განცხადებები

◼ გასავრცელებელი ლიტერატურა აპრილსა და მაისში: ჟურნალები „საგუშაგო კოშკი“ და „გამოიღვიძეთ!“ როდესაც განმეორებით მოინახულებთ დაინტერესებულებს, მათ შორის ისეთ ადამიანებს, რომლებიც ესწრებოდნენ გახსენების საღამოს ან სხვა თეოკრატიულ ღონისძიებას, მაგრამ რეგულარული კავშირი არა აქვთ კრებასთან, შესთავაზეთ წიგნი „რას გვასწავლის ბიბლია სინამდვილეში?“ შეეცადეთ, ამ წიგნით დაიწყოთ შესწავლა. ივნისში: წიგნები „შემოქმედი“ და „ოჯახური ბედნიერება“. ივლისში: კრების მარაგში არსებული ნებისმიერი 32-გვერდიანი ბროშურა: „ნამდვილად ზრუნავს ღმერთი ჩვენზე?“, „მარადიულად იხარე სიცოცხლით დედამიწაზე!“, „ნახე! მე ვქმნი ყოველივე ახალს“, „უნდა გწამდეს სამება?“, „მთავრობა, რომელიც დაამყარებს სამოთხეს“, „რა ხდება სიკვდილის შემდეგ?“, „როდესაც გიკვდება საყვარელი ადამიანი . . .“ და „წიგნი ყველასთვის“.

◼ 2007 წლის საოლქო კონგრესის სამკერდე ნიშნები კრებებს ავტომატურად გაეგზავნება. ასე რომ, საჭირო არ არის მათი შეკვეთა. თუ კრებას დამატებით დასჭირდება სამკერდე ნიშნები, უნდა შეუკვეთონ „ლიტერატურის შეკვეთის ბლანკის“ (S-14) მეშვეობით. სამკერდე ნიშნის პლასტმასის ბუდეები კრებაში ყველა მსურველისთვის უნდა შეუკვეთოთ.

◼ კრების მდივანმა უნდა იზრუნოს, რომ კრებაში საკმარისი რაოდენობის ბლანკი იყოს პიონერული (S-205) და დამხმარე პიონერული (S-205b) მსახურებისთვის. მათი შეკვეთა შეიძლება „ლიტერატურის შეკვეთის ბლანკით“ (S-14). იქონიეთ ერთი წლის მარაგი მაინც. ოფისში გაგზავნამდე პიონერული მსახურების ბლანკი უნდა შემოწმდეს, რომ ის სრულად იყოს შევსებული.

◼ ოფისს აუცილებლად ესაჭიროება უახლესი ინფორმაცია ყველა კრების თავმჯდომარე ზედამხედველისა და მდივნის მისამართების და ტელეფონის ნომრების შესახებ, აგრეთვე იმ ძმის, ვინც დამოუკიდებელ ჯგუფზეა პასუხისმგებელი. თუ რამე შეიცვალა, კრების სამსახურებრივმა კომიტეტმა მაშინვე, რაც შეიძლება მალე, უნდა შეავსოს და გაუგზავნოს ოფისს ბლანკი „თავმჯდომარე ზედამხედველის/მდივნის მისამართის ცვლილება“ (S-29). ეს ეხება სატელეფონო კოდის ცვლილებასაც.

◼ თუ სხვა ქვეყანაში მოგზაურობისას აპირებთ კრების შეხვედრებზე, სარაიონო ან საოლქო კონგრესზე დასწრებას, თარიღის, დროისა და ადგილმდებარეობის შესახებ ინფორმაციისთვის უნდა მიმართოთ იმ ფილიალს, რომელიც ამ ქვეყანას ზედამხედველობს. ფილიალების მისამართების ნახვა შეიძლება მიმდინარე წლის „წელიწდეულის“ ბოლო გვერდზე.

◼ გვინდა სიხარულით გაუწყოთ, რომ ნოემბერში დაფიქსირდა პიონერების უმაღლესი რიცხვი — 2087. ეს 22-ით აღემატება ოქტომბერში მიღწეულ პიონერების უმაღლეს რიცხვს.

◼ თბილისში, დიდუბე-ჩუღურეთის რაიონში აშენდა ახალი სამეფო დარბაზი. 2006 წლის 31 დეკემბერს მიძღვნის პროგრამას დაესწრო 183 ადამიანი.