სამაგალითო ადამიანები — პავლე

პავლე მოციქული ეგუებოდა თავის სისუსტეებს. ის გულწრფელად ამბობდა: „მინდა ვაკეთო, რაც სწორია, მაგრამ თან მდევს ცუდი“. პავლეს უნდოდა სიკეთის კეთება და წერდა: „შინაგანად მართლაც მსიამოვნებს ღვთის კანონი“. მაშ, რაში იყო პრობლემა? ამას შემდეგი სიტყვებიდან ვხედავთ: „სხვა კანონს ვხედავ, რომელიც ებრძვის ჩემი გონების კანონს და ჩემი სხეულის ნაწილებში მყოფი ცოდვის კანონის ტყვედ მაქცევს“. პავლეს არ უხაროდა საკუთარი შეცდომების დანახვა, რაც კარგად ჩანს მის სიტყვებში: „საწყალი ადამიანი ვარ!“ (რომაელები 7:21—24).

ძალიან განიცდი საკუთარ შეცდომებს? თუ ასეა, შეახსენე თავს, რომ ასეთი განცდები დროდადრო პავლესაც ჰქონდა. მაგრამ მას ესმოდა, რომ ქრისტე სწორედ მისნაირი ადამიანებისთვის მოკვდა. ამიტომაც ამბობდა: „ვმადლობ ღმერთს ჩვენი უფლის იესო ქრისტეს მეშვეობით!“ (რომაელები 7:25). პავლე აფასებდა ქრისტეს გამოსასყიდს და წერდა: „[ღვთის ძემ] შემიყვარა და თავი გასწირა ჩემთვის“ (გალატელები 2:20). როცა გიფუჭდება ხასიათი, იფიქრე გამოსასყიდზე. თუ შეცდომების გამო გიტყდება გული, გახსოვდეს, რომ ქრისტე ცოდვილებისთვის მოკვდა და არა სრულყოფილი ადამიანებისთვის.