სიბრძნე, რომელიც გვიცავს

მართალია, სიმდიდრეში ცუდი არაფერია, მაგრამ მას პრობლემების მოტანაც შეუძლია, განსაკუთრებით ამ მშფოთვარე დროში (2 ტიმოთე 3:1—5). ზოგ ქვეყანაში, მდიდრები, მათ შორის ტურისტები, რომლებიც მდიდარი ადამიანების შთაბეჭდილებას ტოვებენ, შეიძლება ქურდებისა და გამტაცებლების სამიზნე გახდნენ.

საინფორმაციო საშუალებები ერთი განვითარებადი ქვეყნის შესახებ წერდა: „ყაჩაღობა, თაღლითობა და ადამიანის გატაცება მდიდრებსა და ღარიბებს შორის მტრობას აღვივებს. რესტორნებს შეიარაღებული დაცვა ჰყავს; მდიდრების სახლები მავთულხლართებიანი გალავნებით არის გარშემორტყმული და განათებულია პროჟექტორებით; დამონტაჟებულია ვიდეო კამერები და ჰყავთ დაცვა“. მსგავსი სიტუაცია ბევრ ქვეყანაში შეინიშნება.

ღარიბებზე კი ბიბლია ამბობს: „ტკბილია მსახურის ძილი“. როგორ დაგვიცავს ამ ბრძნული სიტყვების გათვალისწინება? თუ თქვენს ტერიტორიაზე არცთუ ისე იშვიათად ხდება ძალადობა და დანაშაული ან თუ რომელიმე ასეთ ქვეყანაში მიემგზავრებით, ნუ მიიპყრობთ მძარცველების ყურადღებას თქვენი მდიდრული გარეგნობით. როცა გარეთ გადიხართ, კარგად დაფიქრდით, რას ჩაიცვამთ ან გაიკეთებთ, განსაკუთრებით მაშინ, თუ ძვირფასი ნივთები გაქვთ. იგავების 22:3-ში ნათქვამია: „წინდახედული ხედავს უბედურებას და იმალება, გამოუცდელი კი გაივლის და სასჯელს დაიტეხს თავს“.

ბიბლიიდან, ამ ღვთიური სიბრძნიდან, აშკარად ჩანს, რომ შემოქმედი ზრუნავს ჩვენზე და მას სურს, რომ ცუდი არაფერი დაგვემართოს. ასეთი „სიბრძნე იცავს კაცს“, — ნათქვამია ეკლესიასტეს 7:12-ში, — რადგან „სიცოცხლეს უნარჩუნებს მის მქონეთ“.