იყავი კარგი დამხმარე
1. რატომ არის კარგი ორ-ორად ქადაგება?
1 ერთხელ იესომ 70 მოწაფე საქადაგებლად ‘ორ-ორი გაგზავნა’ (ლუკ. 10:1). უდავოა, ორ-ორად ქადაგება მოწაფეებს ერთმანეთის დახმარებისა და გამხნევების შესაძლებლობას მისცემდა. როგორ შეგვიძლია დახმარება გავუწიოთ თანაქრისტიანს ქადაგებისას?
2. როგორ უნდა ვაჩვენოთ, რომ ქადაგებისას ყურადღებით ვართ და რატომ არის ეს აუცილებელი?
2 იყავი მომსმენი: როცა შენ გვერდით მყოფი მაუწყებელი შეთავაზებას აკეთებს, ყურადღებით მოუსმინე (იაკ. 1:19). თუ ის მუხლს კითხულობს, შენს ბიბლიაში თვალი მიაყოლე. უყურე მას, ვინც ლაპარაკობს — იქნება ეს მობინადრე თუ მაუწყებელი. მობინადრე შეიძლება მოსასმენად აღიძრას, თუ დაინახავს, რომ ყურადღებით ისმენ საუბარს.
3. რა დროს არის სასურველი ლაპარაკის დაწყება?
3 განსაზღვრე, როდის ილაპარაკო: როდესაც ჩვენ გვერდით მყოფი მაუწყებელი შეთავაზებას აკეთებს, პატივისცემას გამოვავლენთ, თუ მას საუბრის წარმართვის საშუალებას მივცემთ (რომ. 12:10). საუბარში არ უნდა ჩავეჭრათ. თუ მას სათქმელი დაავიწყდა ან მობინადრე საწინააღმდეგო აზრს, ან კითხვას წამოჭრის და თანაქრისტიანი დახმარებას გვთხოვს, უნდა შევეცადოთ განვაგრძოთ მისი აზრი და არ წამოვჭრათ სხვა საკითხი (იგავ. 16:23; ეკლ. 3:1, 7). თუ ლაპარაკს დავიწყებთ, ჩვენი სიტყვები დამოწმებას უნდა მოემსახუროს (1 კორ. 14:8).
4. რა დაგვეხმარება, რომ მსახურებაში სიხარული გვქონდეს და წარმატებას მივაღწიოთ?
4 ქადაგების შემდეგ „სამოცდაათი მოწაფე გახარებული დაბრუნდა“ (ლუკ. 10:17). ჩვენც წარმატებას მივაღწევთ და სიხარული გვექნება მსახურებაში, თუ ვიქნებით ყურადღებიანი მომსმენები და განვსაზღვრავთ, როდის დავიწყოთ ლაპარაკი.