განცხადებები

◼ გასავრცელებელი ლიტერატურა მარტში: „რას გვასწავლის ბიბლია სინამდვილეში?“ განსაკუთრებით ეცადეთ ბიბლიის შესწავლების დაწყებას. აპრილსა და მაისში: ჟურნალები „საგუშაგო კოშკი“ და „გამოიღვიძეთ!“. განსაკუთრებით ეცადეთ, განმეორებით მოინახულოთ ის ადამიანები, რომლებიც ესწრებოდნენ გახსენების საღამოს ან სპეციალურ საჯარო მოხსენებას, მაგრამ რეგულარული კავშირი არა აქვთ კრებასთან. მათი მონახულებისას მიზნად გქონდეთ, დაიწყოთ ბიბლიის შესწავლა. ივნისში: „რას გვასწავლის ბიბლია სინამდვილეში?“ განსაკუთრებით ეცადეთ ბიბლიის შესწავლების დაწყებას. ივლისსა და აგვისტოში: ბროშურები: „რას მოითხოვს ღმერთი ჩვენგან?“, „იეჰოვას მოწმეები გაერთიანებულად ასრულებენ ღვთის ნებას მთელ მსოფლიოში“, „იეჰოვას მოწმეები — ვინ არიან? რა სწამთ?“. თუ აღნიშნული პუბლიკაციები არა გაქვთ, შეგიძლიათ გაავრცელოთ კრების მარაგში არსებული ნებისმიერი 32-გვერდიანი ბროშურა.

◼ კრებებში მიღებისთანავე უნდა დარიგდეს „საგუშაგო კოშკისა“ და „გამოიღვიძეთ!“-ის ბოლო ნომრები. ეს საშუალებას მისცემს მაუწყებლებს, გავრცელებამდე გაეცნონ ჟურნალების შინაარსს.

◼ თავმჯდომარე ზედამხედველის მიერ დანიშნულმა ძმამ უნდა შეამოწმოს დეკემბრის, იანვრისა და თებერვლის კრების საფინანსო ანგარიში. ყოველთვის ერთი და იგივე ძმა არ უნდა ამოწმებდეს ამ ანგარიშს. მორიგი საფინანსო ანგარიშის წაკითხვის შემდეგ კრებაში განცხადება უნდა გაკეთდეს ჩატარებული შემოწმების შესახებ. იხილე „კრების საბუღალტრო აღრიცხვის ინსტრუქციები“ (S-27).

◼ 2008 წლის საოლქო კონგრესის თემაა „მიჰყევით ღვთის სულის ხელმძღვანელობას!“. აპრილის „ჩვენს სამეფო მსახურებაში“ დაწვრილებით ინფორმაციას მოგაწვდით, რაც დაგეხმარებათ იმის დაგეგმვაში, რომ კონგრესის სამივე დღეს დაესწროთ. მთლიან პროგრამაზე დასასწრებად თუ საჭიროა, რომ დამსაქმებელს სთხოვო კონგრესის დღეების განმავლობაში სამუშაოდან გაგათავისუფლოს, ნუ მოგერიდება ამის გაკეთება.

◼ გვინდა სიხარულით გაუწყოთ, რომ 2007 წლის ოქტომბერში დაფიქსირდა პიონერების უმაღლესი რიცხვი — 2 270. ეს 58-ით აღემატება 2007 წლის სექტემბერში მიღწეულ პიონერების უმაღლეს რიცხვს.

◼ ფოთში აშენდა სამეფო დარბაზი. 2007 წლის 22 სექტემბერს მიძღვნის პროგრამას დაესწრო 173 ადამიანი.