ვინ შექმნა?
ნემსიყლაპიას ფრთა
● ზოგი სახეობის ნემსიყლაპიას თავისუფლად შეუძლია 30 წამი ფრთების გაუნძრევლად გაჩერდეს ჰაერში. როგორ ახერხებენ ისინი ამას? მათ თავიანთი საოცარი ფრთების მეშვეობით შეუძლიათ ჰაერის წინაღობის დაძლევა, რომლის ანალოგიც ჯერ არ მოიძებნება საავიაციო ინდუსტრიაში.
დაფიქრდით: ნემსიყლაპიას აქვს ბადისებრ დაძარღვული, სიფრიფანა და გამჭვირვალე ფრთები, რომლებიც არ იხრება. მეცნიერთა დაკვირვებით, სწორედ ასეთი ფრთები ეხმარება მას, გაჩერდეს ჰაერში. „ნემსიყლაპიას ბადისებრ ფრთებს შორის ჰაერი ისე თავისუფლად მოძრაობს, რომ მცირდება ხახუნის ძალა და მწერი ჰაერში წონასწორობას ინარჩუნებს“, — ნათქვამია ჟურნალ „ნიუ საიენტისტში“.
ავიაციის ინჟინერმა აბელ ვარგასმა და მისმა კოლეგებმა აღნიშნეს, რომ „სწორედ ნემსიყლაპიას ფრთებზე დაკვირვებით შეიქმნა უპილოტო მფრინავი აპარატი“. ამ პატარა ზომის მფრინავ რობოტზე დამონტაჟებულია კამერა ან სხვა მოწყობილობა, რომლის მეშვეობითაც ადგენენ სახიფათო ზონაში ჰაერის დაბინძურების ხარისხს.
რას ფიქრობთ? ნემსიყლაპიას სიფრიფანა, ბადისებრ დაძარღვული ფრთების აგებულება შემთხვევითობას უნდა მივაწეროთ თუ შემოქმედის დამსახურებაა?
[სურათი 25 გვერდზე]
უპილოტო მფრინავი აპარატი იწონის 120 მილიგრამს, 6 სანტიმეტრი სიგანისაა და აქვს ძალიან თხელი კრემნიუმის ფრთები, რომლებიც ელექტრული მუხტით მოძრაობს
[საავტორო უფლება]
© Philippe Psaila/Photo Researchers, Inc.