ნაწილი 1
ნამდვილად ზრუნავს თუ არა ღმერთი ჩვენზე?
1, 2. როგორ კითხვას სვამენ ადამიანები ღმერთის შესახებ და რატომ?
ოდესმე, შენი სიცოცხლის მანძილზე, შესაძლოა, დაგბადებია კითხვა: „თუკი არსებობს ღმერთი, რომელიც ნამდვილად ზრუნავს ჩვენზე, რატომ დაუშვა ამდენი ტანჯვა-წამება?“ ყოველ ჩვენგანს განუცდია მტანჯველი გრძნობები, ან იცნობს ისეთ ადამიანს, ვისთვისაც უცხო არ არის ყოველივე ეს.
2 დიახ, მთელი ისტორიის მანძილზე ხალხი იტანჯებოდა სულიერი და ფიზიკური ტკივილების გამო, რომელიც გამოწვეული იყო ომებით, სისასტიკით, დანაშაულობებით, უსამართლობით, სიღატაკით, ავადმყოფობებითა და ახლობლების სიკვდილით. მხოლოდ ჩვენს XX საუკუნეში ომებს შეეწირა 100 მილიონზე მეტი ადამიანი. გარდა ამისა, ასობით მილიონი დაიჭრა, ან დარჩა თავშესაფრისა და ქონების გარეშე. ამჟამად იმდენი საშინელება ხდება, რომ ურიცხვი ადამიანი მიეცა ღრმა მწუხარებას, ცრემლებსა და სასოწარკვეთილებას.
3, 4. რას გრძნობს ადამიანთა უმრავლესობა იმის გამო, რომ ღმერთი უშვებს ბოროტებას?
3 ზოგიერთი გამწარებულია და მიაჩნია, რომ თუ ღმერთი არსებობს, ის არ ზრუნავს ჩვენზე. ისინი იმასაც კი ფიქრობენ, რომ ღმერთი საერთოდ არ არსებობს. მაგალითად, პირველი მსოფლიო ომის დროს დაზარალებულმა მამაკაცმა, რომელსაც ეთნიკური დევნის გამო დაეღუპა მეგობრები და ოჯახის წევრები, იკითხა: „სად იყო ღმერთი, როცა ჩვენ ვსაჭიროებდით მას?“ სხვა მამაკაცი, რომელიც გადაურჩა მეორე მსოფლიო ომის დროს ნაცისტების მიერ მილიონობით ადამიანის განადგურებას, უამრავი ტანჯვის გამო იმდენად იყო დამწუხრებული, რომ თქვა: „თქვენ რომ შეგეძლოთ ჩემი გულის ალოკვა — მოიწამლებოდით“.
4 მრავალი ადამიანისთვის გაუგებარია, თუ რატომ უნდა დაეშვა სამართლიან ღმერთს ბოროტება. ისინი დაეჭვებულნი არიან, რომ ღმერთი ნამდვილად ზრუნავს ჩვენზე, ან საერთოდ თუ არსებობს ის. მრავალ მათგანს მიაჩნია, რომ ტანჯვა-წამება ყოველთვის იქნება კაცობრიობის ცხოვრების ნაწილი.
თუ სხვანაირად არ არის მითითებული ამ ბროშურაში ებრაული წერილებიდან ციტირებული ტექსტი აღებულია ბიბლიიდან „საქართველოს საპატრიარქოს გამოცემა, 1989“. ციტატები ქრისტიანულ-ბერძნული წერილებიდან კი აღებულია წიგნიდან „ახალი აღთქმა და ფსალმუნი“ (სტოკჰოლმის გამოცემა, ბიბლიის თარგმნის ინსტიტუტი, 1990), თუ ციტატას მოყვება შემოკლება აქ, ეს მიუთითებს, რომ ციტატები გადათარგმნილია ინგლისურ ენაზე გამოცემული ბიბლიიდან „საღვთო წერილის ახალი ქვეყნიერების თარგმანი — სქოლიოებით“.
[სურათი 2, 3 გვერდებზე]
ახლოსაა თუ არა, ტანჯვა–წამებისგან გათავისუფლებული ახალი ქვეყნიერება?