შესავალი

ბედნიერი ოჯახის 12 საიდუმლო

დღეს ბევრს მსჯელობენ იმაზე, თუ რა იწვევს ოჯახების ნგრევას. მაგრამ საინტერესოა, მათი ბედნიერების საიდუმლო რა არის, ვისაც მტკიცე ოჯახები აქვთ?

• საქართველოს სტატისტიკის ეროვნული სამსახურის მონაცემებით, 1995—2014 წლებში 5-ჯერ გაიზარდა განქორწინებათა რიცხვი იმ წყვილებს შორის, რომლებიც 20 წელზე მეტი ხნის დაქორწინებულები იყვნენ.

• მშობლები გაურკვევლობაში არიან, რადგან ზოგი სპეციალისტის აზრით, შვილების გამუდმებით შექებაა საჭირო, ზოგი კი მკაცრი აღზრდის მომხრეა.

• ახალგაზრდები სრულწლოვანებას ისე აღწევენ, რომ არ არიან მომზადებული დამოუკიდებელი ცხოვრებისთვის.

მაგრამ ერთი რამ დაბეჯითებით შეგვიძლია ვთქვათ:

• დაქორწინებულ წყვილებს შეუძლიათ ბედნიერები იყვნენ და მათი კავშირი მუდმივი იყოს.

• მშობლებს შეუძლიათ შვილები ისე აღზარდონ, რომ არც სიყვარული და რჩევა-დარიგება მოაკლონ და, საჭიროების შემთხვევაში, დასაჯონ კიდეც.

• ახალგაზრდებს შეუძლიათ საჭირო უნარ-ჩვევები შეიძინონ, რომლებიც მაშინ გამოადგებათ, როცა სრულწლოვანების ასაკს მიაღწევენ.

„გამოიღვიძეთ!“-ის ამ ნომერში განიხილება, რა არის ბედნიერი ოჯახის 12 საიდუმლო.