საგუშაგო კოშკის ᲝᲜᲚᲐᲘᲜ ᲑᲘᲑᲚᲘᲝᲗᲔᲙᲐ
საგუშაგო კოშკი
ᲝᲜᲚᲐᲘᲜ ᲑᲘᲑᲚᲘᲝᲗᲔᲙᲐ
ქართული
  • ᲑᲘᲑᲚᲘᲐ
  • ᲞᲣᲑᲚᲘᲙᲐᲪᲘᲔᲑᲘ
  • ᲨᲔᲮᲕᲔᲓᲠᲔᲑᲘ
  • g25 № 1 გვ. 14-15
  • მომავალს იმედის თვალით უყურეთ

ვიდეო არ არის ხელმისაწვდომი.

ბოდიშს გიხდით, ვიდეოს ჩამოტვირთვა ვერ მოხერხდა.

  • მომავალს იმედის თვალით უყურეთ
  • გამოიღვიძეთ! – 2025
  • ქვესათაურები
  • მსგავსი მასალა
  • ᲠᲐᲢᲝᲛ ᲣᲜᲓᲐ ᲕᲣᲧᲣᲠᲝᲗ ᲛᲝᲛᲐᲕᲐᲚᲡ ᲘᲛᲔᲓᲘᲡ ᲗᲕᲐᲚᲘᲗ
  • ᲠᲘᲡᲘ ᲒᲐᲙᲔᲗᲔᲑᲐ ᲨᲔᲒᲘᲫᲚᲘᲐᲗ
  • ᲠᲐ ᲐᲠᲘᲡ ᲦᲕᲗᲘᲡ ᲡᲐᲛᲔᲤᲝ ᲓᲐ ᲠᲐᲡ ᲒᲐᲐᲙᲔᲗᲔᲑᲡ?
  • სად ვიპოვოთ იმედი?
    პასუხები ბიბლიურ კითხვებზე
  • ბიბლია მომავლის იმედს გვისახავს
    იხარეთ ცხოვრებით მარადიულად! — ბიბლიის სასწავლო კურსი
  • ბიბლია მომავლის იმედს გვისახავს
    იხარეთ ცხოვრებით მარადიულად! — ბიბლიის სასწავლო კურსის შესავალი გაკვეთილები
  • უკეთესი მომავლის რეალური იმედი
    სხვადასხვა
იხილეთ მეტი
გამოიღვიძეთ! – 2025
g25 № 1 გვ. 14-15
პიკნიკზე ოჯახი ულამაზესი ხედით ტკბება.

ᲤᲐᲡᲔᲑᲘᲡ ᲖᲠᲓᲐ – ᲠᲝᲒᲝᲠ ᲒᲐᲕᲐᲠᲗᲕᲐᲗ ᲗᲐᲕᲘ

მომავალს იმედის თვალით უყურეთ

თქვენს შემთხვევაშიც ხომ არ ხდება ისე, რომ ფასების ზრდის გამო ხელფასი თვიდან თვემდე აღარ გყოფნით? ხომ არ გაღელვებთ იმაზე ფიქრი, როგორ გაიტანთ თავს ან რით არჩენთ ოჯახს? ამის გამო შეიძლება მომავლის შიში დაგეუფლოთ. თუმცა ურთულეს მდგომარეობაშიც იმედს შეუძლია ცხოვრების გაგრძელების ძალა მოგცეთ.

ᲠᲐᲢᲝᲛ ᲣᲜᲓᲐ ᲕᲣᲧᲣᲠᲝᲗ ᲛᲝᲛᲐᲕᲐᲚᲡ ᲘᲛᲔᲓᲘᲡ ᲗᲕᲐᲚᲘᲗ

იმედი უბრალოდ ოპტიმისტური განწყობა როდია. ის ადამიანს იმის ძალას მატებს, რომ მოცემულ სიტუაციაში თავისი შესაძლებლობის მაქსიმუმი გააკეთოს. კვლევები ადასტურებს, რომ ადამიანი, რომელსაც მომავლის იმედი აქვს, . .

  • უფრო ამტანია.

  • ადვილად ერგება შექმნილ სიტუაციას.

  • ცხოვრების ისეთ წესს ირჩევს, რომელიც მის ჯანმრთელობაზეც კარგად აისახება და მის ბედნიერებასაც უწყობს ხელს.

ᲠᲘᲡᲘ ᲒᲐᲙᲔᲗᲔᲑᲐ ᲨᲔᲒᲘᲫᲚᲘᲐᲗ

გაეცანით ბიბლიაში ჩაწერილ პრაქტიკულ რჩევებს. ბიბლიაში ისეთი რჩევებია მოცემული, რომლებიც სხვადასხვა რთულ სიტუაციასთან გამკლავებაში გვეხმარება, მათ შორის ფასების ზრდასთან. ეს რჩევები იმაშიც გვეხმარება, რომ პრობლემების პირისპირ უსუსურობის განცდა არ დაგვეუფლოს და მომავალშიც გავართვათ თავი წამოჭრილ სირთულეებს.

„ჭკუა დაგიფარავს და გამჭრიახობა დაგიცავს“ (იგავები 2:11).


გაიგეთ, რა არის ნათქვამი ბიბლიაში მომავალზე. თუ საკუთარ თავზე გამოცდით, რამდენად პრაქტიკულია ბიბლიური რჩევები, შეიძლება იმის სურვილიც გაგიჩნდეთ, რომ გაიგოთ, რა არის მასში ნათქვამი მომავალზე. მაგალითად, ბიბლიიდან გაიგებთ, რომ ღმერთს უნდა, მომავლის იმედი გქონდეთ. იმასაც შეიტყობთ, რა გააკეთა საიმისოდ, რომ ეს იმედი საფუძვლიანი იყოს (იერემია 29:11). რა გვაძლევს იმის გარანტიას, რომ ის, რის იმედსაც ღმერთი გვისახავს, რეალობად იქცევა? ეს ღვთის სამეფოა.

ᲠᲐ ᲐᲠᲘᲡ ᲦᲕᲗᲘᲡ ᲡᲐᲛᲔᲤᲝ ᲓᲐ ᲠᲐᲡ ᲒᲐᲐᲙᲔᲗᲔᲑᲡ?

ღვთის სამეფო ზეციერი ხელისუფლებაა, რომელიც მთელ დედამიწაზე იმმართველებს (დანიელი 2:44; მათე 6:10). მისი მმართველობის დროს წერტილი დაესმება ადამიანთა ტანჯვას და სიღარიბეს. იმ დროს ყველა მშვიდობიანად იცხოვრებს და ყველაფერი ექნებათ, რაც ბედნიერებისთვისაა საჭირო. ამას შემდეგი ბიბლიური მუხლებიდან ვხედავთ:

„ბედნიერი იქნები და სიკეთე არ მოგაკლდება!“ (ფსალმუნი 128:2).

„[ღვთის სამეფოს ქვეშევრდომები] ტყუილუბრალოდ არ გაირჯებიან“ (ესაია 65:23).

„უხვად იქნება მარცვლეული დედამიწაზე“ (ფსალმუნი 72:16).

ამ დაპირებების მილიონობით ადამიანს სჯერა, რადგან ისინი დარწმუნებული არიან, რომ ღმერთმა „შეუძლებელია იცრუოს“ (ტიტე 1:2). კარგი იქნება, თუ თავადაც გაეცნობით ამ წიგნს და თქვენც დარწმუნდებით ამაში. ბიბლიური იმედი დაგეხმარებათ, გქონდეთ ფინანსურ სირთულეებთან საბრძოლველად საჭირო შინაგანი ძალა და მომავალიც არ გაშინებდეთ.

რამაზი

„ბიბლიური იმედი მარწმუნებს, რომ მსოფლიოში არსებული ქაოსური მდგომარეობა დროებითია. მართალია, ეკონომიკური სიტუაცია დღითი დღე უარესდება, მაგრამ ამაზე ფიქრი ძალას მმატებს და შინაგან სიმშვიდეს მაძლევს“ (რამაზი, საქართველო).

ᲒᲐᲘᲒᲔᲗ ᲛᲔᲢᲘ

ნამდვილად სანდოა ის, რასაც ბიბლიაში მომავალთან დაკავშირებით ვკითხულობთ? ამაში jw.org-ზე განთავსებული ვიდეოები დაგარწმუნებთ: „რატომ არის ბიბლია სანდო წიგნი?“ და „რა არის ღვთის სამეფო?“.

ქალი წიგნების თაროდან ბიბლიას იღებს.
    ქართული პუბლიკაციები (1992—2026)
    გამოსვლა
    შესვლა
    • ქართული
    • გაზიარება
    • პარამეტრები
    • Copyright © 2025 Watch Tower Bible and Tract Society of Pennsylvania
    • ვებგვერდით სარგებლობის წესები
    • კონფიდენციალურობის პოლიტიკა
    • უსაფრთხოების პარამეტრები
    • JW.ORG
    • შესვლა
    გაზიარება