განცხადებები

◼ გასავრცელებელი ლიტერატურა სექტემბერში: „რას გვასწავლის ბიბლია სინამდვილეში?“ ყველანაირად ეცადეთ, რომ პირველივე მონახულებისას დაიწყოთ ბიბლიის შესწავლა. თუ მობინადრე იტყვის, რომ უკვე აქვს ეს წიგნი, მოკლედ აჩვენეთ, როგორ ტარდება ბიბლიის შესწავლა, და დაანახვეთ, რა სარგებლობა მოაქვს ამას. ოქტომბერში: ჟურნალები „საგუშაგო კოშკი“ და „გამოიღვიძეთ!“. თუ მობინადრე ინტერესს გამოავლენს, უჩვენეთ ტრაქტატი „გსურთ უკეთ გაეცნოთ ბიბლიას?“ მასთან ერთად იმსჯელეთ ამ ტრაქტატზე და მიზნად გქონდეთ ბიბლიის შესწავლის დაწყება. თუ კრების მარაგში გაქვთ წიგნი „მარადიულ სიცოცხლემდე მიმყვანი შემეცნება“, შეგიძლიათ ეს წიგნიც გაავრცელოთ. ნოემბერსა და დეკემბერში: წიგნი „რას გვასწავლის ბიბლია სინამდვილეში?“ ყველანაირად ეცადეთ ბიბლიის შესწავლის დაწყებას. 2009 წლის იანვარში: წიგნი „ოდესმე მცხოვრებთაგან ყველაზე დიდებული ადამიანი“. თუ მობინადრე იტყვის, რომ მას ჰყავს შვილები, შესთავაზე წიგნი „ისწავლე დიდებული მასწავლებლისგან“. თებერვალში: კრების მარაგში არსებული რომელიმე წიგნი „არსებობს მზრუნველი შემოქმედი?“ ან „ოჯახური ბედნიერების საიდუმლო“.

◼ ნოემბერში ხუთი შაბათ-კვირაა, რაც კარგ შესაძლებლობას გვაძლევს, რომ დამხმარე პიონერებად ვიმსახუროთ.

◼ 2009 წელს გახსენების საღამოსთან დაკავშირებული სპეციალური საჯარო მოხსენება წარმოითქმება 20 აპრილით დაწყებულ კვირაში. მოხსენების სათაური გამოცხადდება მოგვიანებით. იმ კრებებში, რომლებსაც ამ კვირას სარაიონო ზედამხედველის მონახულება ან კონგრესი ექნებათ, სპეციალური მოხსენება მომდევნო კვირაში წაიკითხება. ეს მოხსენება არც ერთ კრებაში არ უნდა წარმოითქვას 20 აპრილამდე.

◼ ლიტერატურის შეკვეთისას კრებებს შეუძლიათ შეუკვეთონ 2008 წლის „საგუშაგო კოშკისა“ და „გამოიღვიძეთ!“-ის აკინძული ტომები, 2009 წლის წელიწდეული და „საგუშაგო კოშკის ბიბლიოთეკა — 2008“ კომპაქტ-დისკზე. წერილში „განცხადება ყველა კრებას“ ჩამოთვლილი იქნება ენები, რომლებზეც ხელმისაწვდომია ეს პუბლიკაციები. ყველა ეს ნივთი უნდა შეუკვეთოთ 2008 წლის 1 ნოემბრამდე. შეგახსენებთ, რომ „საგუშაგო კოშკის ბიბლიოთეკა — 2008“ განკუთვნილია მხოლოდ მონათლული და მოუნათლავი მაუწყებლებისთვის და მისი შეკვეთა მხოლოდ კრების მეშვეობითაა შესაძლებელი. ის მაუწყებლები, რომლებიც ინტენსიურად იყენებენ „საგუშაგო კოშკის ბიბლიოთეკას“ კომპაქტ-დისკზე და აკინძული ტომებით აღარ სარგებლობენ, გონივრული იქნებოდა დაფიქრებულიყვნენ, ხომ არ ჯობდა გაეუქმებინათ თავიანთი შეკვეთები აკინძულ ტომებზე.

◼ თავმჯდომარე ზედამხედველის მიერ დანიშნულმა ძმამ უნდა შეამოწმოს ივნისის, ივლისისა და აგვისტოს კრების საფინანსო ანგარიში. ყოველთვის ერთი და იგივე ძმა არ უნდა ამოწმებდეს ამ ანგარიშს. მორიგი საფინანსო ანგარიშის წაკითხვის შემდეგ კრებაში განცხადება უნდა გაკეთდეს ჩატარებული შემოწმების შესახებ. იხილე „კრების საბუღალტრო აღრიცხვის ინსტრუქციები“ (S-27).

◼ ყველა სამეფო დარბაზში საექსპლუატაციო კომიტეტმა ან ძმამ, რომელიც სამეფო დარბაზის ექსპლუატაციაზე ზრუნავს, ყოველი წელს უნდა შეამოწმოს დარბაზის მდგომარეობა იმ ჩამონათვლის მიხედვით, რომელიც მოცემულია ბლანკში „სამეფო დარბაზის ექსპლუატაციასა და უსაფრთხოებასთან დაკავშირებული საკითხების საკონტროლო ჩამონათვალი“ (CN-14). საჭიროების შემთხვევაში შესაბამისი ზომები უნდა იქნეს მიღებული. შემოწმების შემდეგ შევსებული ბლანკის დედანი უნდა გაეგზავნოს ფილიალს არა უგვიანეს 30 სექტემბრისა. ბლანკის ასლები უნდა გადაეცეს სამეფო დარბაზით მოსარგებლე თითოეული კრების უხუცესთა საბჭოს. შემდეგ რეკომენდებულია, დაიგეგმოს უხუცესთა საბჭოების ყოველწლიური შეხვედრა, სადაც ძმები იმსჯელებენ იმაზე, თუ რა შედეგები აჩვენა დარბაზის შემოწმებამ. ამავე შეხვედრაზე უნდა განიხილოთ საკითხი, რომელიც ეხება გაღებულ ხარჯებსა და იმას, რასაც მომავალში გაიღებენ კრებები. გარდა ამისა, შეხვედრაზე ყურადღება გამახვილდება საექსპლუატაციო კომიტეტის საქმიანობაზე, რაც სამეფო დარბაზის საექსპლუატაციო თუ სხვა მსგავს საკითხებთანაა დაკავშირებული. შემდეგ მონახულებაზე სარაიონო ზედამხედველმა უნდა შეამოწმოს, ჩატარდა თუ არა ასეთი შემოწმება და, საჭიროების შემთხვევაში, იქნა თუ არა საჭირო ზომები მიღებული.

◼ გვინდა სიხარულით გაუწყოთ, რომ 2008 წლის მაისში დაფიქსირდა პიონერების უმაღლესი რიცხვი — 2 433. ეს 46-ით აღემატება 2008 წლის აპრილში მიღწეულ პიონერების უმაღლეს რიცხვს.