17–23 ᲛᲐᲠᲢᲘ
ᲘᲒᲐᲕᲔᲑᲘ 5
სიმღერა 122 და ლოცვა | შესავალი სიტყვა (1 წთ.)
1. თავი შორს დაიჭირეთ უზნეობისგან
(10 წთ.)
ქვეყნიერებაში უზნეო ცხოვრება ლამაზადაა შეფუთული (იგავ. 5:3; w00 7/15 29 ¶1).
უზნეობის ჩადენას მწარე შედეგები მოჰყვება (იგავ. 5:4, 5; w00 7/15 29 ¶2).
თავი შორს დაიჭირეთ უზნეობისგან (იგავ. 5:8; w00 7/15 29 ¶5).
ქრისტიანი გოგონა ბიჭს უარს ეუბნება ნომრის მიცემაზე.
2. ღვთის სიტყვის სიღრმეები
(10 წთ.)
იგავ. 5:18, 19 – როგორია იეჰოვას თვალსაზრისი სექსზე? (lff გაკვეთილი 41, პუნქტი 1)
რა აღმოჩნდა თქვენთვის საინტერესო ამ კვირაში წასაკითხი ბიბლიური მონაკვეთიდან?
3. ბიბლიის კითხვა
(4 წთ.) იგავ. 5:1–23 (th გაკვეთილი 5)
4. საუბრის წამოწყება
(3 წთ.) ᲡᲐᲯᲐᲠᲝ ᲡᲘᲕᲠᲪᲔᲨᲘ ᲥᲐᲓᲐᲒᲔᲑᲐ. გახსენების საღამოზე დაპატიჟე ადამიანი, რომელიც ქრისტიანი არ არის. ვებსაიტზე jw.org მოძებნე მისთვის უახლოესი ადგილი, სადაც ეს შეხვედრა ჩატარდება (lmd გაკვეთილი 6, პუნქტი 4).
5. ინტერესის გაღვივება
(4 წთ.) ᲙᲐᲠᲓᲐᲙᲐᲠ ᲥᲐᲓᲐᲒᲔᲑᲐ. მობინადრემ წინა შეხვედრაზე გახსენების საღამოს მოსაწვევი გამოგართვა და ინტერესი გამოავლინა (lmd გაკვეთილი 9, პუნქტი 5).
6. მოწაფეების მომზადება
(5 წთ.) lff მე-16 გაკვეთილის შეჯამება, გასამეორებელი კითხვები და დავალება. ბიბლიის შემსწავლელს აინტერესებს, როგორი გარეგნობა ჰქონდა იესოს. აჩვენე, როგორ მოიძიოს თავად პასუხი (lmd გაკვეთილი 11, პუნქტი 4).
სიმღერა 121
7. შეინარჩუნე ზნეობრივი სიწმინდე გაცნობის პერიოდში
(15 წთ.) განხილვა.
როცა ორი ადამიანი ერთმანეთს უკეთ გაცნობის მიზნით ხვდება, ჩვეულებრივ, ისინი ბევრ დროს ატარებენ ერთად, იქნება ეს საჯარო სივრცეში, მეგობრების გარემოცვაში თუ ტელეფონით. იეჰოვას მსახურები გართობის მიზნით არ იწყებენ ვინმესთან ასეთ ურთიერთობას. მათ ესმით, რომ ეს ქორწინებისკენ გადადგმული სერიოზული ნაბიჯია. რა ასაკისაც არ უნდა იყვნენ, რა დაეხმარება შეყვარებულებს, სიფრთხილე გამოიჩინონ და დაიცვან ზნეობრივი სიწმინდე? (იგავ. 22:3).
აუდიტორიას უჩვენე ᲕᲘᲓᲔᲝ „ქორწინება – ნაწილი 1: მზად ვარ პაემნისთვის?“ (ნაწყვეტი); შემდეგ ჰკითხე:
რატომ არ უნდა დაიწყოს ქრისტიანმა ვინმესთან ურთიერთობა, თუ მზად არ არის ქორწინებისთვის? (იგავ. 13:12; ლუკ. 14:28–30)
რა მოგეწონათ მშობლების დამოკიდებულებაში და მათ მიდგომაში?
წაიკითხეთ იგავების 28:26. კითხვა აუდიტორიისთვის:
რაზე უნდა დაფიქრდეს წყვილი, რომ თავიდან აიცილონ ისეთი სიტუაციები, სადაც ცდუნების წინაშე აღმოჩნდებიან?
რატომ იქნება გონივრული, თუ წყვილი წინასწარ დაადგენს საზღვრებს, თუ როგორ გამოხატავენ გრძნობებს ერთმანეთის მიმართ?
წაიკითხეთ ეფესოელების 5:3, 4. კითხვა აუდიტორიისთვის:
რატომ უნდა დაფიქრდნენ შეყვარებულები, რაზე საუბრობენ, იქნება ეს ტელეფონით თუ ონლაინ?
8. კრების ბიბლიის შესწავლა
(30 წთ.) bt თავი 24 ¶1–6