მილიონები დაესწრებიან — თქვენ თუ დაესწრებით?

ყოველწლიურად რვა მილიონზე მეტი ადამიანი ესწრება იეჰოვას მოწმეთა საოლქო კონგრესებს. ამ ზაფხულსაც რუსეთში არსებული ფილიალის ზედამხედველობის ქვეშ მყოფ ტერიტორიაზე დაგეგმილია სამდღიანი საოლქო კონგრესები, სახელწოდებით „ღვთის წინასწარმეტყველური სიტყვა“. კონგრესები 45 ქალაქში გაიმართება. ალბათ, ერთ-ერთი მათგანი იმ ადგილის მახლობლადაც ჩატარდება, სადაც თქვენ ცხოვრობთ. კარგი იქნება, თუ პარასკევს 9.30-დან დაესწრებით პროგრამას, რომელიც მუსიკით დაიწყება.

დილის პროგრამის დროს წარმოთქმულ იქნება მისასალმებელი სიტყვა, აგრეთვე წამყვანი მოხსენება „ყურად იღეთ ღვთის წინასწარმეტყველური სიტყვა“. ნაშუადღევს მოხსენებათა სერიაში — „სიამოვნება ჰპოვეთ ღვთის სიტყვის კითხვით“ — მოცემულ იქნება რჩევები, როგორ გავხადოთ ბიბლიის კითხვა სასარგებლო და სასიამოვნო. იმ დღის პროგრამის დასასრულს მოხსენებაში — „ღვთის მოწინააღმდეგენი ვერ გაიმარჯვებენ“ — განიხილება, რა წინააღმდეგობებს აწყდებიან დღეს ღვთის სამეფოს მაუწყებლები.

შაბათს დილის პროგრამაში საუბარი იქნება მონათვლაზე და მათ, ვინც მზად არის, შესაძლებლობა მიეცემათ საჯაროდ აღიარონ იეჰოვასადმი მიძღვნა. ნაშუადღევს წარმოდგენილ იქნება გამამხნევებელი ცნობები საოცარი ინტერესის შესახებ, რომელსაც ხალხი ბიბლიის ჭეშმარიტებისადმი ავლენს ლათინური ამერიკის, აფრიკისა და აღმოსავლეთ ევროპის ზოგიერთ ქვეყანაში, აგრეთვე ყაზახეთში — აზიის უდიდეს სახელმწიფოში. ამ ნაწილის სახელწოდებაა «იეჰოვას სახლი „სასურველით“ ივსება». შაბათის პროგრამა დასრულდება ორი მოხსენებით: „ბიბლიური წინასწარმეტყველებები სიფხიზლისკენ მოგვიწოდებს“ და „წინასწარმეტყველური სიტყვა უკანასკნელ ჟამს“. ბოლო მოხსენებაში ყურადღება გამახვილდება ბიბლიის წიგნ „დანიელზე“ და აიხსნება, რატომ არის აუცილებელი, ყურად ვიღოთ მასში ჩაწერილი წინასწარმეტყველება.

კვირა დილით ერთსაათიან, სამნაწილიან მოხსენებათა სერიაში სახელწოდებით „წინასწარმეტყველური სიტყვები დათქმული ჟამისთვის“, გაირჩევა აბაკუმის წინასწარმეტყველება. თქვენ ნახავთ, როგორი გამხნევების წყარო შეიძლება იყოს დღევანდელი ქრისტიანებისთვის ეს პატარა ბიბლიური წიგნი. შემდეგ წარმოდგენილ იქნება დრამა, სახელწოდებით „დავაფასოთ ჩვენი სულიერი მემკვიდრეობა“, რომელშიც განიხილება ბიბლიური ცნობა იაკობსა და ესავზე. კვირას დილის პროგრამა დასრულდება გამამხნევებელი მოხსენებით — „რას ნიშნავს თქვენთვის სულიერი მემკვიდრეობა?“. ნაშუადღევს კი, მოისმენთ საჯარო მოხსენებას „ყოველივე ახლის შექმნა წინასწარმეტყველების თანახმად“.

დღეიდანვე დაგეგმეთ ყველაფერი ისე, რომ კონგრესს დაესწროთ. იმის გასაგებად, თუ სად ტარდება კონგრესი თქვენს საცხოვრებელთან ყველაზე ახლოს, დაუკავშირდით იეჰოვას ადგილობრივ მოწმეებს ან მისწერეთ ამ ჟურნალის გამომცემლებს. ჟურნალ „საგუშაგო კოშკის“ 1999 წლის 15 თებერვლის ნომერში ჩამოთვლილია ბელორუსიის, ლატვიის, მოლდავეთის, რუსეთის, საქართველოს, უკრაინის, ყაზახეთისა და ყირგიზეთის ქალაქები, სადაც კონგრესები ჩატარდება.