თებერვლიდან დაწყებული, არა უგვიანეს 4 მარტისა, სარაიონო ზედამხედველები გამოვლენ ახალი საჯარო მოხსენებით „ვინ ჩაითვლება ღვთის ახალ ქვეყნიერებაში ცხოვრების ღირსად?“
◼ ჩვენი პუბლიკაციები ჩინურ ენაზე ორი დამწერლობით გამოიცემა. ჰონკონგში და ტაივანში ძირითადად გავრცელებულია ტრადიციული დამწერლობა, რომელსაც „ჩინურს“ (CH) ვუწოდებთ. ხოლო ჩინელ მკითხველთა უმრავლესობა ჩვეულებრივ გამარტივებულ დამწერლობას იყენებს, რომელსაც „გამარტივებული ჩინური“ (CHS) ეწოდება. რომელ დიალექტზეც არ უნდა ლაპარაკობდნენ ჩინელები, იქნება ეს კანტონური, მანდარინული თუ სხვა, ისინი სარგებლობენ მხოლოდ ზემოხსენებული ორი დამწერლობით; ამიტომ მნიშვნელოვანია გავიგოთ, მკითხველს „ჩინური“ დამწერლობა ურჩევნია თუ „ჩინური გამარტივებული“. შესადარებლად შეგიძლიათ იხილოთ ბროშურა „სასიხარულო ცნობა ყველა ეროვნების ადამიანებისთვის“ (რუს.), გვერდები 37, 38. ჩინური ლიტერატურა შეუკვეთეთ იმ დამწერლობის მიხედვით, რომელიც მკითხველს ურჩევნია.
◼ კრებებმა სათანადოდ უნდა იზრუნონ გახსენების საღამოს ჩატარებაზე, რომელიც ამა წლის 2 აპრილს, ორშაბათს, მზის ჩასვლის შემდეგ გაიმართება. თუმცა შესაძლებელია მოხსენების მზის ჩასვლამდე დაწყება, სიმბოლოების ჩამოტარება მხოლოდ მზის ჩასვლის შემდეგ უნდა მოხდეს. ადგილობრივი წყაროებიდან დაადგინეთ, როდის ჩადის მზე თქვენს მხარეში. სასურველია, რომ ყველა კრებამ ცალ-ცალკე აღნიშნოს გახსენების საღამო, თუმცა ეს შეიძლება ყოველთვის არ მოხერხდეს. როდესაც ერთი და იმავე სამეფო დარბაზით რამდენიმე კრება სარგებლობს, შეიძლება ამ საღამოსთვის რომელიმე მათგანმა ცალკე დარბაზი დაიქირავოს. თუ შესაძლებელია, კარგი იქნებოდა პროგრამებს შორის მინიმუმ 40-წუთიანი შუალედი მაინც დაგეტოვებინათ, რათა ყველამ სრული სარგებლობა მიიღოს. ასევე ყურადღება უნდა მიექცეს ტრანსპორტის მოძრაობას და ავტოსადგომზე მანქანების გაჩერებას, მათ შორის მგზავრების ჩასხმას თუ ჩამოსხმას. უხუცესთა საბჭომ უნდა გადაწყვიტოს, ადგილობრივად რის გაკეთება იქნებოდა საუკეთესო.
◼ კრების მდივანმა და დაშორებულ ჯგუფზე პასუხისმგებელმა ძმამ უნდა შეამოწმოს, აქვს თუ არა ყველა პიონერის „დანიშვნის წერილი“ (S-202). თუ მათ არა აქვთ რომელიმე პიონერის „დანიშვნის წერილი“, ამის შესახებ უნდა მისწერონ ოფისს.