იეჰოვას მოწმეების მსოფლიო მთავარი სამმართველო — ილუსტრაციები

იეჰოვას მოწმეების მსოფლიო მთავარი სამმართველო

[სურათი 352, 353 გვერდებზე]

1909 წლიდან იეჰოვას მოწმეთა მსოფლიო საქმიანობას ხელმძღვანელობა ეწევა ბრუკლინიდან (ნიუ-იორკი, აშშ). 1980 წლიდან ამ შენობებში განთავსებულია მთავარი სამმართველოს ოფისები

[სურათი 352 გვერდზე]

საზოგადოება „საგუშაგო კოშკის“ საგანმანათლებლო ცენტრი პატერსონში (ნიუ-იორკის შტატი) (1992 წლისთვის მშენებლობა ჯერ კიდევ მიმდინარეობდა)

[სურათები 353 გვერდზე]

ზოგიერთი შენობა, რომლებშიც მსოფლიო მთავარ სამმართველოში მომსახურე ათასობით მოხალისე ცხოვრობს

[სურათები 354 გვერდზე]

ბრუკლინში ყოფილი სასტუმროები გადაკეთდა საცხოვრებელ სახლებად, რომლებშიც 1 476 მოხალისე ცხოვრობს

[სურათები 354 გვერდზე]

საცხოვრებელი შენობები ბეთელის ოჯახისთვის უოლკილში (ნიუ-იორკის შტატი)

[სურათები 354, 355 გვერდებზე]

ამ სტამბებში (ბრუკლინი, ნიუ-იორკი) 180 ენაზე იბეჭდება ბიბლიები, წიგნები და ბროშურები მთელ მსოფლიოში გასავრცელებლად

[სურათები 356 გვერდზე]

ბრუკლინში მდებარე ამ შენობაში ყოველ წელს მზადდება მილიონობით აუდიოკასეტა, რომლებიც ბიბლიურ ინფორმაციას შეიცავს. აქედანვე ხდება მათი ტრანსპორტირება. ყოველ წელს დედამიწის სხვადასხვა კუთხეში იგზავნება 15 000 ტონაზე მეტი ბიბლიური ლიტერატურა და სხვა ტვირთი

[სურათები 356 გვერდზე]

საზოგადოება „საგუშაგო კოშკის“ ფერმებთან (უოლკილთან ახლოს, ნიუ-იორკის შტატი) არსებულ ამ სტამბაში ყოველ წელს იბეჭდება „საგუშაგო კოშკისა“ და „გამოიღვიძეთ!“-ის ასობით მილიონი ეგზემპლარი 14 ენაზე

იეჰოვას მოწმეებს მსოფლიოს სხვადასხვა ნაწილში აქვთ ოფისები და სტამბები. ბევრი მათგანის სურათი განთავსებულია მომდევნო გვერდებზე. ის ფილიალები, რომლებიც 1992 წლისთვის ჯერ კიდევ შენდებოდა, არქიტექტურული პროექტების სახით არის წარმოდგენილი. აქ მოყვანილია 1992 წლის სტატისტიკური მონაცემები.

ჩრდილოეთი ამერიკა და ვესტინდოეთი

ალასკა

[სურათი 357 გვერდზე]

ორგანიზაციის ფილიალში სტუმრებს გულთბილად ხვდებიან. ალასკაზე, ისევე როგორც მთელ მსოფლიოში, იეჰოვას მოწმეები კარდაკარ ქადაგებენ მიუხედავად იმისა, რომ ჰაერის ტემპერატურა აქ ზოგჯერ -50 გრადუსამდე ეცემა.

[სურათი 357 გვერდზე]

თვითმფრინავი, რომლითაც სამეფოს მაუწყებლები ამ ტერიტორიის მიუვალ ადგილებში მიდიან

ბაჰამის კუნძულები

[სურათი 357 გვერდზე]

საზოგადოება „საგუშაგო კოშკის“ ლიტერატურა ბაჰამის კუნძულებზე პირველად 1901 წლისთვის ჩაიტანეს. 1926 წელს აქ რეგულარულად დაიწყეს ქადაგება. 1992 წლამდე ამ კუნძულებზე, რომლებსაც ეს ფილიალი უწევს ზედამხედველობას, 4 600 000-ზე მეტი ბიბლიური პუბლიკაცია გავრცელდა.

ბარბადოსი

[სურათები 358 გვერდზე]

ბარბადოსზე 140-ზე მეტი რელიგიური ჯგუფია, რომლებიც თავს ქრისტიანებად აცხადებენ. 1905 წლიდან იეჰოვას მოწმეები ეხმარებიან ადგილობრივებს, საკუთარი თვალით ნახონ, რას ამბობს ბიბლია.

ბელიზი

[სურათები 358 გვერდზე]

ბელიზის მოსახლეობის დაახლოებით ნახევარი სოფლებში ცხოვრობს. ზოგ დაშორებულ სოფლამდე რომ მიაღწიონ, იეჰოვას მოწმეები ყოველ წელს ფეხით მიდიან იქ ზურგჩანთებითა და ხელჩანთებით.

კოსტა-რიკა

[სურათი 358 გვერდზე]

ორგანიზაციის ფილიალი კოსტა-რიკაში 1944 წელს დაარსდა. 1950-იანი წლებიდან მოყოლებული ამ ქვეყანაში ათასობით ადგილობრივი მოწმე უზიარებს სხვებს ჭეშმარიტებას.

დომინიკელთა რესპუბლიკა

[სურათები 359 გვერდზე]

საზოგადოება „საგუშაგო კოშკის“ მიერ გამოცემული ლიტერატურა აქ 1932 წლიდან ვრცელდება. თუმცა ბიბლიის შესწავლების ჩატარება 1945 წელს დაიწყეს, როდესაც ქვეყანაში მისიონერები ჩავიდნენ (მარცხნივ). 1992 წლამდე რამდენიმე წლის განმავლობაში ათიათასობით ადამიანმა გამოთქვა იეჰოვას მოწმეებთან ბიბლიის შესწავლის სურვილი, ამიტომ ამ ახალი ფილიალის მშენებლობა გახდა საჭირო.

სალვადორი

[სურათები 359 გვერდზე]

სასიხარულო ცნობა აქ პირველად 1916 წელს იქადაგეს. თუმცა პირველი ადამიანი სალვადორში 1945 წელს მოინათლა (მარჯვნივ). მას შემდეგ ათასობით სალვადორელი გახდა იეჰოვას მსახური.

გვადელუპა

[სურათები 359 გვერდზე]

ამ ფილიალის ზედამხედველობაში მყოფ ტერიტორიაზე მაუწყებლების მოსახლეობასთან შეფარდება ერთ-ერთი საუკეთესოა მთელ მსოფლიოში. გვადელუპაში ბევრი მადლიერებით ეხმაურება სასიხარულო ცნობას.

კანადა

[სურათი 360, 361 გვერდებზე]

ორგანიზაციის ეს ფილიალი ზედამხედველობას უწევს სასიხარულო ცნობის ქადაგებას კანადაში, რომელიც მსოფლიოში სიდიდით მეორე ქვეყანაა. აქ 100 000-ზე მეტი სამეფოს მაუწყებელი ქადაგებს.

ადმინისტრაციული შენობა (ნაწილობრივ ფარავს ფილიალის კომპლექსის სურათს)

[სურათი 360 გვერდზე]

ჩრდილო-დასავლეთი ტერიტორიები

ხე-ტყის დამმუშავებელი დასახლებები (ბრიტანეთის კოლუმბიის პროვინცია)

[სურათი 360 გვერდზე]

საქონლის ფერმები (ალბერტის პროვინცია)

[სურათი 361 გვერდზე]

ფრანგულენოვანი კვებეკის პროვინცია

[სურათი 361 გვერდზე]

ოკეანისპირა პროვინციები

გვატემალა

[სურათები 360 გვერდზე]

თუმცა გვატემალაში ოფიციალური ენა ესპანურია, აქ ამერიკელ ინდიელთა მრავალ რთულ ენაზეც ლაპარაკობენ. ორგანიზაციის ფილიალი ძალ-ღონეს არ იშურებს, რომ ღვთის სამეფოს შესახებ სასიხარულო ცნობის მოსმენა თითოეულს თავის ენაზე შეეძლოს.

ჰაიტი

[სურათები 361 გვერდზე]

მძიმე პირობების მიუხედავად, ჰაიტიზე მოწმეები სიხარულით ემსახურებიან იეჰოვას.

ჰონდურასი

[სურათები 362 გვერდზე]

1916 წლიდან მოყოლებული 1992 წლამდე ადგილობრივთა ბიბლიურ სწავლებას 23 000 000-ზე მეტი საათი დაეთმო. როგორც ამ სურათიდან ჩანს, ზოგჯერ იეჰოვას მოწმეები ადგილობრივებს წერა-კითხვასაც ასწავლიდნენ, რათა მათ დამოუკიდებლად შესძლებოდათ ღვთის სიტყვის შესწავლა.

იამაიკა

[სურათები 362 გვერდზე]

ათასობით იამაიკელმა მიუძღვნა თავი იეჰოვას, როცა ზეციერი სამეფოს მომავალი მემკვიდრეების შეკრება ხდებოდა. 1935 წლიდან მოყოლებული ღვთის სამეფოს შესახებ სასიხარულო ცნობის ქადაგებაში მათ ათასობით სხვა ადამიანი შეუერთდა. ეს ფილიალი მათი სულიერი მოთხოვნილებების დასაკმაყოფილებლად აშენდა.

ქარზურგა კუნძულები (ანტიგუა)

[სურათი 362 გვერდზე]

კუნძულებზე, რომელთაც ეს ფილიალი უწევს ზედამხედველობას, სასიხარულო ცნობა პირველად 1914 წელს იქადაგეს. მას შემდეგ დედამიწის ამ კუთხეში გამუდმებით გაისმის მოწოდება: „მსურველმა უსასყიდლოდ აიღოს სიცოცხლის წყალი“ (გამოცხ. 22:17).

მექსიკა

[სურათი 363 გვერდზე]

1992 წელს მექსიკაში იეჰოვას მოწმეებმა ამ ბიბლიურ- საგანმანათლებლო ცენტრის აშენება დაიწყეს

[სურათები 363 გვერდზე]

ამ შენობაში 1992 წელს ოფისები იყო განთავსებული

აქ დაბეჭდილი ბიბლიური ლიტერატურა განკუთვნილია მექსიკასა და ახლომდებარე ესპანურენოვან ქვეყნებში მცხოვრები 410 000-ზე მეტი გულმოდგინე მოწმისთვის

[სურათი 363 გვერდზე]

1986—1992 წლებში მოწმეების მიერ მსოფლიოში ჩატარებული ბიბლიის შესწავლების 10 პროცენტზე მეტი მექსიკაზე მოდიოდა; შესწავლას ხშირად მთელ ოჯახთან ატარებდნენ

[სქემა 363 გვერდზე]

(სრული ტექსტი იხილეთ პუბლიკაციაში)

ბიბლიის შესწავლები მექსიკაში

500 000

250 000

1950 1960 1970 1980 1992

მარტინიკა

[სურათები 364 გვერდზე]

ჭეშმარიტების თესლი აქ 1946 წელს ჩაითესა. 1954 წელს აქ საფრანგეთიდან ჩავიდნენ ქსავიე და სარა ნოლები (მარჯვნივ), რომლებმაც შეძლეს გამოვლენილი ინტერესის შენარჩუნება და გაღვივება. 1992 წლისთვის მათთან ერთად სამეფოს შესახებ ცნობას უკვე 3 200-ზე მეტი მარტინიკელი ქადაგებდა.

ნიდერლანდის ანტილის კუნძულები (კიურასაო)

[სურათები 364 გვერდზე]

ტერიტორიაზე, რომელსაც კიურასაოში მდებარე ფილიალი უწევს ზედამხედველობას, 23 მისიონერი მსახურობდა. ეს წყვილი (ქვემოთ) 1946 წელს ჩავიდა კუნძულზე და 1992 წლისთვის ჯერ კიდევ იქ მსახურობდა.

ნიკარაგუა

[სურათი 364 გვერდზე]

1945 წელს მისიონერების ჩასვლის შემდეგ ნიკარაგუაში მოწმეთა რიცხვმა ზრდა დაიწყო. 1992 წლისთვის იქ უკვე 9 700-ზე მეტი მოწმე იყო. იეჰოვას მოწმეებთან ბიბლიის შესწავლის მსურველები 1992 წლისთვის ადგილობრივ მოწმეებზე მეტნი იყვნენ.

პანამა

[სურათები 365 გვერდზე]

მე-19 საუკუნის მიწურულიდან პანამელებს მარადიული სიცოცხლისთვის ღვთის მოთხოვნების გაგებაში ეხმარებიან.

პუერტო-რიკო

[სურათი 365 გვერდზე]

1930 წლიდან მოყოლებული პუერტო-რიკოში გავრცელდა ბიბლიური ლიტერატურის 83 000 000-ზე მეტი ეგზემპლარი და დაინტერესებულთა დასახმარებლად 25 000 000 განმეორებითი მონახულება გაკეთდა. აქ ითარგმნება ბიბლიური ლიტერატურა, რომელიც მთელ მსოფლიოში დაახლოებით 350 000 000 ესპანურენოვანი ადამიანისთვის არის ხელმისაწვდომი.

ტრინიდადი

[სურათები 365 გვერდზე]

1912 წლისთვის ამ ქვეყანაში სასიხარულო ცნობის ქადაგება უკვე ინტენსიურად მიმდინარეობდა. უამრავმა მოწმემ, მათ შორის ამ დებმა, რომლებმაც სკოლა „გალაადის“ კურსი გაიარეს, მთელი თავიანთი დრო სამქადაგებლო საქმეს მიუძღვნეს.

სამხრეთი ამერიკა

არგენტინა

[სურათები 366 გვერდზე]

ამ ქვეყანაში სამეფოს მაუწყებელი პირველად 1924 წელს გაგზავნეს. მოგვიანებით სამქადაგებლო საქმიანობაში დიდი წვლილი შეიტანეს სკოლა „გალაადის“ კურსდამთავრებულმა მისიონერებმა. მათ შორის იყო ჩარლზ ეიზენჰაუერი (მარცხნივ), რომელიც ცოლთან ერთად იქ 1948 წელს ჩავიდა. 1992 წლისთვის არგენტინის ფილიალი ზედამხედველობდა და ბიბლიური ლიტერატურით ამარაგებდა 96 000-ზე მეტ იეჰოვას მოწმეს. აგრეთვე აქედან იგზავნებოდა ლიტერატურა ჩილეში მცხოვრები 44 000-ზე მეტი მოწმისთვის.

ბოლივია

[სურათები 367 გვერდზე]

ბოლივიელები სამეფოს შესახებ ცნობას 1924 წლიდან ისმენენ. ათასობით მათგანი მადლიერებით იღებს ბიბლიურ ლიტერატურას და მათთან რეგულარულად ტარდება ბიბლიის შესწავლა.

ჩილე

[სურათები 367 გვერდზე]

ჩილეში საზოგადოება „საგუშაგო კოშკის“ ლიტერატურა 1919 წელს გამოჩნდა. ეს ფილიალი ზედამხედველობას უწევს სამქადაგებლო საქმიანობას სამხრეთით ცხვრის რანჩოებიდან ჩრდილოეთით დაშორებულ მაღაროებამდე და ანდებიდან ოკეანემდე.

ეკვადორი

[სურათები 367 გვერდზე]

ეკვადორში სასიხარულო ცნობის ქადაგებაში დიდი წვლილი შეიტანა 870-ზე მეტმა მოწმემ (ორი მათგანი ნაჩვენებია სურათზე), რომლებმაც დატოვეს თავიანთი სამშობლო, რათა ექადაგათ იქ, სადაც მაუწყებლებზე დიდი მოთხოვნილება იყო. 1992 წლისთვის ეს ფილიალი ზედამხედველობდა იეჰოვას განმადიდებელ 22 000-ზე მეტ გულმოდგინე მსახურს.

ბრაზილია

[სურათები 368, 369 გვერდებზე]

1992 წლისთვის, როდესაც ორგანიზაციის ფილიალი, სტამბა და ბეთელის სახლი ამ ზომამდე გაფართოვდა, ბრაზილიაში იეჰოვას მოწმეების რიცხვმა 335 000-ს გადააჭარბა და ყოველ წელს 27 000-ზე მეტი ადამიანი ინათლებოდა. ამ სტამბაში აგრეთვე იბეჭდება ლიტერატურა ბოლივიისთვის, პარაგვაისა და ურუგვაისთვის.

[სურათები 369 გვერდზე]

ორი დიდი სტადიონი, რომლებიც 1990 წელს სან-პაულუში იეჰოვას მოწმეთა საერთაშორისო კონგრესისთვის გამოიყენეს. გარდა ამისა, ქვეყანაში 100-ზე მეტი კონგრესის ჩატარება დაიგეგმა

[სქემა 369 გვერდზე]

(სრული ტექსტი იხილეთ პუბლიკაციაში)

სამეფოს მაუწყებლები ბრაზილიაში

300 000

200 000

100 000

1950 1960 1970 1980 1992

გაიანა

[სურათები 368 გვერდზე]

გაიანაში ორგანიზაციის ფილიალი 1914 წლიდან არსებობს. მოწმეები ქვეყნის მიუვალ ადგილებშიც ქადაგებენ, რათა სხვებმაც შეძლონ სასიხარულო ცნობის მოსმენა. თუმცა გაიანას მოსახლეობა მილიონზე ნაკლებია, მოწმეებმა ამ ქვეყანაში 10 000 000-ზე მეტი საათი დაუთმეს ქადაგებასა და მოწაფეების მომზადებას.

პარაგვაი

[სურათები 369 გვერდზე]

1920-იანი წლების შუა პერიოდში სამქადაგებლო საქმიანობა უკვე მიმდინარეობდა პარაგვაიში. 1946 წლიდან ადგილობრივ მოწმეებს 112 მისიონერი შეუერთდა. იეჰოვას მოწმეები სხვა ქვეყნებიდანაც ჩავიდნენ მათ დასახმარებლად, რათა სასიხარულო ცნობას მიეღწია არა მხოლოდ ესპანურ და გუარანი ენებზე მოლაპარაკე ადამიანებამდე, არამედ სხვა ენობრივ ჯგუფებამდეც.

იაპონიიდან

კორეიდან

გერმანიიდან

კოლუმბია

[რუკა⁄სურათები 370, 371 გვერდებზე]

ჯერ კიდევ 1915 წელს საზოგადოება „საგუშაგო კოშკის“ პუბლიკაცია დაინტერესებულ მამაკაცს ფოსტით გაუგზავნეს კოლუმბიაში. 1992 წლისთვის ამ ფილიალში დაბეჭდილი ლიტერატურა გაიგზავნა 184 000-ზე მეტი მაუწყებლისთვის ეკვადორში, ვენესუელაში, კოლუმბიაში, პანამასა და პერუში.

[რუკა]

(სრული ტექსტი იხილეთ პუბლიკაციაში)

კოლუმბია

ეკვადორი

პანამა

პერუ

ვენესუელა

პერუ

[სურათი 370 გვერდზე]

პერუში ბიბლიური ლიტერატურა პირველად 1924 წელს გაავრცელა სტუმრად ჩასულმა ბიბლიის მკვლევარმა. პირველი კრება 21 წლის შემდეგ ჩამოყალიბდა. 1992 წლისთვის პერუში ღვთის სამეფოს შესახებ 43 000-ზე მეტი აქტიური მაუწყებელი ქადაგებდა.

[სურათი 370 გვერდზე]

პიონერები ქადაგებენ ანდებში

სურინამი

[სურათები 371 გვერდზე]

ბიბლიის შემსწავლელთა პირველი ჯგუფი აქ დაახლოებით 1903 წელს ჩამოყალიბდა. ეს ფილიალი იმისთვის არის საჭირო, რომ ზედამხედველობა გაუწიოს არა მხოლოდ ამ ქალაქში, არამედ მთელ ქვეყანაში დაშორებულ ტერიტორიებზე და ოლქებში არსებულ კრებებს.

ურუგვაი

[სურათები 372 გვერდზე]

1945 წლიდან აქ 80-მა მისიონერმა თავისი წვლილი შეიტანა სამეფოს ცნობის გაცხადებაში. სურათებზე ნაჩვენები ასაკოვანი დები 1950-იანი წლებიდან მსახურობენ ურუგვაიში. 1992 წლისთვის მათთან ერთად 8 600-ზე მეტი ადგილობრივი მოწმე მსახურობდა.

ვენესუელა

[სურათი 372 გვერდზე]

საზოგადოება „საგუშაგო კოშკის“ პუბლიკაციები ვენესუელაში 1920-იანი წლების შუა პერიოდიდან ვრცელდება. ათი წლის შემდეგ აქ ქადაგება დაიწყო შეერთებული შტატებიდან ჩასულმა დედა-შვილმა, რომლებიც პიონერებად მსახურობდნენ. ისინი ქადაგებდნენ დედაქალაქშიც და ქვეყნის სხვა ქალაქებშიც. 1992 წლისთვის ვენესუელაში 60 000-ზე მეტი აქტიური მოწმე მსახურობდა.

[სურათი 372 გვერდზე]

კორიდის არენა ვალენსიაში, სადაც 1988 წელს სპეციალურ კონგრესს 74 600 დელეგატი დაესწრო

ევროპა და ხმელთაშუა ზღვისპირეთი

ავსტრია

[სურათი 373 გვერდზე]

ჯერ კიდევ 1890-იან წლებში ზოგ ავსტრიელს შესაძლებლობა მიეცა, გამოხმაურებოდა სასიხარულო ცნობას. 1920-იანი წლებიდან მოყოლებული იეჰოვას განმადიდებელთა რიცხვი ამ ქვეყანაში ნელა, მაგრამ განუწყვეტლივ იზრდებოდა.

[სურათი 373 გვერდზე]

ავსტრიაში სამეფო დარბაზებში 270-ზე მეტი კრება იკრიბება

ბელგია

[სურათები 373 გვერდზე]

ბელგიაში სხვადასხვა ეროვნების ადამიანი ცხოვრობს. ქვეყნის მრავალენოვან მოსახლეობაზე რომ იზრუნოს, ფილიალი 100-ზე მეტ ენაზე გამოსცემს ლიტერატურას.

დიდი ბრიტანეთი

[სურათები 374 გვერდზე]

ეს ფილიალი ზედამხედველობას უწევს 125 000-ზე მეტი იეჰოვას მოწმის საქმიანობას. ბრიტანელი მოწმეები სასიხარულო ცნობას ქადაგებენ ევროპის სხვა ქვეყნებშიც, აგრეთვე აფრიკაში, სამხრეთ ამერიკაში, ავსტრალიაში, აზიაში და კუნძულებზე.

ბმსა-ს სახლი

„საგუშაგო კოშკის სახლი“

[სურათები 374 გვერდზე]

ბიბლიური ლიტერატურა აქ იბეჭდება ინგლისურ, მალტურ, გუჯარათულ და სუაჰილი ენებზე

[სურათი 374 გვერდზე]

სამსახურებრივი განყოფილება ზრუნავს ბრიტანეთში არსებულ 1 300-ზე მეტ კრებაზე

[სურათები 374 გვერდზე]

ლიტერატურას გზავნიან ინგლისის, შოტლანდიის, უელსის, ირლანდიისა და მალტის ყველა ნაწილში, აგრეთვე აფრიკისა და კარიბის ზღვის აუზის ზოგ ნაწილში

საფრანგეთი

[სურათები 375 გვერდზე]

მიუხედავად იმისა, რომ საზოგადოება „საგუშაგო კოშკის“ პუბლიკაციები ბევრ ქვეყანაში იბეჭდება ფრანგულენოვანი მაუწყებლებისთვის, მათი თარგმნა და ფოტოაწყობა მხოლოდ საფრანგეთის ფილიალში ხდება (მსოფლიოში ფრანგულ ენაზე 120 000 000-ზე მეტი ადამიანი ლაპარაკობს). ლიტერატურა აქ რეგულარულად იბეჭდება სხვადასხვა ენაზე და იგზავნება ევროპის, აფრიკის, ახლო აღმოსავლეთის, ინდოეთის ოკეანისა და წყნარი ოკეანის ქვეყნებში.

სტამბა და ადმინისტრაციული შენობა ლუვიეში

ადმინისტრაციული და საცხოვრებელი შენობა ბულონ-ბიიანკურში

თარგმნა

ფოტოაწყობა

[სურათი 375 გვერდზე]

Office/residence in Boulogne-Billancourt

[სურათი 375 გვერდზე]

საცხოვრებელი შენობა ბეთელის ოჯახისთვის ენკარვილში

გერმანია

[სურათები 376, 377 გვერდებზე]

თუმცა ნაცისტური რეჟიმის დროს გერმანიაში სასტიკად ცდილობდნენ იეჰოვას მოწმეების განადგურებას, მოწმეებმა არ დათმეს თავიანთი რწმენა. 1946 წლიდან მათ მთელ ქვეყანაში ბიბლიური ჭეშმარიტების გავრცელებას 646 000 000-ზე მეტი საათი დაუთმეს.

ფილიალი ზელტერსში (ტაუნუსი) გაფართოების შემდეგ

[სურათი 376 გვერდზე]

ზელტერსში (ტაუნუსი) მდებარე ამ ფილიალში ბიბლიურ ლიტერატურას გერმანულ ენაზე თარგმნიან და პუბლიკაციებს 40-ზე მეტ ენაზე ბეჭდავენ

[სურათი 377 გვერდზე]

აქ დაბეჭდილი ლიტერატურა რეგულარულად იგზავნება 20-ზე მეტ ქვეყანაში. ჟურნალები ბევრ ენაზე იბეჭდება და 30-ზე მეტ ქვეყანაში იგზავნება

[სურათი 377 გვერდზე]

გერმანიის ტერიტორიაზე ლიტერატურის გადასატანად ორგანიზაცია საკუთარ სატვირთო მანქანებს იყენებს

კვიპროსი

[სურათი 376 გვერდზე]

კვიპროსელებს სასიხარულო ცნობა იესო ქრისტეს სიკვდილის შემდეგ მალევე ექადაგათ (საქ. 4:32—37; 11:19; 13:1—12). ჩვენს დღეებში ამ კუნძულზე ქადაგება განახლდა და ამ ფილიალის ზედამხედველობით დღემდე მიმდინარეობს.

დანია

[სურათები 377 გვერდზე]

1890-იანი წლებიდან მოყოლებული დანიაში აქტიურად მიმდინარეობს ქადაგება. აქ იბეჭდება ბიბლიური ლიტერატურა არა მხოლოდ დანიურ, არამედ ფარერულ, გრენლანდიურ და ისლანდიურ ენებზე.

ასე გამოიყურება ფილიალი ზემოდან (მარჯვენა სურათზე ჩანს შესასვლელი)

იტალია

[სურათები 378, 379 გვერდებზე]

აქ ითარგმნება და იბეჭდება ბიბლიური ლიტერატურა იტალიურ ენაზე. ეს ფილიალი ბეჭდავს და კინძავს წიგნებს იტალიისთვის და ახლომდებარე ქვეყნებისთვის.

ფილიალის ხედები (რომთან ახლოს)

[სურათი 379 გვერდზე]

ათასობით ადამიანმა გაიგო, რას ამბობს ბიბლია სინამდვილეში, და იეჰოვას მოწმეთა შეხვედრებზე დასწრება დაიწყო

[სურათი 379 გვერდზე]

მიუხედავად იმისა, რომ რომის კათოლიკური ეკლესიის მხრიდან განუწყვეტლივ ხვდებოდნენ მტრულ დამოკიდებულებას, 1946 წლიდან იეჰოვას მოწმეებმა იტალიაში 550 000 000-ზე მეტი საათი მიუძღვნეს ხალხის მონახულებასა და მათთან ბიბლიურ საკითხებზე მსჯელობას. შედეგად, დღეს იტალიაში 194 000 იეჰოვას აქტიური თაყვანისმცემელია

ფინეთი

[სურათი 378 გვერდზე]

ფინეთში ჭეშმარიტება შვედეთიდან 1906 წელს შევიდა. მას შემდეგ ჭეშმარიტებამ ქვეყნის ყველა კუთხეს მიაღწია, ჩრდილოეთის პოლარულ წრესაც კი. ბევრმა ფინელმა გაიარა სკოლა „გალაადის“ კურსი, რათა საჭიროებისამებრ მსოფლიოს ნებისმიერ კუთხეში ემსახურათ. სხვებმა გადაწყვიტეს, გადასულიყვნენ იმ ქვეყნებში, სადაც ცოტა მაუწყებელი იყო.

ისლანდია

[სურათი 379 გვერდზე]

ისლანდიაში, სადაც დაახლოებით 260 000 ადამიანი ცხოვრობს, ბიბლიური ლიტერატურის 1 620 000-ზე მეტი ეგზემპლარი გავრცელდა, რათა ხალხს სიცოცხლის არჩევაში დახმარებოდნენ. 1992 წლისთვის აქ 260-ზე მეტი ადამიანი ემსახურებოდა ჭეშმარიტ ღმერთ იეჰოვას.

[სურათი 379 გვერდზე]

გიორგ ლინდალი, რომელიც 1929—1953 წლებში ისლანდიაში პიონერად მსახურობდა, თითქმის მთელი ამ დროის განმავლობაში ერთადერთი მოწმე იყო ქვეყანაში

საბერძნეთი

[სურათი 380 გვერდზე]

ერთ-ერთი პირველი, ვინც საბერძნეთში სასიხარულო ცნობა იქადაგა, მოციქული პავლე იყო (საქ. 16:9—14; 17:15; 18:1; 20:2). თუმცა საბერძნეთის მართლმადიდებლური ეკლესია მრავალი წლის მანძილზე სასტიკად დევნიდა იეჰოვას მოწმეებს, ამჟამად იქ 24 000-ზე მეტი იეჰოვას ერთგული მსახურია. ეს ფილიალი ათენის ჩრდილოეთით დაახლოებით 65 კილომეტრში მდებარეობს.

[სურათი 380 გვერდზე]

ქადაგება ათენში

[სურათი 380 გვერდზე]

ეს ფოტო გადაღებულია 1990 წელს მოწმეების წინააღმდეგ სამღვდელოების მიერ ორგანიზებული დემონსტრაციის დროს

ირლანდია

[სურათი 380 გვერდზე]

ირლანდიაში მრავალი წლის მანძილზე ძალიან ცოტა ადამიანი ეხმაურებოდა ბიბლიურ ცნობას. ხშირი იყო სამღვდელოების მხრიდან წინააღმდეგობა. თუმცა 100 წლის გულმოდგინე ქადაგების შემდეგ, ამ ქვეყანაში უხვი სულიერი მოსავლის აღება მიმდინარეობს.

ფილიალი დუბლინში

ორი და, რომლებიც დიდი ხნის მანძილზე მსახურობენ პიონერებად (ქადაგების დროს)

პოლონეთი

[სურათი 381 გვერდზე]

ეს ფილიალი ზრუნავს პოლონეთში 100 000-ზე მეტ მოწმეზე. 1938—1945 წლებში მათი საქმიანობა აკრძალული იყო, მაგრამ 1938 წლიდან მოწმეების რიცხვი, რომელიც 669-ს შეადგენდა, 1946 წლისთვის 6 994-მდე გაიზარდა. მიუხედავად იმისა, რომ 1950 წელს მოწმეების საქმიანობა კვლავ აიკრძალა, მათი რიცხვი 18 116-ს შეადგენდა, მაგრამ 1989 წელს აკრძალვის გაუქმებიდან მალევე მათი რიცხვი 91 000-ზე მეტი იყო.

[სურათები 381 გვერდზე]

წლების განმავლობაში პოლონელები პატარა კონგრესებს ტყეში ატარებდნენ; ამჟამად მათი კონგრესები ქვეყნის ყველაზე დიდ სტადიონებზე ტარდება, ზოგჯერ ერთდროულად რამდენიმეზეც კი

პოზნანი (1985 წელი)

ლუქსემბურგი

[სურათი 382 გვერდზე]

ლუქსემბურგი ევროპაში ერთ-ერთი ყველაზე პატარა ქვეყანაა. მაგრამ სამეფოს შესახებ ცნობას აქ უკვე დაახლოებით 70 წელია ქადაგებენ. ამაში დიდი წვლილი შეიტანეს მოწმეებმა საფრანგეთიდან, გერმანიიდან და შვეიცარიიდან, რომლებიც იქ მეორე მსოფლიო ომამდე ჩავიდნენ.

ნიდერლანდი

[სურათები 382 გვერდზე]

ფილიალი, რომელიც ემენში მდებარეობს, ზედამხედველობას უწევს 32 000-ზე მეტ გულმოდგინე მოწმეს ნიდერლანდში. ჰოლანდიურ ენაზე ყველა პუბლიკაციის თარგმნა ამ შენობებში ხდება. აქვე ხდება ბიბლიაზე დაფუძნებული ვიდეოკასეტების დამზადება ევროპულ ენებზე.

ნორვეგია

[სურათები 383 გვერდზე]

ასი წლის წინ ამერიკაში საცხოვრებლად გადასულმა ერთმა ნორვეგიელმა ბიბლიური ჭეშმარიტება გაიგო და შემდეგ სასიხარულო ცნობა თავის ქვეყანაში ჩაიტანა. მას შემდეგ იეჰოვას მოწმეები ისევ და ისევ აკითხავენ ნორვეგიის ყველა ნაწილში მცხოვრებთ, რათა ღვთის სამეფოს შესახებ ესაუბრონ.

პორტუგალია

[სურათი 383 გვერდზე]

ეს ფილიალი პორტუგალიაში მცხოვრები 40 000-ზე მეტი იეჰოვას მოწმის საქმიანობას უწევს ზედამხედველობას. ის აგრეთვე დიდ დახმარებას უწევს აფრიკის ქვეყნებს, რომლებსაც მჭიდრო კავშირი აქვთ პორტუგალიასთან

მთავრობასა და ვატიკანს შორის დადებული ხელშეკრულების შემდეგ პოლიცია მოწმეებს ათწლეულების მანძილზე აპატიმრებდა და მისიონერებს ქვეყნიდან აძევებდა. მაგრამ ქვეყანაში დარჩენილი მოწმეები კვლავაც იკრიბებოდნენ იეჰოვას თაყვანსაცემად, სხვებთან ქადაგებდნენ და რიცხობრივად იზრდებოდნენ. საბოლოოდ, 1974 წელს მათი საქმიანობა კანონით აღიარეს.

[სურათი 383 გვერდზე]

საერთაშორისო კონგრესი ლისაბონში, 1978 წელი

შვედეთი

[სურათი 383 გვერდზე]

უკვე 100 წელზე მეტია, რაც იეჰოვას მოწმეები შვედეთში ქადაგებენ. ბოლო ათი წლის მანძილზე მოწმეებმა ქადაგებას 38 000 000-ზე მეტი საათი დაუთმეს. ამჟამად იქ კრებები შვედურის გარდა 12 სხვა ენაზეც ტარდება.

აქ 70 ენაზე ინახება ლიტერატურა შვედეთში მცხოვრები მრავალი ეროვნების ადამიანის დასახმარებლად

ესპანეთი

[სურათი 384 გვერდზე]

ეს ფილიალი ზრუნავს ესპანეთში მცხოვრებ 92 000-ზე მეტ მოწმეზე. აქ იბეჭდება „საგუშაგო კოშკი“ და „გამოიღვიძეთ!“ ესპანეთისა და პორტუგალიისთვის. მიუხედავად იმისა, რომ კათოლიკური სამღვდელოება ყველანაირად ცდილობდა, სახელმწიფოს მეშვეობით შეეჩერებინა იეჰოვას მოწმეების საქმიანობა, მოწმეები 1916 წლიდან უზიარებენ ესპანელ ხალხს ბიბლიურ ჭეშმარიტებას. საბოლოოდ, 1970 წელს, როდესაც ესპანეთში იეჰოვას მოწმეების რიცხვი 11 000-ზე მეტი იყო, მათ კანონით აღიარება მოიპოვეს. მას შემდეგ მათი რიცხვი თითქმის რვაჯერ გაიზარდა.

ამჟამად მთელ ქვეყანაში 1 100-ზე მეტი კრება თავისუფლად ატარებს შეხვედრებს სამეფო დარბაზებში

შვეიცარია

[სურათი 384 გვერდზე]

საზოგადოება „საგუშაგო კოშკის“ ფილიალი შვეიცარიაში 1903 წლიდან არსებობს. ევროპაში ორგანიზაციის ერთ-ერთი პირველი სტამბები ამ ქვეყანაში იყო. მრავალი წლის მანძილზე თუნში მდებარე ეს ფილიალი ბევრი სხვა ქვეყნისთვისაც ბეჭდავდა ჟურნალებს.

აფრიკა

ბენინი

[სურათი 385 გვერდზე]

ბენინში დაახლოებით 60 ეთნიკური ჯგუფია, რომლებიც 50 დიალექტზე საუბრობენ. როდესაც ათასობით ადამიანმა მიატოვა ძველი რწმენა, შამანები და ქრისტიანი მღვდლები ძალიან განრისხდნენ. მაგრამ დევნების ტალღამ ვერ შეაჩერა ამ ქვეყანაში ჭეშმარიტი თაყვანისმცემლობის ზრდა.

[სურათი 385 გვერდზე]

კონგრესი 1990 წელს

ცენტრალური აფრიკის რესპუბლიკა

[სურათი 385 გვერდზე]

სამეფოს შესახებ ცნობის გავრცელებას აქ ჯერ კიდევ 1947 წლიდან ჩაეყარა საფუძველი. ერთი კაცი მოწმეების რამდენიმე შეხვედრას დაესწრო სხვა ქვეყანაში, რის შემდეგაც სხვებთან დაიწყო იქ მიღებული ცოდნის გაზიარება. მალე ჩამოყალიბდა ბიბლიის შემსწავლელთა ჯგუფი. მათ, ვინც ამ შეხვედრებზე დადიოდა, მალევე დაიწყეს ქადაგება. შედეგად, იეჰოვას თაყვანისმცემელთა რიცხვი გაიზარდა.

კოტ-დ’ივუარი

[სურათები 386 გვერდზე]

სკოლა „გალაადის“ კურსდამთავრებულებმა 1949 წელს დასავლეთ აფრიკის ამ ქვეყანაში ხალხს ჭეშმარიტება გააცნეს. მთლიანობაში აქ 100-ზე მეტი მისიონერი მსახურობდა. მას შემდეგ ამ ტერიტორიაზე, რომელზეც ეს ფილიალი ზრუნავს, ყოველ წელს მილიონ საათზე მეტი ეთმობა ჭეშმარიტებას მოწყურებული ხალხის ძებნას.

განა

[სურათი 386, 387 გვერდებზე]

განაში სასიხარულო ცნობის ქადაგება 1924 წელს დაიწყო. აკრაში მდებარე ეს ფილიალი ზედამხედველობს განაში არსებულ 640-ზე მეტ კრებას. აგრეთვე ის ზედამხედველობას უწევს ბიბლიური ლიტერატურის ევე, გა და ტვი ენებზე თარგმნასა და ბეჭდვას.

კენია

[რუკა⁄სურათი 387 გვერდზე]

1931 წელს კენიაში ქადაგების მიზნით სამხრეთ აფრიკის რესპუბლიკიდან ორი მოწმე ჩავიდა. 1963 წლიდან ორგანიზაციის ფილიალი კენიაში დროდადრო ხელმძღვანელობდა სამქადაგებლო საქმიანობას აღმოსავლეთ აფრიკის ბევრ ქვეყანაში (ნაჩვენებია ქვემოთ რუკაზე). 1973, 1978 და 1985 წლებში კენიაში ჩატარებულმა საერთაშორისო კონგრესებმა დიდი წვლილი შეიტანა სასიხარულო ცნობის გაცხადებაში.

[რუკა]

(სრული ტექსტი იხილეთ პუბლიკაციაში)

კენია

უგანდა

სუდანი

ეთიოპია

ჯიბუტი

სომალი

ტანზანია

სეიშელის კუნძულები

ბურუნდი

რუანდა

იემენი

[სურათები 387 გვერდზე]

კონგრესი ნაირობიში (1978 წელი)

[სურათი 387 გვერდზე]

შეხვედრა სამეფო დარბაზში, რომელიც ფილიალთან ახლოს მდებარეობს

ნიგერია

[სურათები 388, 389 გვერდებზე]

სამსახურებრივი განყოფილება ხელმძღვანელობას უწევს ნიგერიაში 160 000-ზე მეტ სამეფოს მაუწყებელს

ამ ქვეყანაში სასიხარულო ცნობის ქადაგება მიმდინარეობს 1920-იანი წლებიდან. ნიგერიიდან მქადაგებლები დასავლეთ აფრიკის სხვა ნაწილებშიც გაგზავნეს და აქ კვლავაც იბეჭდება ლიტერატურა მეზობელი ქვეყნებისთვის. ნიგერიაში იეჰოვას მოწმეებმა ხალხს 28 000 000-ზე მეტი პუბლიკაცია მისცეს, რათა მათ ღვთის სიტყვის გაგებაში დახმარებოდნენ.

კონგრესი კალაბარში (ნიგერია, 1990 წელი)

ლიბერია

[სურათი 388 გვერდზე]

ისინი, ვინც ამ ქვეყანაში იეჰოვას მოწმეები გახდნენ, რწმენის უამრავი გამოცდის წინაშე დადგნენ. ისინი უნდა გათავისუფლებულიყვნენ ცრურწმენისგან, უარი უნდა ეთქვათ პოლიგამიაზე, უნდა აეტანათ შეცდომაში შეყვანილი თანამდებობის პირების მხრიდან დევნა და ომის დროს პოლიტიკური და ეთნიკური ჯგუფების მხრიდან ზეწოლა. მიუხედავად ამისა, ჭეშმარიტი თაყვანისმცემლობა კვლავაც აერთიანებს ყველა ეროვნების ადამიანს ლიბერიაში.

მავრიკი

[სურათები 389 გვერდზე]

სამხრეთ აფრიკელი გულმოდგინე მოწმეები ინდოეთის ოკეანეში მდებარე ამ კუნძულზე ჯერ კიდევ 1933 წელს ჩავიდნენ. ამჟამად მავრიკიში ათასზე მეტი მოწმე გარშემო მცხოვრებთ აღძრავს, ეძებონ იეჰოვა, რათა წყალობა პოვონ მის თვალში ამ ბოროტი სისტემის განადგურების დროს (სოფ. 2:3).

სამხრეთ აფრიკის რესპუბლიკა

[სურათი 390 გვერდზე]

80 წელზე მეტია, რაც საზოგადოება „საგუშაგო კოშკს“ სამხრეთ აფრიკის რესპუბლიკაში ფილიალი აქვს. გულმოდგინე მქადაგებლებმა სამეფოს შესახებ ცნობა აქედან სამხრეთ და აღმოსავლეთ აფრიკის სხვა ქვეყნებშიც გაავრცელეს. იმ ტერიტორიაზე, რომელიც ადრე ამ ფილიალის ზედამხედველობის ქვეშ იმყოფებოდა (1945 წელს იქ ქადაგებდა 14 674 სამეფოს მაუწყებელი), ახლა 300 000-ზე მეტი აქტიური იეჰოვას მოწმეა.

[სურათები 391 გვერდზე]

ამ ფილიალის ზედამხედველობით 110-ზე მეტი მთარგმნელი 16 აფრიკულ ენაზე თარგმნის ბიბლიურ ლიტერატურას

[სურათი 391 გვერდზე]

აქ ლიტერატურას 40-ზე მეტ ენაზე ბეჭდავენ

სენეგალი

[სურათი 391 გვერდზე]

მიუხედავად იმისა, რომ ამ ქვეყანაში მოწმეების რიცხვი მცირეა, ფილიალმა იზრუნა, რომ არა მხოლოდ სენეგალის, არამედ მისი მეზობელი ქვეყნების თითოეული ქალაქის მაცხოვრებელს, თითოეული ეთნიკური ჯგუფისა თუ რელიგიის წარმომადგენელს შესძლებოდა გულშიჩამწვდომი ბიბლიური ცნობის მოსმენა.

სიერა-ლეონე

[სურათი 391 გვერდზე]

სასიხარულო ცნობის ქადაგება აქ 1915 წლიდან დაიწყო. ზოგჯერ მოწმეების რიცხობრივი ზრდა უმნიშვნელო იყო, მაგრამ როდესაც კრებებიდან გარიცხეს ის ადამიანები, ვინც არ იცავდნენ იეჰოვას მაღალზნეობრივ ნორმებს, და ორგანიზაციას ჩამოშორდნენ ისინი, ვინც არასწორი მოტივებით ემსახურებოდნენ ღმერთს, იეჰოვას ერთგულმა მსახურებმა დიდ სულიერ წარმატებებს მიაღწიეს.

ზამბია

[სურათი 392 გვერდზე]

ეს ფილიალი ზედამხედველობას უწევს ცენტრალური აფრიკის სამხრეთ ნაწილში 110 000-ზე მეტი მოწმის საქმიანობას. ორგანიზაციის პირველი ფილიალი აქ 1936 წელს დაარსდა. მას შემდეგ იეჰოვას მოწმეებმა დაინტერესებულთა დასახმარებლად ზამბიაში 186 000 000-ზე მეტი განმეორებითი მონახულება გააკეთეს. მოწმეებმა ბევრს კითხვაც ასწავლეს, რათა ბიბლიის პირადი შესწავლა და ამ ცნობის სხვებისთვის გაზიარება შესძლებოდათ.

1992 წელს ზამბიაში ჩატარებულ კონგრესებს 289 643 ადამიანი დაესწრო

ზიმბაბვე

[სურათები 392 გვერდზე]

ზიმბაბვეში იეჰოვას მოწმეები 1920-იანი წლებიდან აქტიურად მსახურობენ. მომდევნო წლებში იკრძალებოდა ლიტერატურა და კონგრესების ჩატარება; არ შეიძლებოდა, რომ მისიონერებს აფრიკელი მოსახლეობისთვის ექადაგათ. თანდათანობით ეს სირთულეები გადაილახა და ამჟამად ეს ფილიალი 20 000-ზე მეტ ადგილობრივ მოწმეზე ზრუნავს.

აღმოსავლეთის ქვეყნები

ჰონკონგი

[სურათები 393 გვერდზე]

აქ საზოგადოება „საგუშაგო კოშკის“ პუბლიკაციებს თარგმნიან ჩინურ ენაზე, რომლის სხვადასხვა დიალექტზეც მილიარდზე მეტი ადამიანი ლაპარაკობს. ჰონკონგში სასიხარულო ცნობის ქადაგება 1912 წლიდან მიმდინარეობს, მას შემდეგ, რაც ძმა რასელმა ქალაქის ადმინისტრაციულ შენობაში წარმოთქვა მოხსენება.

ინდოეთი

[სურათი 393 გვერდზე]

ეს ფილიალი ზედამხედველობას უწევს სამეფოს ცნობის ქადაგებას ტერიტორიაზე, სადაც მსოფლიოს მოსახლეობის მეექვსედზე მეტი ცხოვრობს. 1992 წლისთვის ფილიალში პუბლიკაციები 18 ენაზე ითარგმნებოდა და 19 ენაზე იბეჭდებოდა. მათ შორის არის ჰინდი (ლაპარაკობს 367 მილიონი ადამიანი), აგრეთვე ასამური, ბენგალური, გუჯარათული, კანარა, მალაიალამური, მარათული, ნეპალური, ორია, პენჯაბური, ტამილური, ტელუგუ, ურდუ (თითოეულზე ათობით მილიონი ადამიანი ლაპარაკობს).

[სურათები 393 გვერდზე]

მოწმეები ქადაგებენ მალაიალამურ ენაზე

. . ნეპალურ ენაზე

. . გუჯარათულ ენაზე

იაპონია

[სურათები 394 გვერდზე]

იაპონიაში, ისევე როგორც ყველგან, იეჰოვას მოწმეები გულმოდგინედ ქადაგებენ ღვთის სამეფოს შესახებ. მხოლოდ 1992 წელს მათ 85 000 000-ზე მეტი საათი დაუთმეს სასიხარულო ცნობის ქადაგებას. ყოველთვე იაპონელი მოწმეების საშუალოდ 45 პროცენტი პიონერად მსახურობს.

[სურათი 394 გვერდზე]

ბიბლიური ლიტერატურა აქ ბევრ ენაზე იბეჭდება, მათ შორის იაპონურ, ჩინურ და ფილიპინებზე გავრცელებულ ენებზე

[სურათი 394 გვერდზე]

რეგიონალური საინჟინრო ოფისი ეხმარება სხვა ქვეყნებს ფილიალების მშენებლობაში

[სქემა 394 გვერდზე]

(სრული ტექსტი იხილეთ პუბლიკაციაში)

პიონერები იაპონიაში

75 000

50 000

25 000

1975 1980 1985 1992

სამხრეთი კორეა

[სურათები 395 გვერდზე]

ამ ფილიალში სამხრეთ კორეაში მცხოვრები 70 000-ზე მეტი მოწმისთვის ტრაქტატების გარდა ყოველ წელს ბიბლიური ლიტერატურის დაახლოებით 16 მილიონი ეგზემპლარი იბეჭდება. კორეელი მოწმეების დაახლოებით 40 პროცენტი პიონერად მსახურობს.

მიანმა

[სურათები 395 გვერდზე]

როდესაც 1947 წელს საზოგადოება „საგუშაგო კოშკმა“ ეს ფილიალი დააარსა, ამ ქვეყანაში მხოლოდ 24 იეჰოვას მოწმე იყო. 1992 წლისთვის მიანმაში 2 000-ზე მეტი აქტიური მოწმე იყო, რომლებიც არა მხოლოდ ქალაქების, არამედ სოფლების მრავალრიცხოვან მოსახლეობასთანაც ქადაგებდნენ.

ფილიპინები

[სურათი 396 გვერდზე]

1912 წელს ჩარლზ რასელმა მანილას „გრანდ-ოპერა-ჰაუზში“ წარმოთქვა მოხსენება „სად არის მიცვალებულთა სამყოფელი?“. მას შემდეგ იეჰოვას მოწმეებმა ამ ქვეყანაში 483 000 000-ზე მეტი საათი მიუძღვნეს იმ ადამიანებთან ქადაგებას, რომლებიც ფილიპინების დაახლოებით 900 დასახლებულ კუნძულზე ცხოვრობენ. ეს ფილიალი ზედამხედველობს 110 000-ზე მეტ მოწმეს, რომლებიც 3 200 კრებაში მსახურობენ. ადგილობრივი მოთხოვნილებების დასაკმაყოფილებლად აქ რვა ენაზე იბეჭდება ლიტერატურა.

[სურათები 396 გვერდზე]

მოწმეები ფილიპინებზე არსებული ზოგიერთი ძირითადი ენობრივი ჯგუფიდან

შრი-ლანკა

[სურათი 397 გვერდზე]

ცეილონში (ახლანდელი შრი-ლანკა), რომელიც ინდოეთის სამხრეთით მდებარეობს, სასიხარულო ცნობა პირველ მსოფლიო ომამდე იქადაგეს. მალევე ჩამოყალიბდა ბიბლიის შემსწავლელი ჯგუფი. 1953 წლიდან ორგანიზაციას დედაქალაქში აქვს ფილიალი, რათა ამ ქვეყანაში სამეფოს შესახებ ცნობა მოისმინონ სინჰალურმა, ტამილურმა და სხვა ეთნიკურმა ჯგუფებმა.

ტაივანი

[სურათი 397 გვერდზე]

სასიხარულო ცნობა აქ ნაწილობრივ 1920-იან წლებში იყო ნაქადაგები. მაგრამ უფრო ძირფესვიანად ქადაგება 1950-იანი წლებიდან დაიწყეს. 1992 წლისთვის მიმდინარეობდა ამ ფილიალის მშენებლობა, რათა მსოფლიოს ამ ნაწილში სამქადაგებლო საქმიანობის წინსვლისთვის შეეწყო ხელი.

[სურათი 397 გვერდზე]

კრება ტაიბეიში

ტაილანდი

[სურათი 397 გვერდზე]

1930-იან წლებში ბრიტანეთიდან, გერმანიიდან, ავსტრალიიდან და ახალი ზელანდიიდან ტაილანდში (მაშინ სიამი ეწოდებოდა) ბიბლიური ჭეშმარიტების საქადაგებლად პიონერები ჩავიდნენ. 1963, 1978, 1985 და 1991 წლებში ტაილანდში ჩატარებულ საერთაშორისო კონგრესებს სხვადასხვა ქვეყნიდან ჩასული დელეგატები დაესწრნენ, რათა გაემხნევებინათ ადგილობრივი მოწმეები და აღეძრათ სამეფოს შესახებ ცნობის გასავრცელებლად.

[სურათი 397 გვერდზე]

კონგრესი, 1963 წელი

[სურათი 397 გვერდზე]

უცხოელი დელეგატები, 1991 წელი

[სურათი 398 გვერდზე]

ოკეანეთი

ფიჯი

[სურათი 398 გვერდზე]

ამ კუნძულებზე ფილიალი 1958 წელს დაარსდა. გარკვეული ხნის მანძილზე ის სამეფოს საქმიანობას 12 ქვეყანაში და 13 ენაზე უწევდა ხელმძღვანელობას. 1992 წლისთვის ეს ფილიალი ზედამხედველობდა ფიჯის კუნძულთა ჯგუფის დაახლოებით 100 დასახლებულ კუნძულს.

[სურათი 398 გვერდზე]

1963, 1969, 1973 და 1978 წლებში ჩატარებული საერთაშორისო კონგრესები ადგილობრივ მოწმეებს სხვა ქვეყნებიდან ჩასულ მოწმეებთან დაახლოებაში დაეხმარა

გუამი

[სურათი 398 გვერდზე]

ეს ფილიალი ზედამხედველობას უწევს წყნარ ოკეანეში 7 770 000 კვადრატულ კილომეტრზე მეტ რადიუსში არსებულ კუნძულებზე სასიხარულო ცნობის ქადაგებას. მისი ზედამხედველობით მიმდინარეობს ბიბლიური ლიტერატურის ცხრა ენაზე თარგმნა.

[სურათი 398 გვერდზე]

სარაიონო ზედამხედველი ხშირად თვითმფრინავით მიემგზავრება ერთი კუნძულიდან მეორეზე

[სურათი 398 გვერდზე]

სამქადაგებლო ტერიტორიაზე ადგილობრივი მოწმეები ზოგჯერ ნავებით მიდიან, მაგალითად მიკრონეზიაში

ჰავაი

[სურათი 399 გვერდზე]

საზოგადოება „საგუშაგო კოშკის“ ფილიალი ჰონოლულუში 1934 წლიდან არსებობს. ზოგი ჰავაელი მოწმე არა მხოლოდ მშობლიურ კუნძულებზე ქადაგებს, არამედ იაპონიაში, ტაივანში, გუამიში და მიკრონეზიის კუნძულებზე.

ახალი კალედონია

[სურათი 399 გვერდზე]

რელიგიური მოწინააღმდეგეების მხრიდან დაბრკოლებების მიუხედავად, იეჰოვას მოწმეებმა ღვთის სამეფოს შესახებ ცნობა ახალ კალედონიაშიც იქადაგეს. ბევრი გულისყურით უსმენდა მათ. პირველი კრება 1956 წელს ჩამოყალიბდა. 1992 წლისთვის იქ 1 300-ზე მეტი ადამიანი განადიდებდა იეჰოვას.

ახალი ზელანდია

[სურათი 399 გვერდზე]

1947 წელს საზოგადოება „საგუშაგო კოშკმა“ ახალ ზელანდიაში თავისი ფილიალი დააარსა, რათა ზედამხედველობა გაეწია ამ ქვეყანაში სასიხარულო ცნობის ქადაგებისთვის.

[სურათი 399 გვერდზე]

ფილიალში მიმდინარეობს პუბლიკაციების თარგმნა, რისი წყალობითაც სამოას, რაროტონგასა და ნიუეს მცხოვრებლები რეგულარულად იღებენ გამამხნევებელ სულიერ საზრდოს.

[სურათი 399 გვერდზე]

მთარგმნელები და კორექტორები თანამშრომლობენ, რათა პუბლიკაციების ხარისხი მაღალი იყოს

ავსტრალია

[სურათები 400 გვერდზე]

საზოგადოება „საგუშაგო კოშკს“ ავსტრალიაში ფილიალი 1904 წლიდან აქვს. წარსულში ეს ფილიალი ზედამხედველობას უწევდა სამეფოს ცნობის გაცხადებას ტერიტორიაზე, რომელიც დედამიწის თითქმის მეოთხედს მოიცავს, მათ შორის ჩინეთს, სამხრეთ-აღმოსავლეთ აზიას და წყნარი ოკეანის სამხრეთ ნაწილში მდებარე კუნძულებს.

[სურათი 400 გვერდზე]

რეგიონალური საინჟინრო ოფისი წყნარი ოკეანის სამხრეთ ნაწილსა და სამხრეთ-აღმოსავლეთ აზიაში ფილიალებს მშენებლობაში ეხმარება

[სურათები 400 გვერდზე]

1992 წლისთვის ეს ფილიალი 25-ზე მეტ ენაზე ბეჭდავდა ბიბლიურ ლიტერატურას. ეს სტამბა ლიტერატურით ამარაგებდა 78 000 მოწმეს, რომლებზეც წყნარი ოკეანის სამხრეთ ნაწილში მდებარე რვა ფილიალი ზრუნავს.

[რუკა⁄სურათი 400 გვერდზე]

ქვეყნები, რომლებსაც ავსტრალიის ფილიალი ლიტერატურით ამარაგებდა

[რუკა]

(სრული ტექსტი იხილეთ პუბლიკაციაში)

ავსტრალია

პაპუა-ახალი გვინეა

ახალი კალედონია

სოლომონის კუნძულები

ფიჯი

დასავლეთი სამოა

ტაიტი

ახალი ზელანდია

პაპუა-ახალი გვინეა

[სურათები 400 გვერდზე]

იეჰოვას მოწმეებისთვის ამ ქვეყანაში განსაკუთრებულ სირთულეს ის წარმოადგენს, რომ აქ ხალხი დაახლოებით 700 ენაზე ლაპარაკობს. მოწმეები პაპუა-ახალ გვინეაში საქადაგებლად, სულ მცირე, ათი ქვეყნიდან ჩავიდნენ. ადგილობრივი ენების შესწავლას მათ დიდი ძალისხმევა მოახმარეს. დაინტერესებული ადამიანები უთარგმნიან მათ, ვინც სხვა ენებზე ლაპარაკობს. სწავლების დროს მათ დიდ დახმარებას უწევს ილუსტრაციები.

სოლომონის კუნძულები

[სურათები 401 გვერდზე]

სოლომონის კუნძულებზე სამეფოს შესახებ ცნობამ 1950-იანი წლების დასაწყისში წერილების მეშვეობით ჩატარებული ბიბლიის შესწავლის წყალობით მიაღწია. მიუხედავად სერიოზული წინააღმდეგობებისა, სოლომონის კუნძულებზე ბიბლიური ჭეშმარიტება გავრცელდა. ფილიალის ეს შენობა და დიდი საკონგრესო დარბაზი ადგილობრივი ძმების მოხერხებულობის, საერთაშორისო თანამშრომლობისა და იეჰოვას სულის ძლიერი მოქმედების შედეგად არსებობს.

ტაიტი

[სურათები 401 გვერდზე]

იეჰოვას მოწმეებმა სამეფოს შესახებ ცნობა ტაიტიზე 1930-იანი წლების დასაწყისში იქადაგეს. აქ, წყნარი ოკეანის შუაგულში, საფუძვლიანი ქადაგება მიმდინარეობს. 1992 წლამდე ოთხი წლის მანძილზე მოწმეებმა ამ კუნძულზე მცხოვრებ თითოეულ კაცს, ქალსა თუ ბავშვს საშუალოდ ხუთ საათზე მეტი უქადაგეს.

დასავლეთი სამოა

[სურათი 401 გვერდზე]

დასავლეთი სამოა მსოფლიოში ერთ-ერთი ყველაზე პატარა ქვეყანაა, თუმცა იეჰოვას მოწმეებს აქაც აქვთ ფილიალი. ეს შენობა 1992 წელს ჯერ კიდევ შენდებოდა, რათა ზედამხედველობა გაეწია სამქადაგებლო საქმიანობისთვის ამ და სხვა ახლომდებარე კუნძულებზე, მათ შორის ამერიკის სამოაზე.