ვინ შექმნა?

ფრინველის კვერცხი

● ფრინველის კვერცხზე ამბობენ, სასწაულებრივად არისო შეფუთული. გაინტერესებთ რატომ?

დაფიქრდით: ერთი შეხედვით კვერცხის ნაჭუჭი მყარი ჩანს, სინამდვილეში კი კალციუმით მდიდარ ნაჭუჭს შეიძლება 8 000-მდე მიკროსკოპული ფორა ჰქონდეს. ეს კი კვერცხში ჟანგბადის თავისუფლად შესვლისა და იქიდან ნახშირორჟანგის გამოსვლის საშუალებას იძლევა, რაც ემბრიონს სუნთქვაში ეხმარება. ნაჭუჭისა და რამდენიმე გარსის წყალობით ემბრიონი დაცულია ინფექციებისგან, რადგან მასში ვერ აღწევენ ბაქტერიები. ჟელესმაგვარი ნივთიერება ალბუმინი, რომელშიც წყლის მაღალი შემცველობაა, კვერცხს გარე ზემოქმედებისგან იცავს.

მეცნიერები ფიქრობენ, კვერცხის სტრუქტურაზე დაკვირვებით გამოიყვანონ ისეთი პროდუქცია, მაგალითად, ხილის ესა თუ ის სახეობა, რომელიც გარეგან ზემოქმედებას უკეთესად გაუძლებს და დაცული იქნება ბაქტერიებისა და პარაზიტებისგან. თუმცა მარიანე ბოტა დინერი ჟურნალ „ვივაიში“ ამბობს, რომ „არ არის ადვილი, მიჰბაძო ბუნებას“. უფრო მეტიც, მისი თქმით, მეცნიერების მცდელობები, საბოლოო ჯამში, გარემოს აზიანებს.

რას ფიქრობთ? საოცრად შეფუთული ფრინველის კვერცხი შემთხვევითობის წყალობით გაჩნდა, თუ ვინმეს შემოქმედების ნაყოფია?

[დიაგრამა 28 გვერდზე]

(სრული ტექსტი იხილეთ პუბლიკაციაში)

რა ხდება კვერცხის შიგნით

ნაჭუჭი

ყვითრი

ხალაზა (გულის „ღუზა“)

გარე გარსი

შიდა გარსი

ჩანასახის დისკო (აქედან ვითარდება ემბრიონის ჩანასახი)

თხელი ალბუმინი

სქელი ალბუმინი

საჰაერო საკანი