ჯანმრთელობა და უსაფრთხოება ევროპაში

ჩვენი კორესპონდენტისგან ბრიტანეთში

საზოგადოება „საგუშაგო კოშკის“ მთავარ სამმართველოსა და მის 109 ფილიალში 16 000-ზე მეტი მამაკაცი და ქალი მსახურობს. ამ მოხალისეებიდან ზოგი სტამბაში, სახელოსნოებსა და ტექნიკური მომსახურების განყოფილებაში მუშაობს. მაგრამ, რა დავალებასაც უნდა ასრულებდნენ, ისე მუშაობენ, რომ საფრთხე არ შეუქმნან არც თავიანთ და არც სხვების სიცოცხლესა და ჯანმრთელობას.

1997 წელს ევროპაში გამართული უსაფრთხოებისა და ჯანმრთელობის კვირის შემდეგ, 1998 წელს, ბრიტანეთში არსებული ფილიალის მიერ მილ-ჰილზე მდებარე სტამბაში დადგენილი მაღალი სამუშაო ნორმა საჯაროდ იქნა აღიარებული. საზოგადოება „საგუშაგო კოშკს“ გადაეცა ბროლის თასი წარწერით: „უსაფრთხოებისა და ჯანმრთელობის კვირა ევროპაში — 1997 წლის გამარჯვებული“. როგორ დაიმსახურა საზოგადოებამ ეს პრესტიჟული ჯილდო?

1994 წელს საზოგადოება „საგუშაგო კოშკმა“ ჯანმრთელობისა და უსაფრთხოების საკითხებით დაკავებული კომისიის აღმასრულებელ ორგანოს (HSE) წარუდგინა დაწვრილებითი ანალიზი იმის შესახებ, თუ როგორ შეიძლება სამსახურში წელის ტკივილის შემთხვევების შემცირება. კამპანიის დასასრულს ამ კომისიამ დახმარების აღმოჩენისთვის საზოგადოებას სერთიფიკატი გადასცა, 1996 წელს კი სთხოვა, მოემზადებინა მოკლე ანგარიში იმის შესახებ, რასაც ჯანმრთელობის დაცვისა და უსაფრთხოების მიზნით აკეთებდნენ. მოგვიანებით «საზოგადოება „საგუშაგო კოშკს“ [ჯანმრთელობის დაცვისა და უსაფრთხოების საქმეში] ფასდაუდებელი წვლილის შეტანისთვის» სერთიფიკატი გადაეცა.

1997 წელს ჯანმრთელობისა და უსაფრთხოების საკითხებით დაინტერესებული კომისიის აღმასრულებელმა ორგანომ „საგუშაგო კოშკი“ მიიწვია გამართულ კამპანიაში „ჯანმრთელობა და უსაფრთხოება ევროპაში“ მონაწილეობის მისაღებად. საზოგადოებამ დროულად წარადგინა დაწვრილებითი ნაშრომი ფოტოსურათებით, სადაც ნაჩვენები იყო, რომ ცალკეული ელექტროდანადგარების ძირითად მტვრის სასრუტ სისტემასთან შეერთებით შესაძლებელი ხდება სადურგლოში 90 პროცენტით მტვრისა და 100 პროცენტით ხის ბურბუშელის შემცირება, რაც 250 ფუნტ სტერლინგზე ნაკლები ჯდება.

ამის შედეგად, საზოგადოება იმ ოცდაათ დაჯილდოებულ გამარჯვებულს შორის აღმოჩნდა, რომლებიც მიიწვიეს ევროპის კომისიასა და ბრიტანეთის მთავრობასთან, აგრეთვე ჯანმრთელობის დაცვისა და უსაფრთხოების კომისიის თავმჯდომარესთან შესახვედრად. ამ უკანასკნელმა თასის გადაცემისას თქვა: «ყოჩაღ, „საგუშაგო კოშკო!“ ».

[სურათები 31 გვერდზე]

„საგუშაგო კოშკის“ მიერ ჯანმრთელობის დაცვისა და უსაფრთხოების სფეროში მაღალი ნორმების დაცვისთვის მიღებული ჯილდოები.