სამაგალითო ადამიანები — სამი ებრაელი

ხანანია, მიშაელი და აზარია ბაბილონთან ახლოს მდებარე დურას ველზე დგანან. მათ გარშემო ყველა თაყვანს სცემს უზარმაზარ კერპს. სხვების ზეგავლენისა და მეფის მუქარის მიუხედავად, ეს სამი ებრაელი გადაწყვეტილებას არ იცვლის. ისინი პატივისცემით და ამავდროულად მტკიცედ ეუბნებიან ნაბუქოდონოსორს, რომ იეჰოვას მსახურებაზე უარს ვერ იტყვიან (დანიელი 1:6; 3:17, 18).

ისინი მოზარდები იყვნენ, როდესაც ბაბილონში გადაასახლეს. მათი ერთგულება ჯერ კიდევ მაშინ გამოჩნდა, როცა უარი თქვეს ღვთის კანონით აკრძალული საკვების ჭამაზე. ამან ეს ახალგაზრდები მომავალი განსაცდელებისთვის მოამზადა (დანიელი 1:6—20). მათ უკვე საკუთარი გამოცდილებიდან იცოდნენ, რატომ ღირდა იეჰოვას მორჩილება. შენც მზად ხარ, გაუძლო თანატოლების ზეგავლენას, რათა არ უღალატო ღვთის ნორმებს? თუ დღეს მცირედში დაემორჩილები იეჰოვას, ხვალ უკეთ გაუმკლავდები უფრო სერიოზულ სირთულეებს (იგავები 3:5, 6; ლუკა 16:10).